Արխիւ

Հանրապետութեան նախագահ Ռեճեփ Թայյիպ Էրտողան եւ Հայաստանի վարչապետ Նիկոլ Փաշինեան երէկ ոտքի վրայ զրոյց մը ունեցան Պուտափեշտի մէջ, ուր մասնակցեցան Եւրոպական քաղաքական համայնքի 5-րդ գագաթաժողովին, որ կազմակերպուած էր Հունգարիոյ տանտիրութեամբ։

ՄԱՇՏՈՑ ՔԱՀԱՆԱՅ ԳԱԼՓԱՔՃԵԱՆ

ԿՈՅՍ՝ նշանակ է կռապաշտութենէ զերծ հաւատարիմ ծառաներու. (ՅԱՅՏ. ԺԴ 4)։
ԿՐԱԿ կը նշանակէ Աստուծոյ Խօսքին զօրութիւնը. (ԵՐԵՄ. ԻԳ 29). դարձեալ, բան մը զտելու միջոց. (ԶԱՔ. ԺԳ 9), (ՄԱՂ. Գ 2)։ Կը նշանակէ նաեւ հալածանք. (Ա ՊԵՏ. Ա 7), եւ պատիժ կամ տանջանք. (ՄԱՐԿ. Թ 44)։

Գալֆաեան տան սաները փայլուն յաջողութիւն արձանագրեցին՝ Իսթանպուլի գլխաւոր քաղաքապետութեան կողմէ կազմակերպուած մտախաղերուն մէջ։ Առաջին երկու հանգրուանները յաջողութեամբ յաղթահարելով՝ անոնք իրաւունք շահեցան աւարտական փուլի բարձրանալու։

Երէկ, հաճոյքն ունեցանք խմբագրատանս մէջ հիւրընկալելու Պաքըրգիւղի Ծնունդ Ս. Աստուածածին եկեղեցւոյ թաղային խորհուրդի ատենապետուհի Մարի Եանճըն եւ փոխ-ատենապետ Նուպար Մանավեանը։ Պաքըրգիւղի ընտանիքը այս շրջանին կը պատրաստուի՝ թաղի Տատեան վարժարանի ի նպաստ տարեկան հանգանակութեան։

Ամերիկայի Միացեալ Նահանգներու նորընտիր նախագահ Տանըլտ Թրամփ շնորհաւորութիւններ կը ստանայ աշխարհի գրեթէ բոլոր երկիրներու եւ միջազգային կազմակերպութիւններու ղեկավարներուն կողմէ։ Այս ամբողջին մէջ, Անգարայի եւ Երեւանի ղեկավարութիւններն ալ շնորհաւորած են Տանըլտ Թրամփը։

ՍԱԳՕ ԱՐԵԱՆ

Հայաստան-Ամերիկայի Միացեալ Նահանգներ յարաբերութիւններու կապակցութեամբ սպասումներ:
Երեւանի դիմագրաւած «Զանգեզուրի միջանցք»ի սպառնալիքին շուրջ համակարծիք պիտի մնա՞ն Ուաշինկթընն ու Թեհրանը:

ՎԱՐԱՆԴ ՔՈՐԹՄՈՍԵԱՆ

Վերջերս արաբերէն գրութեան մը հանդիպեցայ, որ կը կրէր այս վերնագիրը. «Զգուշացէ՛ք հաշմանդամ մեծցնելէ ձեր տուներէն ներս»:
Առաջին տպաւորութիւնս զարմանքն էր, բայց գրութիւնը կարդալէ ետք յստակացաւ վերնագիրին իմաստը, մանաւանդ որ ես ալ ծնող ըլլալով, շատ յաճախ գրութեան մէջ յիշատակուած կէտերէն մէկը կամ միւսը կը գործադրեմ…

ՀՐԱՅՐ ՏԱՂԼԵԱՆ

Յաջողութիւնը երկինքէն տեղացող մանանայ մը չէ, ոչ ալ հողին տակը պահուած «գանձ» մըն է. յաջողութիւնը մարդուն մէջ սկիզբ կ՚առնէ եւ անոր ամենէն հաստատուն սիւներէն մէկը համոզումն է. մարդ իր ուժերէն բացի պէտք է հաւատայ իր գաղափարներուն ու համոզումներուն. յաճախ մարդկային տկարութեամբ երբ փոքր դժուարութեան հանդիպինք, կը յուսահատինք, սակայն կը յաղթէ ան, որ հաստատ ու հաւատարիմ կը մնայ իր համոզումներուն։

Ամերիկայի Միացեալ Նահանգներու մէջ երէկ տեղի ունեցաւ նախագահական ընտրութիւն, որու հիման վրայ Տանըլտ Թրամփ վերստին կը ստանձնէ երկրին ղեկը։ Համայն աշխարհի անմիջական ուշադրութեան պայմաններուն ներքեւ տեղի ունեցաւ քուէարկութիւնը։