Գոհունակութեամբ վերահասու կ՚ըլլանք, որ համակրելի մեներգչուհի Սիպիլ յառաջիկայ ամիս զանազան համերգներով հանդէս պիտի գայ Հարաւային Ամերիկայի եւ Ֆրանսայի մէջ։ Ընդհանուր առմամբ վեց համերգներ նախատեսուած են մէկ ամսուան ընթացքին եւ Սիպիլ այս առթիւ մարտ ամսուան տեւողութեան պիտի ունենայ իրերայաջորդ ճամբորդութիւններ։
Թորոնթոյի մէջ մահկանացուն կնքած նախկին պոլսահայ ճարտարագէտը տասնամեակներ շարունակ բեղուն ծառայութիւն մատուցած էր գանատահայ կեանքէն ներս։
Համայնքային շրջանակները բարոյական զօրակցութեան առարկայ կը դարձնեն մեր երախտաշատ բարերարներէն Արէտ եւ Մոնիք Երկանեան ամոլը, որ կը սգայ հարազատ եղբօր կորուստը։
Նախընթաց օր հաճոյքն ունեցանք խմբագրատանս մէջ հիւրընկալելու Սեւ ծովեան տնտեսական համագործակցութեան կազմակերպութեան (ՍԾՏՀԿ) մօտ Հայաստանի Հանրապետութեան նորանշանակ մշտական ներկայացուցիչ Սահակ Սարգսեանը, որուն կ՚ընկերանար ներկայացուցչական խորհրդական Նաղաշ Յակոբեան։ Հաճելի զրոյցի ընթացքին թերթիս գլխաւոր խմբագիր Արա Գօչունեան ջերմօրէն ողջունեց Սահակ Սարգսեանի եւ Նաղաշ Յակոբեանի այցելութիւնը՝ յղելով յաջողութեան մաղթանքներ։
Էսաեան սանուց միութեան վարչութեան ատենապետուհի Մարիամ Տրամէրեան հրաժարեցաւ իր պաշտօնէն։ Երէկ ան հանդէս եկաւ համապատասխան յայտարարութիւնով մը։
Երէկ, Պաքըրգիւղի մէջ տեղի ունեցաւ յատկանշական արարողութիւն մը։ Այսպէս, Տատեան վարժարանի գտնուած փողոցը վերանուանուեցաւ նոյն անունով։
Արեւմտեան Եւրոպայի Հայրապետական պատուիրակ Գերշ. Տ. Խաժակ Արքեպս. Պարսամեան, 4 փետրուար 2019, երկուշաբթի, այցելեց մայրաքաղաք Անգարա։ Նորին Սրբազնութիւնը, որուն կ՚ընկերանար Մայր Աթոռոյ միաբաններէն Գերպտ. Տ. Շահէ Ծ. Վրդ. Անանեան, սոյն այցելութիւնը կը կատարէր յանուն Մայր Աթոռ Սուրբ Էջմիածնի եւ նախապէս առնուած ժամադրութեան մը համաձայն ժամը՝ 11.00-ին, ընդունուեցաւ Թուրքիոյ Արտաքին գործոց նախարար Մեւլիւտ Չավուշօղլուի կողմէ։
Գոհունակութեամբ վերահասու կ՚ըլլանք, որ լրագրող-բանաստեղծուհի Վերճիհան Զիֆլիօղլու հրատարակած է նոր գիրք մը, որ կը կոչուի «Beni Unutma Rusyam»։ Այս գիրքը շուրջ եօթ տարուան ընթացքին հեղինակին կողմէ կատարուած ուսումնասիրութիւններու հիման վրայ պատրաստուած է։
Կը տեղեկանանք, որ Թրքահայ ուսուցչաց հիմնարկը վերահրատարակած է՝ Մխիթարեան ուխտէն հոգելոյս Հայր Արիստակէս Վրդ. Պօհճալեանի բացատրական Առձեռն բառարանը։ 1975 թուականին, հեղինակի թոյլտուութեամբ այս բառարանը հրատարակուած էր Ուսուցչաց հիմնարկին կողմէ։
Հարպիէի «Ճեմալ Ռեշիտ Ռէյ» համերգասրահին մէջ երէկ երեկոյեան տեղի ունեցաւ «Թրքական երաժշտութեան մէջ հայ յօրինողներ» խորագրեալ համերգ մը։ «Միասնաբար՝ անցեալէն դէպի ապագայ» կարգախօսով կազմակերպուած էր այս երեկոյթը, որու նախաձեռնութիւնը համատեղ ստանձնած էին Սուրբ Փրկիչ Ազգային հիւանդանոցը եւ «Աշիեան» երաժշտական միութիւնն ու կեդրոնը։
Խոր ցաւով վերահասու եղանք, որ մեր համայնքի յայտնի մուշտակագործներէն Արա Թեքպըչաք կնքած է իր մահկանացուն։ Սա ցաւալի կորուստ մըն է, որովհետեւ Արա Թեքպըչաք բարի համբաւի եւ համակրանքի արժանացած անձնաւորութիւն մըն էր ու միեւնոյն ժամանակ՝ իր ընդգրկած ասպարէզին մէջ յառաջատար վարպետ մը։
