Թրքահայ կեանք

Պատրիարքական տեղապահ Տ. Սահակ Եպսկ. Մաշալեան երէկ կէսօրուան ժամերուն Գումգաբուի մէջ հիւրընկալեց Իսթանպուլի երեսփոխան Մարգար Էսաեանը։

Գոհունակութեամբ վերահասու կ՚ըլլանք, որ 2019-2020 կրթական շրջանի վերամուտին ընդառաջ Գուզկունճուքի Ս. Գրիգոր Լուսաւորիչ եկեղեցւոյ թաղային խորհուրդը զօրակցութեան առարկայ դարձուցած է Գալֆաեան Տունը։ Այսպէս, դպրոցի տնօրէնուհի Թամար Ներկիզի եւ Գուզկունճուքի թաղային խորհուրդի ատենապետ Եդուարդ Այվազեանի երկխօսութիւնը ծնունդ տուած է ողջունելի զօրակցութեան մը։

Նախընթաց օր ուրախութիւնն ունեցանք խըմ-բագրատանս մէջ հիւրընկալելու Հայաստանէն երիտասարդ հասարակական գործիչ եւ պրպտող Անահիտ Ղազարեանը։ Նկատի ունենալով, որ Անահիտ Ղազարեան անցեալի մէջ գրախանութներու բնագաւառէն ներս ալ աշխատանք ծաւալած է, ան արդէն ծանօթ էր ԺԱՄԱՆԱԿ-ին։

2019-2020 կրթական շրջանը երէկ սկսաւ խանդավառ մթնոլորտի մը մէջ։ Թրքահայ կրթական համակարգն ալ ոգեւորութեամբ դիմաւորեց վերամուտը։ Համայնքային մեր բոլոր վարժարաններէն ներս առաջին զանգը հնչեց տօնական մթնոլորտի մը մէջ։

Նորոգ հանգուցեալ Ասատուր Բարունակեանի յուղարկաւորութիւնը տեղի ունեցաւ Գումգաբուի մէջ:
Հոծ թիւով յուղարկաւորներ ցաւ ի սիրտ աղօթեցին երախտաշատ յայտնի բարերարի յաւիտենական հանգիստին համար:

Այս առաւօտ հաճոյքն ունեցանք խմբագրատանս մէջ հիւրընկալելու սփիւռքահայ յայտնի մտաւորական, Սուրբ Գրոց ընկերութեան Արաբական ծոցի երկիրներու բաժանմունքի ընդհանուր տնօրէն Տքթ. Հրայր Ճէպէճեանը։ Իրեն կ՚ընկերանար մեր համայնքի համակրելի երիտասարդներէն, Սուրբ Գրոց ընկերութեան Թուրքիոյ բաժանմունքի աշխատակից Արաս Աշըք։ 

Վերամուտ է կրկին:
Դպրոցական տարին վերսկսաւ ջերմ խանդավառութեամբ, յուզումներով ու անուշ եռուզեռով: Մարտահրաւէրը նոյնն է միշտ. կարողանալ աւանդել սերունդէ սերունդ մեր մարդկայինն ու ազգային արժէքները՝ լեզու, կրօնք, մշակոյթ, տոհմային ինքնութիւն եւ բարոյականութիւն, որպէսզի ապահովուի մեր գոյութիւնը պատմութեան դժնդակ ուղիներուն վրայ: 

Պէյօղլուի Ս. Երրորդութիւն եկեղեցւոյ մէջ երէկ կէսօրուան ժամերուն տեղի ունեցաւ նորոգ հանգուցեալ Աբիկ Հայրապետեանի փառաշուք յուղարկաւորութիւնը։ Արարողութեան նախագահեց Պատրիարքական տեղապահ Տ. Սահակ Եպսկ. Մաշալեան, որու կողքին էին բազմաթիւ հոգեւոր հայրեր։ Յուղարկաւորութեան հանդիսապետեց Կրօնական ժողովի ատենապետ Տ. Արամ Արք. Աթէշեան, որ խօսեցաւ նաեւ դամբանական մը։

Խոր ցաւով վերահասու դարձանք, թէ երէկ յետմիջօրէի ժամերուն յանկարծամահ եղած է մեր համայնքի այնքան սիրուած բարերարներէն, յայտնի գործարար Ասատուր Բարունակեան։ Սա իսկապէս անժամանակ եւ ցնցիչ կորուստ մըն է։

Պատրիարքական տեղապահ Տ. Սահակ Եպսկ. Մաշալեան այս շաբաթավերջին պիտի այցելէ Վան, ուր պիտի հանդիսապետէ Աղթամարի Ս. Խաչ եկեղեցւոյ մէջ մատուցուելիք Ս. Պատարագին։ Ինչպէս ծանօթ է, անվըտանգութեան պատճառներով վերջին տարիներուն Աղթամարի տարեկան պատարագները յետաձգուած էին։