Պատրիարքական ընդհանուր փոխանորդ Տ. Արամ Արք. Աթէշեան շաբաթավերջին հանդիպում մը ունեցաւ Սարըերի քաղաքապետ Շիւքրիւ Կենճի հետ։ Հարկ է նշել, որ Սարըերի քաղաքապետարանը վերջերս փոխադրուած է Մասլաք՝ տեղակայուելով նորակառոյց համալիրի մը մէջ։
Հոգեգալստեան տօնին առթիւ շաբաթավերջին աւանդական փայլուն տօնակատարութիւններ տեղի ունեցան Պէյօղլուի Ս. Երրորդութիւն եկեղեցւոյ մէջ։ Երէկ, առաւօտեան կանուխ ժամերէն սկսեալ տօնական մթնոլորտ ստեղծուեցաւ մեր այս պատմական ու կոթողային սրբավայրի համալիրէն ներս։
Խոր ցաւով վերահասու եղանք, թէ շաբաթավերջին իր մահկանացուն կնքած է մեր համայնքի երախտաշատ դէքմերէն մին՝ Գէորգ Եանէր, որ երկար տարիներ անսակարկ նուիրումով ծառայութիւն մատուցած է։
Պաքըրգիւղի ընտանիքը երէկ մեծ ոգեւորութիւն ապրեցաւ՝ Տատեան վարժարանի շրջանաւարտից օրուան առթիւ։ Առաւօտուն Եշիլգիւղի Ս. Ստեփանոս եկեղեցւոյ մէջ յաւարտ Ս. Պատարագի կատարուած հոգեհանգստեան պաշտօնով ոգեկոչուեցաւ վարժարանի նախկին բազմամեայ տնօրէնուհի հանգուցեալ Էլիզ Մանաս։
Տատեան սանուց միութեան հաւաքատեղիին մէջ շաբաթավերջին տեղի ունեցաւ յատկանշական ցուցահանդէս մը։ Այսպէս, միութեան երդիքին տակ կը ներկայացուին անցեալ եղանակին կազմակերպուած գեղարուեստական դասընթացքներու մասնակից փոքրիկներու ստեղծագործութիւնները։
Թոփգաբուի Լեւոն-Վարդուհեան վարժարանի սաները անցեալ շաբաթ հանդէս եկան բանաստեղծութեան, պարի եւ երգչախմբային ելոյթներով։
Եշիլգիւղի վարժարանի 2017-2018 կրթական շրջանի տարեվերջի հանդէսը երէկ երեկոյեան տեղի ունեցաւ առիթ հանդիսանալով մեծ խանդավառութեան։
Պատրիարքական Աթոռի Խորհրդակցական մարմինը երէկ յետմիջօրէին ժողով մը գումարեց Գումգաբուի մէջ։ Պատրիարքական ընդհանուր փոխանորդ Տ. Արամ Արք. Աթէշեանի նախագահութեամբ տեղի ունեցաւ նիստը։ Բուն օրակարգի խնդիրներուն քննարկման անցնելէ առաջ Խորհրդակցական մարմնի անդամները նկատի առին համայնքէն ներս վերջին օրերուն կրթական հարցերու շուրջ ծագած բանավէճը։
Ֆէրիգիւղի Մէրամէթճեան վարժարանի տնօրէնութեան նախաձեռնութեամբ կազմակերպուած միջվարժարանային 14-րդ ճատրակի մրցաշարքը երէկ հասաւ իր աւարտին։ Եռօրեայ մրցաշարքը եզրափակուեցաւ պարգեւաբաշխման արարողութիւնով։
Գոհունակութեամբ վերահասու կ՚ըլլանք, թէ «Արաս» հրատարակչութիւնը լոյս ընծայած է Պետրոս Դուրեանի բանաստեղծութիւններէն բաղկացեալ ժողովածոյ մը, որ կը կոչուի «Աստղերու հեղեղ»։
