Տեսակցեցաւ՝ ԱՆՈՒՇ ԹՐՈՒԱՆՑ
Օքսֆորտի համալսարանի դասախօսներէն Հրաչ Չիլինկիրեան Երեւան այցելութեան օրերուն շահեկան հարցազրոյց մը տուաւ ԺԱՄԱՆԱԿ օրաթերթին:
Սփիւռքահայ գիտնականը կը մեկնաբանէ Մերձաւոր Արեւելքի քրիստոնէութեան առջեւ ծառացած երկու հիմնական խնդիրները՝ ապահովութիւնն ու անվտանգութիւնը:
ԱԼԵՔՍ ՍՐԿ. ԳԱԼԱՅՃԵԱՆ
Հետզհետէ սկսած է ստուարանալ ու բազմանալ թիւը այն «հաւատուրաց» ու ցնորախօս մարդոց, որոնք Աստուծոյ հայրութիւնն ու բարութիւնը մոռացութեան գիրկը նետելով՝ զԱստուած կը մեղադրեն այն պատճառաբանութեամբ, թէ իրենց կենսընթացին պատահած դժբախտութեանց, տուայտանքներու եւ նեղութեանց բացարձակ պատճառը Աստուած Ինքն է։
Գրեց՝ ԱՆՈՒՇ ԹՐՈՒԱՆՑ
Երեք հայ բժիշկներ մէկ ամիսով մեկնած էին ափրիկեան Նուպայի լեռները՝ փոխարինելու «Աւրորա» մրցանակի այս տարուան մրցանակակիր, ամերիկացի բժիշկ՝ Թոմ Քաթինան, որ տարիներէ ի վեր կը գտնուի Սուտան, Նուպայի լեռներուն մէջ գտնուող «Գթութեան մայր» հիւանդանոցէն ներս եւ քանի որ երբեք փոխարինող չէ ունեցած, ուրեմն առանց ծանրակշիռ պատճառի անցնող ինը տարիներուն չէ լքած հազարաւոր խնամեալները, որոնք իր կարիքը ունին:
ԱԼԵՔՍ ՍՐԿ. ԳԱԼԱՅՃԵԱՆ
Կարելի չէ չհանդիպիլ անձի մը մանաւանդ այս օրերուն, երբ իր կեանքը չուզէ աղերսել աստղերուն, գիտնալ թէ ի՞նչ կ՚ըսեն կամ ինչպիսի՞ սահմանագծումներ եւ անեզր գուշակութիւններ ու «ճշմարտութիւններ» կատարած են աստղեր իր մասին այդ օր՝ ըլլայ անիկա թերթերու կամ համացանցի կարգ մը «հետաքրքրաշարժ» կայքէջերու ընդմէջէն։
Ռուսաստանի Պետական ակադեմական մեծ սիմֆոնիք նուագախումբին փառաշուք համերգը:
Հռչակաւոր խմբավար Վլատիմիր Ֆետոսէյեւ պարգեւատրուեցաւ Հայաստանի Մշակոյթի նախարարութեան կողմէ:
Երէկ երեկոյեան Էսաեան վարժարանին մէջ տեղի ունեցաւ միջնակարգի բաժնի տարեվերջի հանդիսութիւնը։ Խանդավառ մթնոլորտի մը մէջ տեղի ունեցաւ ձեռնարկը, որուն ներկայ գտնուեցան Պէյօղլուի Ս. Եկեղեցեաց թաղային խորհուրդէն ներկայացուցիչներ, վարժարանի լիսէի բաժնի տնօրէնուհի Սաթենիկ Նշան, միջնակարգի բաժնի տնօրէնուհի Առլին Եշիլթեփէ, ուսուցչական կազմէն ներկայացուցիչներ, ծնողներ եւ հիւրեր։
ԱԼԵՔՍ ՍՐԿ. ԳԱԼԱՅՃԵԱՆ
Իմացական եւ հոգեւոր քաղցի, կենդանական բնազդներու յամրընթաց յաղթարշաւը աւանդական հայկական ընտանիքի «գերեզմանաքարերն» են, որոնք տեղի կու տան դաւաճանութեանց, անառողջ ամուսնական յարաբերութեանց, ամուսնալուծումներու աճման…: Երեւոյթներ, որոնք պահի տակ հաճոյքի հետեւանքներ են, որոնք կեանքդ փակուղիի կը վերածեն եւ ակնթարթի մը մէջ զայն ամբողջապէս կ՚իմաստազրկեն ու դէպի անդունդ կը գլորեն։
Տեսակցեցաւ՝ ԱՆՈՒՇ ԹՐՈՒԱՆՑ
Հռչակաւոր դաշնակահար Շահան Արծրունի դէպի Արցախ այցելութենէ վերադարձին իր խոր տպաւորութիւնները բաժնեց ԺԱՄԱՆԱԿ օրաթերթին հետ:
Մեծանուն վարպետը պատանիներուն հետ տարաւ խտացեալ աշխատանք, որոնց արդիւնքին իր փորձառութեան լոյսին տակ յորդորներ տուաւ խոստմնալից սկսնակներուն:
ՏՔԹ. ՀՐԱՅՐ ՃԷՊԷՃԵԱՆ
Արաբական ծոցի տարածքաշրջանին մէջ Սէուտական Արաբիան կը նկատուի այն եօթ երկիրներէն մէկը, որ Աստուածաշունչի մեր ընկերութեան աշխատանքային իմ պատասխանատուութեան ծիրին մէջ կ՚իյնայ: Բայց նկատի ունենալով, որ երկիրը «գոց» է քրիստոնէական ներկայութեան համար, կարելի չէ եղած հոն այցելել աշխատանքային իմ երկար տարիներուս ընթացքին:
ԱԼԵՔՍ ՍՐԿ. ԳԱԼԱՅՃԵԱՆ
Համբերութեամբ եւ խաղաղ ապրելու ձգտումը շատերու կողմէ ցանկալի երեւոյթ մըն է։ Մարդկային յարաբերական եւ ընկերային կեանքին մէջ իրարու նկատմամբ հանդուրժողութիւնը, փոխհասկացողութիւնն ու զիջողութիւնը իրենց իբրեւ արմատ ունին համբերութիւնը, զոր նկատուած է կորիզը ընկերութեան։
