Գալֆաեան Տան ի նպաստ երէկ տեղի ունեցաւ կանանց կէսօրուան ճաշկերոյթ մը, որ կազմակերպուած էր տիկնանց յանձնախումբին կողմէ։ Վարժարանի ննջարանի համալիրի պարտէզին մէջ տեղի ունեցաւ այս հաւաքոյթը, որուն մասնակցեցան զանազան թաղերէ համակիրներ։
Թոփգաբուի Լեւոն-Վարդուհեան վարժարանի աշակերտները այս տարի եւս ունեցան՝ բանաստեղծութեան, պարի եւ խմբերգներու հանդէս մը։ Վերջին տարիներուն դպրոցէն ներս աւանդական դարձած է այս ծրագիրը, որու այս տարուան փուլն ալ առիթ հանդիսացաւ մեծ ոգեւորութեան։
Երէկ, հաճոյքն ունեցանք խմբագրատանս մէջ հիւրընկալելու Ֆէրիգիւղի Ս. Վարդանանց դպրաց դաս-երգչախումբի խմբավար Ատրուշան Հալաճեանը, երգեհոնահարուհի Լիւսի Գահվէճիօղլուն եւ տնօրէն խորհուրդի ատենապետ Ալպէռ Կիւլպէնկը։ Հաճելի զրոյցի ընթացքին անոնք մեզի տեղեկացուցին, որ Ֆէրիգիւղի դպրաց դասը ներկայիս կը նշէ իր հիմնադրութեան 110-ամեակը։
Գոհունակութեամբ վերահասու կ՚ըլլանք, որ Սամաթիոյ ընտանիքը այս շրջանին մեծ խանդավառութիւն կ՚ապրի՝ Սահակեան դպրաց դաս-երգչախումբի հովանաւորութեան ներքեւ գործող մանկապատանեկան խումբի մօտալուտ համերգներու պատրաստութեան բերումով։ Այսպէս, 11 եւ 13 յունիս թուականներուն, Պաքըրգիւղի Տատեան վարժարանի «Տիգրան Կիւլմէզկիլ» սրահի երդիքին տակ տեղի պիտի ունենան Սահակեան մանկանց երգչախումբի համերգները։
Շիշլի մարզակումբի ֆութսալի խումբը վերջերս Մալաթիայի մէջ մասնակցութիւն բերաւ ներկայ եղանակի կարեւոր խաղերուն։ Առաջին երկու հանդիպումներէն 7-4 արդիւնքով յաղթական դուրս եկան շիշլիցիները եւ այսպէսով ապահովեցին մրցաշարքի յաջորդ փուլերուն մասնակցութիւնը։
Պէզճեան Մայր վարժարանի մէջ վերջերս տեղի ունեցաւ առաջին դասարանի փոքրիկներու ընթերցման տօնը։ Հանդէսը մեծ խանդավառութեան առիթ դարձաւ դպրոցէն ներս։
Պաքըրգիւղի ընտանիքը երէկ խանդավառ օր մը ապրեցաւ Տատեան վարժարանի տարեկան շրջանաւարտից հաւաքին առթիւ։ Թէեւ աւանդական են այս հաւաքները, սակայն այս տարուանը ընթացիկ նշանակութենէն դուրս էր, որովհետեւ զուգադիպեցաւ վարժարանի հիմնադրութեան 175-ամեակի յոբելենական շրջանին։
Պատրիարքական ընդհանուր փոխանորդ Տ. Արամ Արք. Աթէշեան, երէկ, ժամը՝ 11.00-ին, իր հետն ունենալով Տ. Մաղաքիա Աբեղայ Պեսքիսիզեանը, այցելութիւն մը տուաւ Քույումճուքենթ՝ ուր հանդիպում մը ունեցաւ մեր համայնքի ոսկերիչ արհեստաւոր եւ գործարանատէրերուն հետ: Սրբազան հայրը եւ հայր սուրբը դիմաւորուեցան՝ գլխաւորութեամբ համայնքիս կողմէ սիրուած եւ յարգուած Ճեզօ Թաշի, ինչպէս նաեւ Արամ Տեմիրի, Յակոբ Ճանճանի, Մուրատ Վուրալի, Քույումճուքենթի հոգաբարձուներէն Մեսուտ Տէյիրմենճիի կողմէ:
«Փոքրիկ» հայերէն հէքեաթներու համացանցային կայքէջի հաստատման հնգամեակին առթիւ երէկ յոբելենական խանդավառ ձեռնարկ մը տեղի ունեցաւ մեր վարժարաններէ բազմաթիւ պատանիներու մասնակցութեամբ։ Շիշլիի քաղաքապետութեան «Ճեմիլ Ճանտաշ-Քենթ» մշակոյթի միութեան երդիքին տակ տեղի ունեցաւ «Փոքրիկ»ի հէքեաթատօնը, որու հանդիսավարն էր Պօղոս Չալկըճըօղլու։
Էսաեան սանուց միութեան վարչութեան նախաձեռնութեամբ երէկ պտոյտ մը կազմակերպուեցաւ դէպի Փոլոնէզգիւղ։ Ամառնամուտի առթիւ կատարուած նախաձեռնութիւն մըն էր այս մէկը, որ պսակուեցաւ փայլուն յաջողութեամբ։
