Տ.Տ. Գարեգին Բ. Ամենայն Հայոց Վեհափառ Հայրապետը երէկ Մայր Աթոռ Սուրբ Էջմիածնի մէջ շքանշաններ շնորհեց Հայաստանեայց Առաքելական Եկեղեցւոյ խումբ մը երախտաշատ աշխարհական սպասաւորներու։ Այսպէս, Մայր Աթոռ Սուրբ Էջմիածնի Վերստուգիչ յանձնախումբի անդամներէն Խաչատուր Մութաֆեան եւ Լիուտվիկ Հարոյեան պարգեւատրուեցան «Սուրբ Ներսէս Շնորհալի» շքանշանով։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ առաւօտ Գումգաբուի մէջ հիւրընկալեց Մայր Աթոռ Սուրբ Էջմիածնէն՝ Մասիացոտնի թեմի առաջնորդ Տ. Գէորգ Եպսկ. Սարոյեանը, որ միօրեայ այցելութիւն մը տուաւ քաղաքս ու իջեւանեցաւ Պատրիարքարանի համալիրէն ներս։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ հիւրընկալեց խումբ մը կաթոլիկ հոգեւորականներ։ Ֆրանսիսքեան միաբանութեան անդամ վարդապետներէ բաղկացեալ այս խումբը կը գլխաւորէր Հայր Մաքութօ։
Տ.Տ. Գարեգին Բ. Ամենայն Հայոց Կաթողիկոսը երէկ Մայր Աթոռ Սուրբ Էջմիածնի մէջ հիւրընկալեց՝ տեղեկատուութեան թեքնոլոժիներու ոլորտէն ներս Հայաստանի Հանրապետութեան պետական մրցանակին արժանացած դափնեկիրները։
Մայր Աթոռ Սուրբ Էջմիածնի մէջ, Տ.Տ. Գարեգին Բ. Ամենայն Հայոց Վեհափառ Հայրապետին ձեռամբ եպիսկոպոս ձեռնադրուած Երուսաղէմի Սրբոց Յակոբեանց միաբանութեան անդամները վերադարձան Սուրբ Քաղաք։ Նորաօծ եպիսկոպոսները մեծ խանդավառութեամբ ու աւանդական շուքով դիմաւորուեցան հայոց վանքէն ներս։
Արեւմտեան Եւրոպայէն ներս նոր համայնքներու ձեւաւորման գործընթացը կը շարունակուի՝ վերջին տարիներուն՝ մասնաւորապէս Պելժիոյ եւ Հոլանտայի մէջ հաստատուած հայերու վերակազմակերպումով։ Այսպէս, Պելժիայէն ներս, Կերարտսպերկենի եւ շրջակայքի հայութիւնը արդէն նոր համայնք մը ստեղծած է։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ հիւրընկալեց Ասորի Ուղղափառ դաւանակից եկեղեցւոյ Իգնատիոս Եփրեմ Բ. Պատրիարքը, որուն հետ ողջագուրուեցաւ եղբայրաբար։ Հիւր պատրիարքը Իսթանպուլ կ՚այցելէ՝ ասորի ուղղափառ համայնքի՝ Եշիլգիւղի Ս. Եփրեմ նորակառոյց եկեղեցւոյ պաշտամունքի բացման եւ անդրանիկ Ս. Պատարագին առթիւ։
Հայաստանեայց Առաքելական Եկեղեցւոյ Տաւուշի թեմակալ առաջնորդ Տ. Բագրատ Եպսկ. Գալստանեան երէկ պատմական Մակարավանքին մէջ նախագահեց կիրակնօրեայ արարողութիւններուն, որոնց ընթացքին խօսեցաւ նաեւ քարոզ մը։ «Ես ձեզի յստակ կ՚ըսեմ՝ հերթը Տաւուշինն է։
Շաբաթավերջի Ս. Թարգմանչաց վարդապետաց տօնը եկաւ միեւնոյն ժամանակ բնորոշել Հայ մշակոյթի շաբթուան սկիզբը։ Երէկ առաւօտ, Պէյօղլուի Ս. Երրորդութիւն եկեղեցւոյ մէջ Տ. Յարութիւն Վրդ. Տամատեան պատարագեց եւ քարոզեց։
Հայաստանեայց Առաքելական Եկեղեցին շաբաթավերջին նշեց Սրբոց Թարգմանչաց վարդապետաց տօնը։ Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան այս առթիւ արարողութիւններուն նախագահեց Գուզկունճուքի Ս. Գրիգոր Լուսաւորիչ եկեղեցւոյ մէջ։
