«ԲԱՑԱՐՁԱԿ ԱՆԸՆԴՈՒՆԵԼԻ ԵՒ ԱՆԸՆԿԱԼԵԼԻ Է ԲԱՑ ՆԱՄԱԿՆԵՐՈՒ ՄԻՋՈՑԱՒ ԵԿԵՂԵՑԱԿԱՆՆԵՐՈՒ ՇՓՈՒՄԸ ՀԱՅՈՑ ՀԱՅՐԱՊԵՏԻ ՀԵՏ»

Մայր Ա­թոռ Սուրբ Էջ­միած­նի Տե­ղե­կա­տուու­թեան հա­մա­կար­գի տնօ­րէն Տ. Վահ­րամ Քհնյ. Մե­լի­քեան շա­բա­թա­վեր­ջին tert.am կայ­քէ­ջին յայ­տա­րա­րու­թիւն­ներ ը­րաւ Պոլ­սոյ Պատ­րիար­քա­կան Ա­թո­ռի առ­կայ խնդիր­նե­րու լոյ­սին տակ։ Ինչ­պէս ծա­նօթ է, Կրօ­նա­կան Ժո­ղո­վի Ա­տե­նա­պետ Տ. Սա­հակ Եպսկ. Մա­շա­լեան ան­ցեալ շաբ­թուան մէջ բաց նա­մակ մը ու­ղար­կած էր Ա­մե­նայն Հա­յոց Տ.Տ. Գա­րե­գին Բ. Կա­թո­ղի­կո­սին։ Սա այն յայտ­նի նա­մակն է, ո­րով Նո­րին Սրբազ­նու­թիւ­նը Վե­հա­փառ Հայ­րա­պե­տին մի­ջամ­տու­թիւ­նը ակն­կա­լած էր մեր Ա­թո­ռի ի­րա­դար­ձու­թիւն­նե­րուն հա­մար։ Որ­պէս տե­ղա­պա­հա­կան փո­խա­նորդ ու Կրօ­նա­կան ժո­ղո­վի ա­տե­նա­պետ՝ այդ նա­մա­կը ստո­րագ­րած էր Տ. Սա­հակ Եպսկ. Մա­շա­լեան եւ այդ մէ­կը Մայր Ա­թոռ Սուրբ Էջ­միա­ծին ու­ղար­կած՝ միեւ­նոյն ժա­մա­նակ հրա­պա­րա­կայ­նաց­նե­լով զայն։ Նա­մա­կի Մայր Ա­թոռ Սուրբ Էջ­միա­ծին ու­ղար­կուի­լը հա­մընկ­նած էր Վե­հա­փառ Հայ­րա­պե­տի դէ­պի Ֆին­լան­տիա կա­տա­րած մի­ջե­կե­ղե­ցա­կան այ­ցե­լու­թեան օ­րե­րուն։ Այ­սինքն, նախ­քան Նո­րին Սրբու­թեան ըն­թեր­ցե­լը կամ ըն­թեր­ցե­լուն հետ նոյ­նա­ժա­մա­նակ հրա­պա­րա­կուած էր այդ նա­մա­կին բո­վան­դա­կու­թիւ­նը՝ մա­մու­լին եւ հան­րա­յին կար­ծի­քին առ­ջեւ։

Վե­հա­փառ Հայ­րա­պե­տին բան­բե­րը՝ Տ. Վահ­րամ Քհնյ. Մե­լի­քեան վե­րո­յի­շեալ կայ­քէ­ջին տուած յայ­տա­րա­րու­թեան մէջ հաս­տա­տեց, թէ Տ. Սա­հակ Եպսկ. Մա­շա­լեա­նի նա­մա­կը՝ ուղ­ղուած Ա­մե­նայն Հա­յոց Կա­թո­ղի­կո­սին, ստա­ցուած է Մայր Ա­թոռ Սուրբ Էջ­միած­նի մէջ։ «Այս կա­պակ­ցու­թեամբ կ՚ու­զեմ նշել, որ բա­ցար­ձակ ա­նըն­դու­նե­լի եւ ա­նըն­կա­լե­լի է բաց նա­մակ­նե­րու մի­ջո­ցաւ ե­կե­ղե­ցա­կան­նե­րու շփու­մը Հա­յոց Հայ­րա­պե­տին հետ», ը­սաւ ան։

Տ. Վահ­րամ Քհնյ. Մե­լի­քեան ա­ւել­ցուց նաեւ հե­տե­ւեա­լը. «Ինչ կը վե­րա­բե­րի նա­մա­կին, ա­պա Ա­մե­նայն Հա­յոց Կա­թո­ղի­կո­սը օ­րերս վե­րա­դար­ձած է Ֆին­լան­տիա կա­տա­րած մի­ջե­կե­ղե­ցա­կան այ­ցէն։ Նա­մա­կը ըն­դու­նուած ըն­թա­ցա­կար­գով քննու­թեան կ՚առ­նուի։ Գի­տէք, որ Մայր Ա­թո­ռը մշտա­կան կա­պի մէջ է եւ կը հե­տե­ւի Պոլ­սոյ Պատ­րիարք­կու­թեան զար­գա­ցում­նե­րուն։ Այս կա­պակ­ցու­թեամբ ձեռ­նար­կուե­լիք քայ­լե­րուն մա­սին մեր հա­սա­րա­կու­թիւ­նը ամ­պայ­ման կ՚ի­րա­զե­կուի»։