Եկեղեցական

Ամենայն Հայոց Տ.Տ. Գարեգին Բ. Կաթողիկոսը երէկ Մայր Աթոռ Սուրբ Էջմիածնի մէջ հիւրընկալեց Վրաստանի եւ Հարաւային Կովկասի Աւետարանական-Լուտերական եկեղեցւոյ եպիսկոպոս Մարքուս Շոխը։ Նորին Սրբութիւնը ողջունեց եպիսկոպոս Շոխը՝ արդիւնաւէտ գործունէութիւն մաղթելով անոր նոր հանգամանքին մէջ։

Ամենայն Հայոց Կաթողիկոսութեան Տեղեկատուական համակարգի տնօրէնին յայտարարութիւնները։
«Երուսաղէմի կարգավիճակի փոփոխութիւնը կրնայ խառնաշփոթ ստեղծել եկեղեցական կալուածներու իրաւունքներու դաշտին մէջ»։
Սուրբ Քաղաքի քրիստոնեայ հոգեւոր առաջնորդները միասնաբար դիմեցին Միացեալ Նահանգներու նախագահ Թրամփին։

Մայր Աթոռ Սուրբ Էջմիածինը երէկ պաշտօնապէս տեղեկացուց, որ մտահոգութեամբ կը հետեւի Երուսաղէմի վերաբերեալ վերջին զարգացումներուն։ «Արմէնփրէս»ի հաղորդումներով, Ամենայն Հայոց Կաթողիկոսութեան տեղեկատուութեան համակարգի տնօրէն Տ. Վահրամ Քհնյ. Մելիքեան յայտնեց, որ Ամերիկայի Միացեալ Նահանգներու Նախագահ Տանըլտ Թրամփի՝ Երուսաղէմը պաշտօնապէս Իսրայէլի մայրաքաղաքը ճանչնալու որոշումը լուրջ անհանգստութիւն յառաջ բերած է թէ՛ Հայ Եկեղեցւոյ եւ թէ քրիստոնէական քոյր եկեղեցիներու ու կրօնական այլ յարանուանութիւններու մօտ։

«Սուրբ Յովհան Օձնեցի իմաստասէր երանելի կաթողիկոսը եւ իր ժամանակը»:
Մայր Աթոռ Սուրբ Էջմիածնի Մատենադարանի մէջ կը նշուի երանաշնորհ հայրապետի գահակալութեան 1300-ամեայ յոբելեանը, որ կ՚արժեւորուի բազմակողմանի զեկուցումներով:

 Հայաստանեայց Առաքելական Սուրբ Եկեղեցին շաբաթավերջին տօնախմբեց Հայոց աշխարհի առաջին լուսաւորիչներուն՝ Ս. Թադէոս եւ Ս. Բարթողոմէոս առաքեալներու յիշատակի տօնը։ Մայր Աթոռ Սուրբ Էջմիածնի մէջ մեծ շուքով նշուեցաւ Հայոց Եկեղեցւոյ հիմնադիր այս առաքեալներուն ձօնուած տօնը։

Մայր Աթոռ Սուրբ Էջմիածնի հրատարակչական բաժինը լոյս ընծայեց «Արարատի բնագիրները» գիրքի երկրորդ հատորը։ Ամենայն Հայոց Տ.Տ. Գարեգին Բ. Կաթողիկոսի օրհնութեամբ լոյս տեսած այս գործը հրատարակութեան պատրաս-տած է Սուսաննա Նահապետեան։

Հայրապետական պատգամ՝ Մերձաւոր Արեւելքի հայութեան դժուարութիւններու մթնոլորտին մէջ:
Ն.Ս.Օ.Տ.Տ. Գարեգին Բ. Կաթողիկոս. «Սփիւռքը կ՚ապրի ազգային եւ հայրենասիրական զգացումներով»:

ՎԱՐԱԳ Ա. ՔՀՆՅ. ՅՈՎՍԷՓԵԱՆ

Այս Շա­բաթ, մեր ե­կե­ղեց­ւոյ տօ­նա­ցոյ­ցին հա­մա­ձայն, տօնն է հայ ե­կե­ղեց­ւոյ հիմ­նա­դիր­նե­րու եւ հա­յոց ա­ռա­ջին Լու­սա­ւո­րիչ­նե­րու՝ Թա­դէոս եւ Բար­թո­ղի­մէոս ա­ռա­քեալ­նե­րուն։
Ար­դա­րեւ, Քրիս­տո­սի համ­բար­ձու­մէն ետք, Հա­յաս­տան աշ­խար­հը պա­տի­ւը ու­նե­ցած է քա­րո­զու­թեան վայր ըլ­լա­լու Քրիս­տո­սի եր­կու ա­ռա­քեալ­նե­րու՝ Թա­դէոս եւ Բար­թո­ղի­մէո­սի, ո­րոնց դամ­բա­րան­նե­րը իբ­րեւ վա­ւե­րա­կան վկա­ներ, կը մնան սրբա­զան ուխ­տա­տե­ղի­նե­րը Հա­յաս­տան աշ­խար­հին մէջ։

Ամենայն Հայոց Տ.Տ. Գարեգին Բ. Կաթողիկոսը Մայր Աթոռ Սուրբ Էջմիածնի մէջ նախընթաց օր հիւրընկալեց Երեւանի մօտ Սուրիոյ նորանշանակ աւագ հիւպատոս Մուհամմէտ Ահմէտ Հաճը Իպրահիմը։ Զրոյցի ընթացքին Վեհափառ Հայրապետը բարեմաղթանքներ յղեց դեսպանին՝ նշանակման առթիւ։ Ան մաղթեց, որ նորանշանակ դեսպանը ունենայ արդիւնաւէտ առաքելութիւն՝ ի նպաստ երկու ժողովուրդներու դարաւոր բարեկամական յարաբերութիւններուն եւ գործակցութեան շարունակման։

Կրօնական ժողովի ատենապետ Տ. Սահակ Եպսկ. Մաշալեան երէկ երեկոյեան Թաքսիմի «Ինթերքոնթինենթըլ» պանդոկին մէջ մասնակցեցաւ Ուղղափառաց Տ.Տ. Պարթոլոմէոս Ա. Ծայրագոյն Պատրիարքի տանտիրութեամբ սարքուած պաշտօնական ընդունելութեան։ Յոյն Ուղղափառ եկեղեցին, ըստ աւանդութեան, Ս. Անդրէաս առաքեալի յիշատակի օրուան զուգահեռ կը նշէ Պոլսոյ Յունաց Պատրիարքութեան հիմնադրութեան տօնը։