Մխիթարեան վարժարանին մէջ մանկապարտէզի փոքրիկներու տարեվերջի հանդիսութիւնը առիթ դարձաւ մեծ խանդավառութեան։ Մանկապարտիզպանուհիներէն Թանիա Փաքէրթիքի ողջոյնի խօսքով սկսաւ հանդիսութիւնը, որմէ վերջ արտայայտուեցաւ Մխիթարեան միաբանութեան Իսթանպուլի վանատունէն Հայր Յակովբոս Ծայրագոյն Վարդապետ Չօփուրեան։
Գատըգիւղի Արամեան-Ունճեան վարժարանին մէջ տեղի ունեցաւ նախակրթարանի շրջանաւարտներու հանդէսը։ Յայտագրի գործադրութեան ընթացքին տղաքը բարձր գնահատանքի արժանացան իրենց յաջող ելոյթներով։
Գարակէօզեան Տան մէջ երէկ տեղի ունեցաւ հետաքրքրական նախաձեռնութիւն մը։ Այսպէս, խորքին մէջ ընկերային ու բնապահպանական զգայնութիւններու հետամուտ ծրագիր մըն էր այս մէկը։
Շաբաթավերջին Սամաթիոյ Սահակեան դպրաց դաս-երգչախումբի մանկանց կազմը յաջող համերգով մը հանդէս եկաւ, ինչ որ գտաւ լայն արձագանգ։ Պաքըրգիւղի Տատեան վարժարանի «Տիգրան Կիւլմէզկիլ» սրահի երդիքին տակ տեղի ունեցաւ ձեռնարկը, որու ընթացքին ստեղծուեցաւ խանդավառ մթնոլորտ։
Գնալը կղզիի Ս. Գրիգոր Լուսաւորիչ եկեղեցւոյ մէջ երէկ այս ամրան շրջանի առաջին Ս. Պատարագը մատուցուեցաւ՝ ձեռամբ Տ. Յարութիւն Վրդ. Տամատեանի։ Օրուան քարոզին մէջ հայր սուրբը անդրադարձաւ Կաթուղիկէ Սուրբ Էջմիածնի տօնին։
Շիշլի մարզակումբի նախաձեռնութեամբ շաբաթավերջին կազմակերպուեցաւ ֆութսալի մրցաշարք մը, որ ձօնուած էր հոգելոյս Ռոպէր Չեթինքայայի յիշատակին։ Վարչութեան այս նախաձեռնութեան իր զօրակցութիւնը բերաւ նաեւ Ռոպէր Չեթինքայայի որդին՝ Այգուն Չեթինքայա։
Սամաթիոյ ընտանիքը երէկ խանդավառ օր մը ապրեցաւ Սահակեան-Նունեան վարժարանի շրջանաւարտից աւանդական հաւաքին առթիւ։ Բաժակի պահուն բոլորը յարատեւութիւն մաղթեցին իրենց սիրեցեալ դպրոցին։
Կեդրոնական վարժարանի նախաձեռնութեամբ այս տարի 11-րդ անգամ կազմակերպուեցաւ՝ անմոռանալի վարպետ հոգելոյս Արա Կիւլէրի յիշատակին ձօնուած միջլիսէական լուսանկարչական մրցոյթը։ Իսթանպուլին ձօնուած այս ծրագրին մասնակցութիւն կը բերեն քաղաքիս այն լիսէները, որոնք ունին 100 տարուան վաղեմութիւն։
Գատըգիւղի Արամեան սանուց միութեան մէջ երէկ երեկոյեան տեղի ունեցաւ ամառնամուտի ընթրիք մը։ Այս հաւաքոյթը միեւնոյն ժամանակ առիթ հանդիսացաւ, որպէսզի միութեան հովանոցին ներքեւ ծաւալուած գործունէութեան վաստակաւորները մեծարուին եւ առարկայ դառնան Գատըգիւղի ընտանիքի երախտագիտական զգացումներուն։
Պաքըրգիւղի Տատեան վարժարանին մէջ երէկ տեղի ունեցաւ մանկապարտէզի փոքրիկներուն տարեվերջի հանդէսը, որ մեծ խանդավառութեան առիթ հանդիսացաւ։ Դպրոցի սրահին մէջ փոքրիկները այս առթիւ հանդէս եկան յաջող ելոյթներով՝ իրենց ուսուցիչներուն հսկողութեամբ
