Արխիւ

ՄԱՇՏՈՑ ՔԱՀԱՆԱՅ ԳԱԼՓԱՔՃԵԱՆ

Շէյքսփիրի «Համլէթ»ին նախատիպը՝ «Ամէթ» անունով սկանտինաւեան առասպելի մը հերոսն է, զոր գրի առած է դանիացի Սաքսոն Կրամադիգոս 12-րդ դարուն։ Այս առասպելը ֆրանսերէնի վերածուած է պատմագիր Պելփորենի կողմէ. իսկ William Shakespeare-ի (1564-1616թթ.) մոգական գրչին տակ, շունչ եւ կենդանութիւն ստացած է ան։

Պատրիարքական փոխանորդ Տ. Գրիգոր Աւ. Քհնյ. Տամատեան տասնօրեայ այցելութիւն մը կու տայ Հայաստան, ուր կ՚իջեւանի Մայր Աթոռ Սուրբ Էջմիածնի մէջ:
Հայագիտական միջազգային քոնկրէսին համար մշակուած է քառօրեայ աշխատանքային ծրագիր մը՝ բազմաթիւ հեղինակաւոր մասնագէտներու մասնակցութեամբ եւ յարակից ձեռնարկներով:

Հայաստանի անվտանգութեան խորհուրդի քարտուղար Արմէն Գրիգորեան երէկ տեսակցեցաւ Ամերիկայի Միացեալ Նահանգներու պետական քարտուղարի տեղակալ Ուզրա Զէյայի հետ, որ շփումներ ունեցաւ Երեւանի մէջ։ Բարձրաստիճան դիւանագէտը պատասխանատու է քաղաքացիական անվտանգութեան, ժողովրդավարութեան եւ մարդու իրաւանց գծով։

Արարատ Միրզոյեան Նիւ Եորքի մէջ խօսեցաւ Անգարա-Երեւան բնականոնացման գործընթացին շուրջ:
«Հայաստան շարունակական ջանքեր կը գործադրէ Թուրքիոյ հետ յարաբերութիւններու ամբողջական կարգաւորման ուղղութեամբ»:

ՄՈՒՀԱՄՄԱՏ ԱԼ-ՄԱՂՈՒԹ
Արաբերէնէ թարգմանեց՝
ՎԱՐԱՆԴ ՔՈՐԹՄՈՍԵԱՆ

Խրատ իւրաքանչիւր արաբ քաղաքացիի՝ աջակողմեան ըլլայ թէ ձախակողմեան, հարցի լուծման խաղաղ տարբերակին թէ զինուորական տարբերակին կողմնակից ըլլայ, եթէ առողջական որեւէ մէկ խնդիր ունեցաւ, մասնագէտ բժիշկի թող չայցելէ:

Երէկ, 15 Յուլիսի ժողովրդավարութեան եւ ազգային միասնականութեան օրուան առթիւ բովանդակ Թուրքիոյ մէջ տեղի ունեցան հանդիսաւոր արարողութիւններ։

Տ.Տ. Գարեգին Բ. Ամենայն Հայոց Կաթողիկոսը երէկ Մայր Աթոռ Սուրբ Էջմիածնի մէջ ընդունեց Հայ յեղափոխական դաշնակցութեան (ՀՅԴ) պիւրոյի ներկայացուցիչ Յակոբ Տէր-Խաչատուրեանը։

ՏԻԳՐԱՆ ԳԱԲՈՅԵԱՆ

Ներկայ ժամանակներուն շատ զարգացաւ զբօսաշրջութիւնը եւ այդ մէկը կապուած է շարք մը հանգամանքներու հետ: Նախ՝ բաց, համաշխարհայնացած ու հասանելի աշխարհը դիւրացուց մարդոց տեղափոխումները զանազան պատճառներով, ապա՝ տնտեսական յարաբերական համաշխարհային բարգաւաճումը եւ միջին խաւի զարգացում-կայացումը նաեւ իր դերը խաղաց զբօսաշրջութեան զարգացման եւ վերջապէս գիտական յառաջընթացը, որ դրսեւորուեցաւ մանաւանդ ճամբաներու եւ փոխադրամիջոցներու հնարմամբ, կառուցմամբ ու տարածմամբ, ինչ որ մարդոց առիթ տուաւ անդադար ճամբորդելու:

ՄԱՇՏՈՑ ՔԱՀԱՆԱՅ ԳԱԼՓԱՔՃԵԱՆ

Մարդկային կեանքի մէջ սխալներ, վրիպումներ եւ յանցանքներ անխուսափելի են։ Բայց կան այնպիսի սխալներ, այնպիսի յանցանքներ՝ որոնք կրնան փոխել ամբողջ կեանքին ընթացքը, ո՛չ միայն յանցաւորին, այլ նաեւ՝ ընտանիքի մը եւ կամ ժողովուրդի մը ամբողջ։