Թրքահայ կեանք

Տ. Մաշտոց Քհնյ. Գալփաքճեանի հեղինակած «Կեանքը որ կ՚ապրինք» գիրքը բարձր գնահատանքի առարկայ:
Ամենապատիւ Սրբազան Պատրիարք Հօր բարձր հովանաւորութեամբ գիրքի շնորհանդէս՝ Գումգաբուի դահլիճի երդիքին տակ:

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ հիւրընկալեց Պէյօղլուի Ս. Եկեղեցեաց թաղային խորհուրդի ատենապետ Սիմոն Չեքէմն ու անդամուհի Պերրին Տայանը։ Հիւրերուն հետ էր Պէյօղլուի Ս. Եկեղեցեաց երէց Տ. Շնորհք Աբեղայ Տօնիկեան։

Ռըզա Աքփոլատ բարեմաղթութիւններ ըրաւ քրիստոնեաներու եւ հրեաներու համընկնած տօներուն առթիւ:
Ամեն. Ս. Պատրիարք Հայրը մասնակցութիւն բերաւ Պէշիկթաշի քաղաքապետին կողմէ կազմակերպուած ընթրիքին:

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ հիւրընկալեց Անգարայի մօտ Ամերիկայի Միացեալ Նահանգներու փոխ-դեսպան Սքաթ Ուուտքիրքը, որուն կ՚ընկերանային Իսթանպուլի մօտ աւագ հիւպատոս Տարիա Տերնըլ եւ հիւպատոսարանի քաղաքական խորհրդատու Քեւըն Մոս։

Սուրբ Խաչ դպրեվանքի տնօրէնութեան կազմակերպած միջլիսէական մարզական փառատօնի արձագանգները կը շարունակուին։ Դպրոցի երկարամեայ տնօրէններէն հոգելոյս Հայկ Նշանի յիշատակին կազմակերպուած այս մարզական փառատօնին մասնակցեցան համայնքային հինգ լիսէները՝ ֆութպոլի եւ ճատրակի կազմերով։

Շիշլի մարզակումբի ֆութսալի խումբը վերջերս արձանագրեց փայլուն յաջողութիւն մը։ Այսպէս, շիշլիցիները իրաւունք շահեցան մասնակցելու Թուրքիոյ ֆութսալի Ա. լիկի մրցակցութեան։

Նշանթաշըի գեղարուեստի այգիին մէջ անցեալ շաբթուան ողջ տեւողութեան տեղի ունեցան Շիշլիի գիրքի օրերը։ Այս ծրագրին մասնակցութիւն բերաւ նաեւ գրող Լետա Պոյաճը, որու գործերը միշտ համակրանքով կ՚ընկալուին ընթերցասէրներու կողմէ։

Գատըգիւղի Արամեան սանուց միութեան մէջ երէկ երեկոյեան բացուեցաւ ձեռագործներու ցուցահանդէս մը։ «Կենաց ծառ» անուանումով միութեան երդիքին տակ կազմակերպուած են յախճապակիի եւ կերպասի բանման աշխատանոցներ։

Լուսաւորիչ դպրաց դաս-երգչախումբը երէկ ընկերային ցանցերու միջոցաւ շրջանառութեան մէջ դրաւ զեկոյց մը, որ ստեղծած է լայն արձագանգ։ Այս զեկոյցին բովանդակութիւնը կը վերաբերի Պէյօղլուի Ս. Եկեղեցեաց թաղային խորհուրդին եւ Լուսաւորիչ դպրաց դաս-երգչախումբի միջեւ յառաջացած խնդիրներուն։

Ս. Խաչ դպրեվանքի տնօրէնութեան նախաձեռնութեամբ վերջին երկու օրերուն տեղի ունեցաւ ֆութպոլի մրցաշարք մը, որ ձօնուած էր վարժարանի բազմամեայ, անմոռանալի տնօրէններէն լուսահոգի Հայկ Նշանի յիշատակին։ Ֆէրիգիւղի «Սիւլէյման Սեպա» մարզադաշտին վրայ տեղի ունեցան մրցումները, որոնց մասնակցեցան համայնքային հինգ լիսէներու խումբերը։