Թրքահայ կեանք

Գատըգիւղի Ս. Թագաւոր եկեղեցւոյ մէջ Տ. Գրիգոր Ա. Քհնյ. Տամատեան մատոյց տարուան անդրանիկ Ս. Պատարագը։ Արարողութեան հանդիսապետեց Տ. Յարութիւն Աբեղայ Տամատեան։

Էսաեան սանուց միութեան «Մարալ» երգի-պարի համոյթը Ամանորի եւ Ս. Ծննդեան առթիւ կազմակերպեց խրախճանք մը։ Շատ խանդավառ մթնոլորտի մը մէջ անցաւ այս հաւաքոյթը, որուն մասնակցեցան «Մարալ»ի թէ՛ բուն եւ թէ մանկապատանեկան կազմերու անդամները։

Պատրիարքական Աթոռոյս «Արմաշ» մատենաշարէն, որպէս տասնեւերրորդ հատոր լոյս տեսաւ Արմաշական հայրերէն Ղեւոնդ Վրդ. Դուրեանի (ապա Արքեպսկ.) «Մկրտութեան խորհուրդը» խորագրեալ աւարտաճառը։
Սրբազան հեղինակը ընծայարանի ուսումէն ետք, գրի կ՚առնէ սոյն աշխատասիրութիւնը, որու աւարտին, կը ստանայ վարդապետական գաւազան կրելու իշխանութիւն։

Սամաթիոյ Անարատ Յղութիւն վարժարանին մէջ տեղի ունեցաւ Ամանորի խանդավառ հանդէս մը, որու ընթացքին աշակերտները յաջող ելոյթներով արժանացան ծափահարութիւններու։

ԳՐԻ­ԳՈՐ Ա­ՒԱԳ ՔԱ­ՀԱ­ՆԱՅ ՏԱ­ՄԱ­ՏԵԱՆ

Ամէն անգամ որ Ամանորի սեմին կը հասնինք, կ՚անդրադառնանք, թէ ժամանակը որքան արագ ընթացած է։ Մանաւանդ մանուկներ կը խանդավառուին Կաղանդ պապուկի ակնկալութեամբ։ Ակնկալութիւն՝ ընդհանրապէս անակնկալներով լեցուն նուէրներու տոպրակի բացման։

Երէկ երեկոյեան Գարակէօզեան Տան մէջ տեղի ունեցաւ Ամանորի խրախճանք։ Վերջին տարիներուն աւանդական դարձած է այս հաւաքոյթը, որու ընթացքին ստեղծուեցաւ մեծ խանդավառութիւն։

Ֆէրիգիւղի ընտանիքը Ամանորի եւ Ս. Ծննդեան առթիւ նախընթաց օր համախմբուեցաւ խրախճանքով մը։ Վերջին տարիներուն աւանդական դարձած են Ֆէրիգիւղի ընտանիքի Կաղանդի խրախճանքները։

Գատըգիւղի Արամեան-Ունճեան վարժարանին մէջ Ամանորի եւ Ս. Ծննդեան առթիւ ստեղծուեցաւ մեծ ոգեւորութիւն, որ ներկայ տօնական շրջանին կը պայմանաւորէ Գատըգիւղի ամբողջ ընտանիքի տրամադրութիւնը։ Իրականութեան մէջ ամբողջ դեկտեմբեր ամիսը վարժարանի տնօրէնութեան եւ ուսուցչական կազմի ջանքերով նախապատրաստական շրջանի մը վերածուած էր, իսկ վերջին օրերուն հրճուանքը հասաւ գագաթնակէտին։

Մխիթարեան վարժարանին մէջ երէկ տեղի ունեցաւ Կաղանդի հանդէս մը, որու ընթացքին փոքրիկները մեծ խանդավառութիւն ապրեցան Կաղանդ պապուկի այցելութեամբ։ Օրուան տեւողութեան դպրոցէ ներս ստեղծուեցաւ խրախճանքի մթնոլորտ մը։

Թոփգաբուի Լեւոն-Վարդուհեան վարժարանին մէջ ներկայ Ամանորի շրջանը բնորոշուեցաւ մեծ խանդավառութեամբ։ Դպրոցէն ներս նախընթաց օր տեղի ունեցաւ հանդէս մը, որու ընթացքին տղաքը ողջունեցին Կաղանդ պապուկը։