Եկեղեցական

Մեքսիքայի նորահաստատ հայ համայնքին համար անգնահատելի զօրակցութիւն:
Ամենայն Հայոց Վեհափառ Հայրապետը Մեխիքոյի մէջ հիւրընկալուեցաւ աննախընթաց ջերմութեամբ:

Հիւսիսային Ամերիկայի Արեւմտեան Թեմի 90-ամեայ յոբելեանին առթիւ գոհաբանական Ս. Պատարագ:
Ամենայն Հայոց Վեհափառ Հայրապետը երէկ պատարագեց Լոս Անճելըսի Ս. Ղեւոնդեանց առաջնորդանիստ մայր տաճարին մէջ:

Ամենայն Հայոց Տ.Տ. Գարեգին Բ. Կաթողիկոսը վաղը Ս. Պատարագ պիտի մատուցանէ Լոս Անճելըսի մէջ:
Վեհափառ Հայրապետը Արեւմտեան Թեմի հայկական հաստատութիւններէն ներս կը բաժնէ իր օրհնութիւնները:

Ամենայն Հայոց Տ.Տ. Գարեգին Բ. Կաթողիկոսը այս օրերուն կ՚այցելէ Լոս Անճելըս՝ Հայաստանեայց Առաքելական Եկեղեցւոյ Հիւսիսային Ամերիկայի Արեւմտեան Թեմի հաստատման 90-ամեակին առթիւ։

Մերձաւոր Արեւելքէ ներս խաղաղութեան հաստատման ու քրիստոնեաներուն նուիրուած յատուկ աղօթք:
Ն.Ս.Օ.Տ.Տ. Գարեգին Բ. «Երանի բոլոր անոնց, որոնք կ՚աղօթեն կրօնական հանդուրժողութեան ամրապնդման համար»:

Գերմանիոյ նախագահ Շթայնմայէր երէկ հիւրընկալեց Արեւելեան Ուղղափառ եկեղեցիներու պետերը:
Ամենայն Հայոց Տ.Տ. Գարեգին Բ. Կաթողիկոսը գերմանահայ հաւատացեալներուն փոխանցեց իր օրհնութիւնները:

Ամենայն Հայոց Տ.Տ. Գարեգին Բ. Կաթողիկոսը երէկ հնգօրեայ այցելութեամբ մեկնեցաւ Գերմանիա։ Վեհափառ Հայրապետը Պերլինի մէջ Արեւելեան Ուղղափառ եկեղեցիներու պետերուն հետ կը մասնակցի Եւրոպայէ ներս Ռեֆորմի 500-ամեայ յոբելեանի յիշատակութեան շրջանակներէն ներս նախատեսուած պաշտօնական ձեռնարկներուն։

Ամենայն Հայոց Տ.Տ. Գարեգին Բ. Կաթողիկոսը երէկ Մայր Աթոռ Սուրբ Էջմիածնի մէջ հիւրընկալեց Հոլիվուտի յայտնի արուեստագէտներէն Ճոն Մալքովիչը, որ այս օրերուն Երեւան կ՚այցելէ Արամ Խաչատուրեանի հինգերորդ միջազգային փառատօնի բացման առթիւ։ Ճոն Մալքովիչին եւ կողակցին ուղեկցեցան Հայաստանի Հանրապետութեան նախագահի խորհրդականներէն Արմէն Սմբատեան եւ Հայաստանի Պետական երիտասարդական նուագախումբի գեղարուեստական ղեկավար Սերկէյ Սմբատեան։

​Ամենայն Հայոց Տ.Տ. Գարեգին Բ. Կաթողիկոսը երէկ Մայր Աթոռ Սուրբ Էջմիածնի մէջ հանդիպեցաւ Գէորգեան հոգեւոր ճեմարանի առաջին լսարանի տասնութ սաներուն հետ։

Սփիւռքահայ հայագիր եւ օտարագիր գրողներու համաժողովի մասնակիցները այցելեցին Մայր Աթոռ:
Վեհափառ Հայրապետը ազգային արժէքներու նահանջի դէմ պայքարի գծով կարեւոր դեր կը վերապահէ մտաւորականութեան: