Թրքահայ կեանք

Գալ­ֆաեան Տան ըն­տա­նի­քը այս շա­բա­թա­վեր­ջին ա­ւան­դա­կան շրջա­նա­ւար­տից օ­րուան առ­թիւ ապ­րե­ցաւ մեծ ո­գե­ւո­րու­թիւն։ Սկիւ­տա­րի մէջ, հաս­տա­տու­թեան ննջա­րա­նի բաժ­նի հա­մա­լի­րի պար­տէ­զէն ներս ե­րէկ տե­ղի ու­նե­ցած հա­ւա­քոյ­թը ի մի բե­րաւ դպրո­ցի զա­նա­զան սե­րունդ­նե­րէ շրջա­նա­ւարտ­ներ։

Ծն. Ս. Աստուածածին եկեղեցւոյ երէկուան կրօնական եւ աշխարհիկ հանդիսութիւնները ստեղծեցին տօնական մթնոլորտ:
Պաքըրգիւղի ընտանիքը նշեց Քառասուն Մանկանց դպրաց դասու հիմնադրութեան եւ երգչախումբի կազմաւորման ձօնուած հերթական հանգրուանը:

Պատ­րիար­քա­կան Ընդ­հա­նուր Փո­խա­նորդ Տ. Ա­րամ Արք. Ա­թէ­շեան վեր­ջերս հիւ­րըն­կա­լեց Իս­թան­պու­լի մօտ Ա­մե­րի­կա­յի Միա­ցեալ Նա­հանգ­նե­րու Ա­ւագ հիւ­պա­տոս Չարլզ Հան­թը­րը եւ Ան­գա­րա­յի մօտ ԱՄՆ-ի դես­պա­նու­թեան քա­ղա­քա­կան գոր­ծե­րու գծով խորհր­դա­կան Ճաս­թին Ֆրիտ­մը­նը։

Ա­թա­գիւ­ղի «Իս­փիր­թօ­հա­նէ» մշա­կոյ­թի կեդ­րո­նին մէջ ե­րէկ մե­ծա­րան­քի հան­դի­սու­թիւն մը տե­ղի ու­նե­ցաւ վաս­տա­կա­ւոր ու­սուց­չու­հի Նա­տիա Թե­քի­րօղ­լուի ի պա­տիւ։ 45 տա­րի Տա­տեան վար­ժա­րա­նի մէջ ծա­ռա­յե­լէ վերջ հանգս­տեան կո­չուած Նա­տիա Թե­քի­րօղ­լուին տե­սա­կէ­տէ իս­կա­կան ա­նակն­կալ մըն էր այս ձեռ­նար­կը, որ կազ­մա­կերպուած էր իր սա­նե­րու ինք­նա­բուխ նա­խա­ձեռ­նու­թեամբ։

Միջ­միու­թե­նա­կան ար­տա­սա­նու­թեան մրցոյ­թը ե­րէկ երեկոյեան կա­յա­ցաւ Պա­քըր­գիւ­ղի Տա­տեան սա­նուց միու­թեան եր­դի­քին տակ։ Մեծ ե­ղեռ­նի նա­հա­տակ գրա­գէտ­նե­րուն ձօ­նուած մրցոյ­թի դափ­նե­կի­րը հան­դի­սա­ցաւ Սա­հա­կեան սա­նուց միու­թե­նէն Մա­րիամ Քե­շի­շօղ­լու։

Պատ­րիար­քա­կան Ընդ­հա­նուր Փո­խա­նորդ Տ. Ա­րամ Արքեպիսկոպոս Ա­թէ­շեան ե­րէկ Գում­գա­բուի մէջ հիւ­րըն­կա­լեց Գեր­մա­նիոյ Պա­վիէրա նահանգէն փու­թա­ցած խումբ մը հիւր հո­գե­ւո­րա­կան­ներ։ Տո­րո­թէա Կրէ­նիէ­րի կող­մէ գլխա­ւո­րուած խում­բը Իս­թան­պու­լի մէջ այս օ­րե­րուն կը ծա­նօ­թա­նայ փոք­րա­մաս­նու­թեանց կրօ­նա­կան հաս­տա­տու­թիւն­նե­րուն։

Ֆէրիգիւղի «Շիրինօղլու» սրահին մէջ «Հայճար»ի նախաձեռնութեամբ գիտական շահեկան ձեռնարկ մը:
Երեկոյթի ատենախօսն էր Իսթանպուլի Թեքնիկ համալսարանի Ուժանիւթի կաճառէն Սեւան Կարապետօղլու:

Օր­թա­գիւ­ղի Թարգ­ման­չաց վար­ժա­րա­նի ա­շա­կերտ­նե­րը ան­ցեալ շաբ­թուան մէջ մաս­նակ­ցու­թիւն բե­րին Պէ­շիկ­թա­շի Կրթա­կան տնօ­րէ­նու­թեան կող­մէ կազ­մա­կերպուած BELFEST միջ­վար­ժա­րա­նա­յին ծրագ­րին։

 Թուր­քիոյ Հայ Կա­թո­ղի­կէ Հա­սա­րա­կու­թեան Վի­ճա­կա­ւոր Տ. Լե­ւոն Արք. Զէ­քիեան ե­րէկ ե­րե­կո­յեան ա­սու­լի­սով մը հան­դէս ե­կաւ Ֆէ­րի­գիւ­ղի Ս. Վար­դա­նանց ե­կե­ղեց­ւոյ յա­րա­կից «Շի­րի­նօղ­լու» սրա­հին մէջ։ Պո­մոն­թիի Մխի­թա­րեան վար­ժա­րա­նի սա­նուց միու­թեան նա­խա­ձեռ­նու­թեամբ կազ­մա­կերպուած էր այս ե­րե­կոյ­թը՝ որ­պէս ներ­կայ ե­ղա­նա­կի եզ­րա­փա­կիչ ձեռ­նարկ։

Սա­մա­թիոյ Սա­հա­կեան-Նու­նեան վար­ժա­րա­նին մէջ ե­րէկ տօ­նա­կան օր մը ապորւե­ցաւ ման­կա­պար­տէ­զի փոք­րիկ­նե­րու տա­րե­վեր­ջի հան­դէ­սին առ­թիւ։ Կրթա­կան շրջա­նի փակ­ման ներ­կայ հանգ­րուա­նին դպրո­ցին մէջ տե­ղի կ՚ու­նե­նան զա­նա­զան հան­դէս­ներ, ո­րոնց շար­քին ե­րէ­կուա­նը ու­նէր ա­ռանձ­նա­յա­տուկ նշա­նա­կու­թիւն, քա­նի որ կը հա­մախմ­բէր փոք­րիկ­նե­րը։