Արխիւ

«Գեղանկարչութիւնը բեմի վրայ» ցուցահանդէսին ներկայացուեցան ռուս անուանի հեղինակներու թատերական էսքիզները։ Այսպէս, «Գեղանկարչութիւնը բեմի վրայ» ցուցահանդէսին ընդգրկուած է 19-րդ դարու վերջի եւ 20-րդ դարասկիզբի յայտնի ռուս նկարիչներու տասներեք թատերական էսքիզ՝ գիտութիւններու տոքթոր, փրոֆ. Արամ Աբրահամեանի հաւաքածոյէն:

ԱՐԱՄ ԱԲՐԱՀԱՄԵԱՆ

Վերջերս կրթութեան մասնագէտ Սերովբ Խաչատրեան ինծի հետ զրոյցի ժամանակ յայտնեց ուշագրաւ միտք մը, որու իմաստը հետեւեալն է. առաջ Երեւանի Պետական համալսարանի վերնախաւի զգալի մասը (բազմաթիւ տեքաններ, ամպիոնի վարիչներ) կը վախնային իշխանութենէն, հիմա չեն վախնար եւ սա լաւ է։ Բայց հիմա իշխանութենէն թէեւ չեն վախնար, սակայն չեն ալ յարգեր, իսկ սա վատ է։

Ռուսաստանի նախագահ Վլատիմիր Փութին յայտարարեց, որ իր երկիրը գլխաւոր դերը խաղացած է Լեռնային Ղարաբաղի մէջ զինեալ հակամարտութեան դադրեցման ուղղութեամբ։
Վլատիմիր Փութին երէկ Ռուսաստանի դաշնակցային ժողովին մէջ հանդէս եկաւ ելոյթով մը, որու ընթացքին անդրադարձաւ նաեւ Արցախի երկրորդ պատերազմին

Նախարար Արա Այվազեան. «Ուժի կիրառումով ստեղծուած իրողութիւնները չեն կրնար օրինական ըլլալ»:
Հայաստան երկրորդ անգամ դարձաւ ԵԱՀԿ-ի Անվտանգութեան համագործակցութեան ֆորումի շրջանային նախագահ երկիրը:

Արտաքին գործոց նախարար Մեւլիւտ Չավուշօղլու հերթական անգամ Ապրիլի 24-ի ընդառաջ անդրադարձաւ՝ Ամերիկայի Միացեալ Նահանգներու նախագահ Ճօ Պայտընի կողմէ պատգամին մէջ Հայոց ցեղասպանութեան ճանաչման հաւանականութեան։ «Եթէ ԱՄՆ կը փափաքի յարաբերութիւնները վատթարացնել, ապա որոշումը իրենն է», ըսաւ Մեւլիւտ Չավուշօղլու եւ աւելցուց, որ այդ քայլը վնաս պիտի հասցնէ ՆԱԹՕ-ի գծով դաշնակից երկու երկիրներու՝ առանց այդ ալ լարուած յարաբերութիւններուն։

Համաշխարհային օրուան գագաթաժողովը առցանց հարթակի վրայ պիտի մէկտեղէ ղեկավարներ:
Հանրապետութեան նախագահ Էրտողան պիտի ներկայացնէ իր մօտեցումները՝ կլիմայի փոփոխութեան տագնապին շուրջ:

Լեռնային Ղարաբաղի պատերազմէն վերջ հաստատուած հրադադարի պահպանման վերահսկման շրջանակներէն ներս Ռուսաստան-Թուրքիա համատեղ մշտադիտարկման կեդրոնի անձնակազմը կը շարունակէ իրականացնել իր առաջադրանքները։ Ռուսաստանի Պաշտպանութեան նախարարութեան աղբիւրները երէկ հրապարակեցին տեղեկագիր մը, ուր մատնանշուած է այս մասին։

ԵՐԱՄ

​Աւելի քան հինգ տարիէ ի վեր այս գործը կ՚ընէ արդէն։ Ռուսաստանէն վերադարձին, դեռ քսան տարեկան, երբ ձախողեր էր իր վրայ դրուած բոլոր յոյսերը իբր պանդուխտ, ու ձեռքերը գրեթէ պարապ վերադարձեր էր հայրենի գիւղ՝ բազմած Արայի լանջին, դրացի Մկուչենց տունէն գտեր էր գործիքն այս։

Ճաբոնի մէջ Քոքօ անունով կատուն մէկ օրով նշանակած են ոստիկանութեան բաժնի ղեկավար։ Այսպէս, Ճաբոնի մէջ Քոքօ անունով կատուն մէկ օրով նշանակուած է Տոիամա քաղաքի ոստիկանութեան բաժանմունքի ղեկավար՝ փրկելու համար տեղւոյն բնակիչներէն մէկուն կեանքը: