Կէտիկփաշայի «Հրանդ Տինք» վարժարանին մէջ վերջերս տեղի ունեցաւ առաջին դասարանի փոքրիկներուն տարեվերջի հանդէսը։ Այս առթիւ անոնք ոգեւոր մթնոլորտի մը մէջ հրաժեշտ տուին այբբենարանին։
Գատըգիւղի Արամեան-Ունճեան վարժարանին մէջ տեղի ունեցաւ մեծն Կոմիտաս Վարդապետի ծննդեան 150-ամեայ յոբելեանին ձօնուած փառատօն մը։ Նախընթաց օր դպրոցին մէջ այս փառատօնի երկրորդ փուլին առթիւ ստեղծուեցաւ մեծ խանդավառութիւն։
Գումգաբուի ընտանիքը անցեալ կիրակի յատկանշական օր մը ապրեցաւ Պէզճեան Մայր վարժարանի շրջանաւարտից տարեկան աւանդական հաւաքին առթիւ։ Այս տարի արդէն 25-րդ անգամ կազմակերպուեցաւ պէզճեանցիներու օրը, որ ինչպէս միշտ համախմբեց վարժարանի զանազան սերունդներէ շրջանաւարտներ։
Երէկ, Մխիթարեան վարժարանի մէջ տեղի ունեցաւ շրջանաւարտից տարեկան հաւաքը։ Աւանդական Խաւիծի օրուան առթիւ վարժարանի զանազան սերունդներէ շրջանաւարտներ համախմբուեցան թէ՛ վերյիշելով իրենց յուշերը եւ թէ ականատես ըլլալով այս խոր աւանդութիւններով կրթական հաստատութեան այս օրուան կացութեան
Գատըգիւղի Արամեան-Ունճեան վարժարանին մէջ երէկ տեղի ունեցաւ առաջին դասարանի փոքրիկներու ընթերցման տօնը։ Սա անոնց համար իւրայատուկ հանդիսութիւն մըն էր։ Իրենց կրթական կեանքի առաջին տարուան աշխատանքի արդիւնքը առաջին դասարանի փոքրիկները ներկայացուցին յատուկ հանդէսով մը։
Պատրիարքական ընդհանուր փոխանորդ Տ. Արամ Արք. Աթէշեան այս առաւօտ մեկնեցաւ Կրետէ։ Այս շաբաթավերջին Կրետէի մէջ կը նշուի Ս. Յովհաննէս եկեղեցւոյ հիմնադրութեան 350-ամեայ յոբելեանը։
Խոր ցաւով վերահասու եղանք, որ յառաջացեալ տարիքի մէջ իր մահկանացուն կնքած է մեր կրթական կեանքի նուիրեալ մշակներէն Վահան Աճէմեան։ Այս կորուստը խոր ցաւ յառաջացուցած է իր կողմէ դաստիարակուած սերունդներուն՝ մանաւանդ Սուրբ Խաչ դպրեվանքի ընտանիքին մօտ։
Խոր ցաւով տեղեկացանք, որ Նիւ Եորքի մէջ իր մահկանացուն կնքած է Տիար Արա Միսաքեան, որ երէց եղբայրն է համայնքային երախտաշատ բարերարուհի Մոնիք Երկանեանի։ Սա ցաւալի իրադարձութիւն մըն է եւ բօթը արձագանգ գտած է ամէնուր։
Էսաեան սանուց միութեան «Մարալ» համոյթը ներկայիս կը նշէ իր հիմնադրութեան 40-ամեայ յոբելեանը։ «Մարալ»ի մեծ ընտանիքը արտակարգ խանդավառութիւն կ՚ապրի յոբելենական ներկայ շրջանին։ Գեղարուեստական ղեկավար Կարպիս Չափքան, որ այդ չորս տասնամեակներու ականատեսն ու մասնակիցը եղած է, մէկ կողմէ կ՚ապրի այդ ամբողջ յիշողութեան զգացականութիւնն ու հպարտութիւնը, իսկ միւս կողմէ կը ջանայ նոր հորիզոններ ուրուագծել համոյթին առջեւ՝ պատրաստելու համար անոր ապագան։
Կը տեղեկանանք, որ «Արաս» հրատարակչութիւնը վերջերս գրասէրներու տրամադրութեան տակ դրած է Դանիէլ Վարուժանի «Հացին երգը» գիրքի վերհրատարակութիւնը։ Առաջին անգամ 1921 թուականին հրատարակուած այս գործը հայ գրականութեան դասական գլուխգործոցներէն մին է։
