Պիւյիւքտէրէի «Ֆուատ փաշա» ապարանքին մէջ երէկ տեղի ունեցաւ Թոփգաբուի Լեւոն-Վարդուհեան վարժարանի ի նպաստ կանանց հաւաքոյթ մը։ Դպրոցի ծնողաց միութեան եւ եկեղեցւոյ տիկնանց յանձնախումբի համատեղ նախաձեռնութեամբ կազմակերպուած այս «պրանչ»ը համախմբեց մեր համայնքէն շուրջ 300 տիկիններ, որոնք փութացած էին զանազան թաղերէ։
Պուլկարահայ համայնքէն երեք գործիչներ այս օրերուն կ՚այցելեն քաղաքս։ Անոնք են՝ Հայ Առաքելական Եկեղեցւոյ Պուլկարիոյ թեմի թեմական խորհուրդի ատենապետ Անդրանիկ Շաքարեան, Փլովտիւի մօտ նախկին պատուոյ հիւպատոս Եղիազար Ուզունեան եւ համայնքի յայտնի դէմքերէն Աղաւնի Գէորգեան։
ՅԱՐՈՒԹԻՒՆ ԱԲԵՂԱՅ ՏԱՄԱՏԵԱՆ
«Սէր»ը տիեզերքի մեծագոյն գաղափարներէն մին է, որուն մասին մտածելը միայն ու միայն մարդկութեան տրուած շնորհք մըն է։ Բնութեան մէջ առհասարակ կարելի է նկատել, թէ շնչող եւ ապրող իւրաքանչիւր կենդանի, իրեն համաձայն սիրոյ արտայայտութիւն մը ունի, բայց միայն մարդն է, որ կը տեսնէ այս բոլորը, երբեմն կը մտածէ իր տեսածներուն մասին եւ ի վերջոյ կը ջանայ այս բոլորը՝ անձնական զգացումներուն ու փորձառութիւններուն միացնել։
Ամենայն հայոց բանաստեղծ Յովհաննէս Թումանեանի ծննդեան 150-ամեակի համազգային յոբելեանը քաղաքիս մէջ նշուեցաւ Էսաեանի երդիքին տակ կազմակերպուած միջվարժարանային ձեռնարկով մը, որու զուգահեռ կեանքի կոչուած «Գիրք նուիրելու օր»ուան ծրագիրը ցոլացուց համայնքային հրատարակութիւններու խայտաբղէտ պատկերը:
Անանց պատգամ նոր սերունդին:
Արա Գօչունեան, Բագրատ Էսդուգեան, Մայտա Սարիս եւ Արամ Քամպուրեան մեր երիտասարդներուն հետ խոհեր բաժնեցին՝ հայերէնի եւ անով պայմանաւորուած վիթխարի ժառանգութեան շուրջ:
Ֆէրիգիւղի «Նազար Շիրինօղլու» սրահի երդիքին տակ կիրակնամուտ եւ հոգեճաշ՝ սգահանդէսի մթնոլորտով:
Համայնքային շրջանակները վշտակցութիւն յայտնեցին երախտաշատ բարերար Արէտ եւ Մոնիք Երկանեան ամոլին:
ՅԱՐՈՒԹԻՒՆ ԱԲԵՂԱՅ ՏԱՄԱՏԵԱՆ
Ամէն տարի, երբ Տեառնընդառաջի օրը կը հասնի, Տէրունի տօնի առընթեր կը յիշենք նաեւ մեծանուն հոգեւորական մը, որ դարձած է ո՛չ միայն Պոլսոյ Պատրիարքական Աթոռոյ, այլեւ՝ հանուր Հայ Եկեղեցւոյ ռահվիրաներէն մին։ Այս սուրբ տօնին վախճանած՝ Յովհաննէս Կոլոտ Բաղիշեցի Պատրիարքն է ան, որ ամէն առիթով ձեւ մը կը գտնէ պատգամելու եւ իր ձայնը լսելի դարձնելու համար՝ այցելու իր զաւակներուն։
Պաքըրգիւղի Տատեան վարժարանի հիմնադրութեան 175-ամեակին ձօնուած յոբելենական գործունէութիւններու ծիրէն ներս նախընթաց օր տեղի ունեցաւ թատերական ներկայացում մը։ Դպրոցի «Տիգրան Կիւլմէզկիլ» հանդիսասրահի երդիքին տակ տեղի ունեցաւ այս ձեռնարկը։
Պատրիարքական ընդհանուր փոխանորդ Տ. Արամ Արք. Աթէշեան երէկ Գումգաբուի մէջ հիւրընկալեց ՃՀՓ-ի կողմէ Պէշիկթաշի քաղաքապետի թեկնածու առաջադրուած Ռըզա Աքփոլատը, որուն կ՚ընկերանար մեր ազգայիններէն Նուրհան Փալաքօղլու, որ իր խորհրդականներէն է։ Հանդիպման ներկայ գտնուեցան նաեւ Պէշիկթաշի սահմաններէն ներս գտնուող մեր եկեղեցիներու թաղային խորհուրդներու ատենապետները, ինչպէս նաեւ Մայր եկեղեցւոյ թաղային խորհուրդէն Մինաս Արսլան։
Երէկ առաւօտ, Գատըգիւղի Ս. Թագաւոր եկեղեցւոյ մէջ, Առաջաւորաց պահքի առթիւ, եկեղեցւոյ քարոզիչ Տ. Յարութիւն Աբեղայ Տամատեանի առաջնորդութեամբ եւ եկեղեցւոյ հոգեւոր հովիւ Տ. Գրիգոր Ա. Քհնյ. Տամատեանի մասնակցութեամբ՝ տեղի ունեցաւ Արեւագալի ժամերգութիւն։ Արարողութեան ներկայ եղան նաեւ հաւատացեալներ։
Քարոզիչ հայր սուրբը, արարողութեան աւարտին խօսեցաւ Առաջաւորաց պահքի նշանակութեան մասին։
Երէկ, Պատրիարքական ընդհանուր փոխանորդ Տ. Արամ Արք. Աթէշեան Գումգաբուի մէջ հիւրընկալեց ԱՔ կուսակցութեան կողմէ Շիշլիի քաղաքապետի թեկնածու առաջադրուած Նիհալ Եըլտըրըմը, որուն կ՚ընկերանային իր խումբ մը գործակիցները։ Հանդիպման ներկայ էր նաեւ ԱՔ կուսակցութեան Շիշլիի մասնաճիւղի ղեկավար Էօմէր Ֆուատ Կիւնտայ։
