Արխիւ

Գերագոյն հոգեւոր խորհուրդի անցեալ շաբթուան ընդլայնուած կազմով նստաշրջանի աւարտին պաշտօնական յայտարարութիւն:
Մայր Աթոռ Սուրբ Էջմիածնի մէջ հետեւողական պատրաստութիւններ՝ Եկեղեցական-ներկայացուցչական ժողովի կազմակերպման ուղղութեամբ:

Հայաստանի վարչապետ Նիկոլ Փաշինեան շաբաթավերջին հեռախօսազրոյցներ ունեցաւ Ֆրանսայի Հանրապետութեան նախագահ Էմմանիւէլ Մաքրոնի եւ Իրանի նախագահ Մեսուտ Փեզեշքիանի հետ։

Պոլսահայ մշակութասէրներուն տեսակէտէ շաբաթավերջին եզակի ու հաճելի իրադարձութիւն մը եղաւ «Կիկօ-ի հետ առաջ ու յետ» խորագրեալ ցուցահանդէսին բացումն ու նոյն առթիւ պատրաստուած գիրքին շնորհանդէսը։ Երէկ յետմիջօրէին, Գարակէօզեան տան համալիրէն ներս, «Նատիա եւ Տիգրան Կիւլմէզկիլ» գեղարուեստից աշխատանոցի երդիքին տակ տեղի ունեցաւ ձեռնարկը, որ մեծանուն բանաստեղծ Զահրատի վիթխարի ժառանգութեան վառ հետքերուն հետեւելու առումով ինքնուրոյն հնարաւորութեան մը վերածուեցաւ

ԱՆՈՒՇ ԹՐՈՒԱՆՑ

Անուանի հոգեւորական Հենրի Ճ.Մ. Նուընի «Ճանապարհորդութեան հացը․ Ճառագայթումներ տարուան իւրաքանչիւր օրուան համար» հատորը խորհրդածութիւններ ունի տարուայ բոլոր օրերուն համար։ Հայերէնի թարգմանած է Բերիոյ հայոց թեմի առաջնորդ Տ. Մակար Արքեպիսկոպոս Աշգարեան եւ գրեթէ հայացուցած անուանի հոգեւորականի նոյնքան նշանաւոր գիրքը, որ լոյս տեսած է 1996 թուականին եւ տարածուած աշխարհով մէկ։

ՏԻԳՐԱՆ ԳԱԲՈՅԵԱՆ

Չկայ հաւաքական կամ միասնական զգացուածութեան ֆիզիքական եւ հոգեկան տառապանք՝ թէ՛ բնազանցականութիւնով եւ թէ գիտական ու ընկերաբանական գործադրմամբ: Հաւաքական տառապանքի ընկալումը, վերծանումը, տեղ մը տարածումը, օգտագործումն ու վերացման ջանքերը (համամարդկային կրօնական եւ քաղաքական օրէնսդրական ալ մակարդակներով) կրնանք համարել մխիթարանքի ու փարատման չստացուող փորձ, ինչ որ կը հաւասարակշռէ անհատական տառապանքը, որ չէ չամոքուած ու չէ ոչնչացած:

ՄԱՇՏՈՑ ՔԱՀԱՆԱՅ ԳԱԼՓԱՔՃԵԱՆ

Ապաշխարութիւնը խորհուրդ մըն է. անոնք որոնք կը մօտենան Ապաշխարութեան խորհուրդին, Աստուծոյ դէմ գործած իրենց վիրաւորանքին՝ որով վշտացուցած են զԱյն, Աստուծոյ ողորմութենէն կ՚ընդունին ներումը եւ միաժամանակ կը հաշտուին իրենց մեղքով վիրաւորած Եկեղեցւոյ հետ, որ մարդասիրութեամբ, բարի օրինակով եւ աղօթքներով, ողորմութեամբ եւ պահքով կը սատարէ իրենց դարձին։

Էյուպի Ս. Եղիա եկեղեցւոյ մէջ սկսած են բարեկարգման աշխատանքներ։ Վերանորոգութեան ծրագրին մասին այսօր տեղեկութիւններ փոխանցեցին Պատրիարքական Աթոռի աղբիւրները, որոնք հաղորդեցին նաեւ, որ աշխատանքներուն բերումով Էյուպի Ս. Եղիա եկեղեցւոյ մէջ Մեծ պահոց շրջանին տեղի պիտի չունենան Արեւագալի ժամերգութիւններ։

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեանի հրամանաւ եւ օրհնութեամբ, Բուն բարեկենդանի առթիւ, Հաթայի եկեղեցեաց հոգեւոր հովիւ եւ գաւառի տեսուչ Տ. Աւետիս Քհնյ. Թապաշեան մեկնեցաւ Էլազըղ: Հովուական ուղեւորութեան ընթացքին տէր հօր կ՚ընկերանար Իսքենտերունի Ս. Քառասուն Մանկունք եկեղեցւոյ ծխական խորհուրդի ատենապետ Եուսուֆ ուրարակիր դպիր Թապաշեան:

ՎԱՐԱՆԴ ՔՈՐԹՄՈՍԵԱՆ

Մեծ պահքի ժամանակաշրջանը քրիստոնեայ իւրաքանչիւր անհատի համար ամենէն լաւ առիթն է՝ իր ունեցած հաւատքին մէջ խորանալու, ա՛լ աւելիով մօտենալու Աստուծոյ, զգալու Անոր ներկայութիւնը եւ նախախնամութիւնը մեր կեանքէն ներս, վայելելու Անոր օրհնութիւններն ու ողորմութիւնը: