Թրքահայ կեանք

Պատ­րիար­քա­կան Ընդ­հա­նուր Փո­խա­նորդ Տ. Ա­րամ Արք. Ա­թէ­շեան շա­բա­թա­վեր­ջին Գում­գա­բուի մէջ հիւ­րըն­կա­լեց իս­թան­պու­լա­հայ տիկ­նանց յանձ­նա­խում­բե­րու ներ­կա­յա­ցու­ցիչ­նե­րը։ Մեր զա­նա­զան ե­կե­ղե­ցի­նե­րու կամ հա­մայն­քա­յին յանձ­նա­խում­բե­րու տիկ­նանց կազ­մե­րու ներ­կա­յա­ցու­ցիչ­նե­րը Ա­մա­նո­րի եւ Ս. Ծննդեան տօ­նե­րուն առ­թիւ Պատ­րիար­քա­րան փու­թա­ցին շնոր­հա­ւո­րու­թեան։

Գալ­ֆաեան Տան եր­դի­քին տակ Ա­մա­նո­րի եւ Ս. Ծննդեան շրջա­նին ստեղ­ծուե­ցաւ մեծ ո­գե­ւո­րու­թիւն։ Զա­նա­զան խրախ­ճանք­նե­րով տղա­քը ապ­րե­ցան տօ­նա­կան շրջա­նի եր­ջան­կու­թիւ­նը։

Գա­րա­կէօ­զեան Տան բա­րե­յի­շա­տակ հիմ­նա­դիր Տիգ­րան է­ֆէն­տի Գա­րա­կէօ­զեան ե­րէկ ո­գե­կո­չուե­ցաւ ե­րախ­տա­գի­տա­կան զգա­ցում­նե­րով։ Ծա­նօթ է, որ ա­մէն տա­րի հան­գու­ցեալ Տիգ­րան է­ֆէն­տի Գա­րա­կէօ­զեան մաս­նա­ւոր հո­գե­հանգս­տեան պաշ­տօ­նով մը կ՚ո­գե­կո­չուի՝ Գա­րա­կէօ­զեան Տան խնա­մա­կա­լու­թեան նա­խա­ձեռ­նու­թեամբ։

Այս Կի­րա­կի Գում­գա­բուի մէջ տե­ղի պի­տի ու­նե­նայ Կեդ­րո­նա­կան վար­ժա­րա­նի ի նպաստ տա­րե­կան սի­րոյ սե­ղա­նը։ Ե­րէկ, տա­րե­կան մա­տա­ղօրհ­նու­թեան ըն­դա­ռաջ հա­ճոյքն ու­նե­ցանք խմբագ­րա­տանս մէջ հիւ­րըն­կա­լե­լու Ղա­լա­թիոյ խնա­մա­կա­լու­թեան ա­տե­նա­պետ Յա­րու­թիւն Է­պէօղ­լուն եւ ան­դամ­նե­րէն՝ Մի­նաս Գա­բը­սը­զը։ Հա­ճե­լի զրոյ­ցի ըն­թաց­քին Ղա­լա­թիոյ խնա­մա­կա­լու­թեան ներ­կա­յա­ցու­ցիչ­նե­րը մե­զի ման­րա­մասն տե­ղե­կու­թիւն­ներ փո­խան­ցե­ցին դպրո­ցի պիւտ­ճէի ներ­կայ բարդ հա­ւա­սա­րակշ­ռու­թիւն­նե­րուն շուրջ։

Գա­տը­գիւ­ղի Ս. Թա­գա­ւոր ե­կե­ղեց­ւոյ մէջ Ս. Պա­տա­րա­գի մա­տուց­մամբ կա­տա­րուած հո­գե­հանգս­տեան պաշ­տօ­նով յի­շա­տա­կուե­ցան ե­կե­ղեց­ւոյ բա­րե­րար­ներ Ֆէս­ճեան, Սէրթ­շիմ­շէք, Չո­լա­քեան եւ Մե­ծա­րեան ըն­տա­նիք­նե­րու ան­դամ­նե­րը։ Հա­կա­ռակ օ­դի անն­պաստ պայ­ման­նե­րուն, ներ­կայ ե­ղան կո­կիկ թի­ւով հա­ւա­տա­ցեալ­ներ։

Յայտ­նի հա­մայն­քա­յին բա­րե­րար Ա­րէտ Եր­կա­նեան այ­ցե­լեց Վա­քըֆ­նե­րու խոր­հուր­դի մօտ փոք­րա­մաս­նու­թեանց ներ­կա­յա­ցու­ցիչ Թո­րոս Ալ­ճա­նի գրա­սե­նեա­կը։ Ա­րէտ Եր­կա­նեան կամ­քէ ան­կախ պատ­ճառ­նե­րով չէր կրցած մաս­նակ­ցիլ ներ­կա­յա­ցու­ցի­չի գրա­սե­նեա­կի բաց­ման հա­ւա­քոյ­թին։

Գա­տը­գիւ­ղի Ա­րա­մեան-Ուն­ճեան վար­ժա­րա­նին մէջ Նոր տար­ւոյ եւ Սուրբ Ծննդեան շրջա­նին ստեղ­ծուե­ցաւ մեծ խան­դա­վա­ռու­թիւն։ Գա­տը­գիւ­ղի ըն­տա­նի­քը ա­ւան­դա­կան մթնո­լոր­տի մը մէջ տա­րե­մու­տին ի­րա­կա­նա­ցուց զա­նա­զան ձեռ­նարկ­ներ։ Դպրո­ցէն ներս ալ տե­ղի ու­նե­ցաւ փայ­լուն հան­դէս մը։

Թաք­սիմ մար­զա­կում­բի մին­չեւ տաս­ներ­կու տա­րե­կան­նե­րու ֆութ­պո­լի կազ­մը վեր­ջերս ար­ձա­նագ­րեց փայ­լուն յա­ջո­ղու­թիւն մը։ Տղա­քը ի­րենց խմբա­ւոր­ման մէջ հան­դի­սա­ցան ա­խո­յեան։

Պոլսահայութիւնը Սուրբ Ծննդեան աւետիսով գիրկընդխառնուեցաւ մեր եկեղեցիներուն մէջ:
Տ. Արամ Արք. Աթէշեան Գումգաբուի ընդունելութեան ընթացքին ընթերցեց Վարչապետ Պինալի Եըլտըրըմի շնորհաւորականը:

ՍԱ­ՀԱԿ Ե­ՊԻՍ­ԿՈ­ՊՈՍ ՄԱ­ՇԱ­ԼԵԱՆ

Տա­րի­նե­րու տխուր տո­ղան­ցքին առ­ջեւ մենք ջեր­մօ­րէն մխի­թա­րու­թիւն կը զգանք եր­կու հա­զար տա­րուայ ա­ւե­տի­սը վերս­տին հնչեց­նե­լով.
«Քրիս­տոս ծնաւ եւ յայտ­նե­ցաւ»։