Թրքահայ կեանք

Ըստ խնամակալութեան հասած մասնագիտական տեղեկագրին, համալիրի շէնքերը անհրաժեշտ մակարդակով տոկուն չեն հաւանական երկրաշարժի մը դէմ:

Գումգաբուի «Պէզճեան» սրահին մէջ երէկ տեղի ունեցաւ միջվարժարանային նախաձեռնութիւն մը՝ Պատրիարքական Աթոռի հովանաւորութեան տակ։ Մրցոյթ մըն էր այս մէկը, որով մեր վարժարաններու աշակերտները չափեցին իրենց գիտելիքները՝ հայոց լեզուի, մշակոյթի եւ կրօնագիտութեան նիւթերուն շուրջ։

Կեդրոնական վարժարանի «Հայ կինը մշակութային եւ հասարակական կեանքի մէջ» նախաձեռնութիւնը կամ իգական սեռէ գործիչներու պատկառելի տողանցքը:
Տնօրէնուհի Սիլվա Գույումճեան. «Որպէսզի լաւ ըմբռնենք ներկան եւ աւելի պայծառ ապագայի մը սեւեռենք մեր հայեացքը՝ հարկ է ակնարկ մը նետել նաեւ մեր անցեալին»:

Երէկուան մեր թիւին մէջ հաղորդած էինք, որ Շիշլի մարզակումբի վարչութեան ատենապետ Ալէն Թեքպըչաք այս օրերուն կ՚այցելէ Հայաստան, ուր կը մասնակցի Համահայկական խաղերու համաշխարհային կոմիտէի ժողովին։

Շիշլի մարզակումբի վարչութեան ատենապետ Ալէն Թեքպըչաք երէկ երեկոյեան մեկնեցաւ Երեւան։ Ան, միեւնոյն ժամանակ, Համահայկական խաղերու Իսթանպուլի կարգադիր յանձնախումբի ատենապետն է։

Երբեմնի Հինդլեան վարժարանի սաները շաբաթավերջին համախմբուեցան Գարակէօզեան Տան համալիրէն ներս։ Խանդավառ հաւաք մըն էր այս մէկը, որ կազմակերպուած էր Հերա Միմարօղլուի եւ Եասմին Ռոստոմեանի ջանքերով։

Գատըգիւղի Արամեան-Ունճեան վարժարանին մէջ մանկապարտէզի փոքրիկներուն տարեվերջի հանդէսը առիթ դարձաւ մեծ խանդավառութեան։ Մանկապարտէզի երկու փուլերու տղաքը ծափահարութիւններու արժանացան իրենց գործադրած յայտագրերով, որոնք կ՚ընդգրկէին արտասանութիւններ, պարեր, թատերակներ եւ նուագներ։

Երէկ, Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան նախագահեց Պիւյիւքտէրէի Ս. Հռիփսիմեանց եկեղեցւոյ անուան տօնախմբութեան եւ քարոզեց։ Սոյն արարողութիւնը յատկանշական էր, որովհետեւ նշուեցաւ նաեւ եկեղեցւոյ հիմնադրութեան 175-ամեակը։

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեանի տնօրինութեամբ, Պատրիարքական Աթոռի միաբաններէն Տ. Գասպար Աբեղայ Կարապետեան շաբաթավերջին մեկնեցաւ Անթալիա՝ կիրակնօրեայ պաշտամունքի եւ տեղւոյն հայ համայնքի անդամներուն հետ համախմբուելու նպատակով։ Հայր սուրբին ընկերացան Արտէն Միւճերրեթօղլու եւ Յովհաննէս Մուրատեան։

Մխիթարեան վարժարանի պարտէզին մէջ շաբաթավերջին տեղի ունեցաւ ներկայ տարուան սկիզբի աղէտալի երկրաշարժերէն ետք Պատրիարքարանի Ընկերային օժանդակութեան յանձնախումբի նախաձեռնած օգնութեան արշաւի մասնակիցներուն վկայականներու եւ շնորհակալագրերու յանձնման հանդիսութիւնը։