Եկեղեցական

Տ.Տ. Գարեգին Բ. Ամենայն Հայոց Վեհափառ Հայրապետը երէկ Մայր Աթոռ Սուրբ Էջմիածնի մէջ հիւրընկալեց Քենթըրպըրիի Արքեպիսկոպոս Նորին Սրբազնութիւն Ճասթին Ուէլպին։

Մայր Աթոռ Սուրբ Էջմիածնի մէջ այս շաբաթավերջին տեղի պիտի ունենայ եպիսկոպոսական ձեռնադրութիւն եւ օծում՝ ձեռամբ Ն.Ս.Օ.Տ.Տ. Գարեգին Բ. Ծայրագոյն Պատրիարք եւ Ամենայն Հայոց Կաթողիկոսի։ Երէկ, Ամենայն Հայոց Կաթողիկոսութեան տեղեկատուութեան համակարգը պաշտօնապէս տեղեկացուց եպիսկոպոս ձեռնադրուելիք միաբաններուն անունները։

Տ.Տ. Գարեգին Բ. Ամենայն Հայոց Կաթողիկոսը երէկ Մայր Աթոռ Սուրբ Էջմիածնի մէջ ընդունեց Յունաստանէն խումբ մը ուխտաւորներ։ Խումբին ուղեկցեցաւ Հայց. Առաքելական Եկեղեցւոյ Յունաստանի թեմի առաջնորդական տեղապահ Տ. Խորէն Վրդ. Առաքելեան։

Մայր Աթոռ Սուրբ Էջմիածինը շարժման կ՚անցընէ իր բոլոր լծակները՝ Արցախէն տեղահանուածներուն համար: 
Բռնի տարհանուած ընտանիքներուն զաւակները պիտի ընդունուին Կալկաթայի Հայոց մարդասիրական ճեմարանը:

Մայր Աթոռ Սուրբ Էջմիածնի մէջ այս կիրակի նախատեսուած է եպիսկոպոսական ձեռնադրութիւն։ Թէեւ անցեալ շաբաթավերջի յետաձգեալ Միւռոնօրհնութիւնն ու եպիսկոպոսական ձեռնադրութիւնը նախապէս մշակուած օրացոյցով զուգահեռ, նոյն ամբողջին մէջ պիտի կատարուէին, սակայն, իրադարձութիւնները բոլորովին այլ հունով ընթացան։

Տ.Տ. Գարեգին Բ. Ամենայն Հայոց Վեհափառ Հայրապետը երէկ Մայր Աթոռ Սուրբ Էջմիածնի մէջ հիւրընկալեց Հայաստանեայց Առաքելական Եկեղեցւոյ Պրազիլի թեմէն ուխտաւորներ՝ ուղեկցութեամբ թեմակալ առաջնորդ Տ. Նարեկ Եպսկ. Պէրպէրեանի։

Հիւսիսային Ամերիկայի Արեւելեան եւ Արեւմտեան թեմերէն ուխտաւորներու այց:
Վեհափառ Հայրապետը պատգամեց ջանք ու եռանդ չխնայել մայր Հայաստանի հզօրացման համար:

Կը տեղեկանանք, որ Տ. Արամ Արք. Աթէշեան այս օրերուն կ՚այցելէ Հայաստան։ Սա անհատական այցելութիւն մըն է եւ ան քաղաքս պիտի վերադառնայ շաբաթավերջին։

Սամաթիոյ Սահակեան դպրաց դաս-երգչախումբը ձեռնարկեց նոր եղանակի աշխատանքներուն։ Թաղի Ս. Գէորգ եկեղեցւոյ յարակից «Աճառեան» սրահին մէջ այս առթիւ տեղի ունեցաւ եղանակի բացման մտերմիկ հաւաքոյթ մը՝ գլխաւորութեամբ դպրաց դասու նախագահ Տ. Գասպար Աբեղայ Կարապետեանի։

Տ.Տ. Գարեգին Բ. Ամենայն Հայոց Վեհափառ Հայրապետին նախագահութեամբ, Մայր Աթոռ Սուրբ Էջմիածնի մէջ, Սուրբ Տրդատի բաց խորանին վրայ, աղօթքի յատուկ կարգ:
«Օրէ օր խորացող ճգնաժամին մէջ, այսօր նոյն սպառնալիքին առջեւ է Հայաստանի Հանրապետութիւնը. անթաքոյց կը խօսուի ինքնիշխանութեան ու պետականութեան կորուստի վտանգներուն մասին»: