Գումգաբուի աղբիւրները երէկ հաղորդեցին, որ Պատրիարքական Աթոռի հոգեւորականաց դասէն Տ. Շնորհք Աբեղայ Տօնիկեան յառաջիկային մասնաւոր վարդապետական աստիճան պիտի ստանայ։ Ան «Կրօնական հանդէսներ եւ «Հայ խօսնակ» ամսաթերթը իր նիւթերով» խորագրեալ աւարտաճառ մը յանձնած է Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեանին։
Մեծի Տանն Կիլիկիոյ Տ.Տ. Արամ Ա. Կաթողիկոսը երէկ հանդիպում մը ունեցաւ Ասորի Ուղղափառ եկեղեցւոյ Իգնատիոս-Եփրեմ Բ. Պատրիարքին հետ։ Անթիլիասի աղբիւրներու հաղորդումներով՝ տեսակցութիւնը տեղի ունեցաւ Ասորի Ուղղափառ եկեղեցւոյ Աթշանէի վանքին մէջ։
Ֆէրիգիւղի ընտանիքը այս շրջանին նոր նախաձեռնութիւնով մը հանդէս կու գայ՝ երիտասարդաց երգչախումբ մը ստեղծելու առաջադրութեամբ։ Այսպէս, թաղի Ս. Վարդանանց դպրաց դաս-երգչախումբը մանկապատենական կազմ մը ձեւաւորել կը ձգտի, որպէսզի ապագայ գործունէութիւնը երաշխաւորէ։
Երուսաղէմի Հայոց Պատրիարքութենէն ներկայացուցիչներ երէկ ներկայ գտնուեցան պաշտօնական ընդունելութեան մը, որ սարքուած էր Անգլիոյ աւագ հիւպատոս Տայան Քորնըրի դիւանագիտական առաքելութեան ժամկէտի աւարտին առթիւ։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեանի օրհնութեամբ՝ գաւառի տեսուչ Տ. Աւետիս Քհնյ. Թապաշեան վերջերս այցելեց Տիարպաքըր, ուր պատարագեց Ս. Կիրակոս եկեղեցւոյ մէջ եւ խօսեցաւ խրատական մը:
Երուսաղէմի Հայոց Պատրիարք Ամեն. Տ. Նուրհան Ս. Արք. Մանուկեան երէկ հիւրընկալեց՝ Անկլիքան եկեղեցւոյ Մերձաւոր Արեւելքի եւ Ս. Քաղաքի վիճակաւորը՝ Հուսամ Նաում արքեպիսկոպոսը, որ քաղաքավարական այցելութիւն մը տուաւ հայոց վանքը:
Տ.Տ. Գարեգին Բ. Ամենայն Հայոց Կաթողիկոսը երէկ Հայրապետական այցելութեամբ մեկնեցաւ Հնդկաստան։ Մայր Աթոռ Սուրբ Էջմիածնի աղբիւրները հաղորդեցին, որ Վեհափառ Հայրապետի ուղեւորութիւնը տեղի կ՚ունենայ՝ Կալկաթայի եկեղեցական վարչութեան եւ Հայոց մարդասիրական ճեմարանի տնօրէնութեան համատեղ հրաւէրով։
Մայր Աթոռ Սուրբ Էջմիածնի մէջ, կիրակնօրեայ Սուրբ Պատարագի ընթացքին կոչ՝ արդար խաղաղութեան հաստատման համար:
«COP-29» գագաթաժողովին զուգահեռ՝ Վեհափառ Հայրապետը վերստին արծարծեց՝ Պաքուի հայ գերիներու եւ պատանդներու ազատ արձակման հարցը:
Պէշիկթաշի Ս. Աստուածածին եկեղեցւոյ մէջ երէկ կիրակնօրեայ Ս. Պատարագին նախագահեց Տ. Արամ Արք. Աթէշեան, որ տուաւ նաեւ օրուան պատգամը։ Ս. Պատարագը մատոյց հոգեւոր հովիւ Տ. Սարգիս Աւ. Քհնյ. Գույումճեան։
Տ.Տ. Գարեգին Բ. Ամենայն Հայոց Կաթողիկոսը երէկ Մայր Աթոռ Սուրբ Էջմիածնի մէջ ընդունեց՝ վերապատրաստման դասընթացքներու մասնակից հոգեւորականներու հերթական խումբը։
