Արխիւ

Հայաստանի վարչապետ Նիկոլ Փաշինեան այսօր աշխատանքային այցելութեան մը կը ձեռնարկէ դէպի Գերմանիա։ Ուղեւորութեան առաջին փուլին՝ Պերլինի մէջ այսօր նախատեսուած է իր հանդիպումը Գերմանիոյ վարչապետ Անկելա Մերքէլի հետ։

«Դէպի Աստուած ճանապարհը կ՚օգնէ բացայայտել սեփական ինքնութիւնը»:
Վեհափառը ազգի հեղինակութեան բարձրացման գործօն կը համարէ երիտասարդութեան նուաճումները:

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան նախընթաց օր Գումգաբուի մէջ հիւրընկալեց Գերմանիայէն՝ «Մարթին Պոսեր» սեմինարի վերատեսուչ Փրոֆ. Թոմաս Քինքէրը։ Ներկայ էր նաեւ Պատրիարքարանի միջեկեղեցական յարաբերութիւններու պատասխանատու Տ. Տրդատ Քհնյ. Ուզունեան։

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան վերջին օրերուն հիւրընկալեց Իսթանպուլի երեսփոխան Մուսթաֆա Տեմիրը, որ նախապէս երկար ատեն եղած էր Ֆաթիհի քաղաքապետ։ Հանդիպման ներկայ եղաւ Պատրիարքական փոխանորդ Տ. Գրիգոր Ա. Քհնյ. Տամատեան։ Մուսթաֆա Տեմիր քաղաքավարական այցելութեան փութացած էր՝ անձամբ շնորհաւորելու համար Նորին Ամենապատուութեան ընտրութիւնը։

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան սկսաւ հովուապետական այցելութիւններ շնորհել մեր եկեղեցիներուն։ Երէկուան դրութեամբ Նորին Ամենապատուութիւնը սկսաւ այցելել մեր եկեղեցիները։ Աւանդութիւն է, որ Պոլսոյ Աթոռի գահակալը պաշտօնի կոչուելէ վերջ հովուապետական այցելութիւններ կը շնորհէ այն եկեղեցիներուն, որոնք Պատրիարքական Աթոռի հոգեւոր իրաւասութեան սահմաններուն մէջ կը մնան։

Գրեց՝ ԱՐԵՒԻԿ ՊԱՊԱՅԵԱՆ

Պարոն Արտաշէսի ճամբուն վրայ կը գտնուի դէպի երկինք խոյացող, շքեղագոյն շինութիւն մը, որ իր իւրայատուկ արտաքինով անտարբեր չի ձգեր անցորդները։ Անկարելի է սա բարձրայարկ սքանչատես կառոյցի քովէն անցնիլ ու չնկատել զայն։

Հալէպի Պետական համալսարանի Լեզուներու բարձրագոյն ուսումնարանէն ներս սկսաւ հայերէնի ուսուցման ծրագիր մը: Դասաւանդութիւնը կը վարէ Համազգայինի Հալէպի Հայագիտական հիմնարկի դասախօս Մարիա Գաբրիէլեան:

Ամենայն Հայոց Տ.Տ. Գարեգին Բ. Կաթողիկոսը նախընթաց օր Մայր Աթոռ Սուրբ Էջմիածնի մէջ հիւրընկալեց Հայաստանի վարչապետի աշխատակազմի Սփիւռքի գործերու գլխաւոր յանձնակատար Զարեհ Սինանեանը։

Փարիզի արուարձաններէն Սեւր քաղաքի՝ երբեմնի Սամուէլ-Մուրատեան վարժարանի տարածքին վերաբերեալ խնդիրները կը շարունակեն զբաղեցնել օրակարգը։ Ինչպէս ծանօթ է, տարածքի սեփականութեան իրաւունքը կը պատկանի Մխիթարեան միաբանութեան, որու համար Վատիկանի կողմէ առաքելական կառավարիչ նշանակուած է Թուրքիոյ Կաթողիկէ հայոց վիճակաւոր Տ. Լեւոն Արք. Զեքիեան։