Լրահոս

Ֆրանսայի մշակոյթի նախկին նախարար Օտրի Ազուլէն ընտրուեցաւ ԻՒՆԷՍՔՕ-ի ընդհանուր տնօրէն:

Վարչապետ Պինալի Եըլտըրըմ. «Թուրքիա ՓՔՔ-ի դէմ պայքարի ուղղութեամբ մեծապէս կը կարեւորէ Իրանի հետ համագործակցութիւնը»:
Հանրապետութեան նախագահ Էրտողանի խօսքերով՝ Անգարա առկայ պայմաններով հարցաքննութեան կրնայ ենթարկել Ուաշինկթընի հետ ռազմավարական գործընկերութիւնը:

Գործարար Օսման Քավալայի հսկողութեան տակ առնուելուն արձագանգները կը շարունակուին։ «Անատոլու քիւլթիւր» ընկերութեան վարչութեան ղեկավար Քավալա նախընթաց օր Կազիանթէպէ Իսթանպուլ վերադարձին Եշիլգիւղի «Աթաթիւրք» օդակայանին մէջ հսկողութեան տակ առնուելով տարուած էր հարցաքննութեան։

Արցախի ճակատին վրայ երէկ դարձեալ նահատակուեցաւ հայ զինուոր մը։ «Արմէնփրէս»ի հաղորդումներով, ժամը շուրջ 15.50-ին, Արցախի Պաշտպանութեան բանակի հիւսիս-արեւելեան ուղղութեամբ տեղակայուած զօրամասերէն մէկուն պահպանութեան տեղամասին մէջ, Ատրպէյճանի զօրքերուն կողմէ արձակուած կրակին թիրախը դարձաւ զինուոր Տիգրան Խաչատրեան (1998)։

Հայաստանի Վարչապետ Կարէն Կարապետեանին հրաւէրին ընդառաջ՝ յառաջիկայ շաբաթ Ռուսաստանի Վարչապետ Տիմիթրի Մետվետեւ պաշտօնական այցելութիւն մը պիտի տայ Երեւան։ «Արմէնփրէս»ի հաղորդումներով, ռուս վար-չապետին պաշտօնական այցը նախատեսուած է Երեքշաբթի, 24 Հոկտեմբերին։

ԵՄ-ի Արեւելեան գործընկերութեան Նոյեմբերի գագաթաժողովին ընդառաջ:
Նալպանտեան եւ Աւրամոփուլոս քննարկեցին վիզաներու դրութեան դիւրացման մասին հարցեր:

Հայաստանի մէջ արդէն երրորդ անգամ տեղի կ՚ունենայ «Աշխարհի գոյները» փառատօնը՝ «Խճանկար» խորագրով։ Փառատօնի կազմակերպիչներէն Արման Կարապետեան նախընթաց օր կայացած մամլոյ ասուլիսին ընթացքին նշեց, որ ան պիտի ըլլայ երաժշտական փառատօն։

Արցախի Պատմութեան եւ մշակոյթի անշարժ յուշարձաններու ցուցակին մէջ ներկայիս հաշուառուած է շուրջ չորս հազար յուշարձան։ Ինչպէս «Արմէնփրէս»ին տեղեկացուցին Հայաստանի Մշակոյթի նախարարութեան Պատմամշակութային արգելոց-թանգարաններու եւ պատմական միջավայրի պահպանութեան ծառայութենէն (ՊՈԱԿ), Արցախի Մշակոյթի նախարարութեան Պատմական միջավայրի պահպանութեան պետական ծառայութեան (ՊՈԱԿ) գիտական գծով փոխ-տնօրէն, պատմական գիտութիւններու թեկնածու Նժդեհ Երանեան կը կարեւորէ Արցախի տարածքէն ներս յուշարձաններու մանրամասն հետազօտութիւնը։

«Հայաստան եւ Իրան. հողի յիշողութիւն» խորագրեալ ցուցահանդէսին ներկայացուած են Հայաստանի Պատմութեան եւ Իրանի Ազգային թանգարաններու համաժամանակեայ (Ք. Ա. 4-րդ հազարամեակէն մինչեւ Ք. Ա. առաջին դար) նմոյշներ։ Իրանի Ազգային թանգարանին մէջ տեղի ունեցած է բացման հանդիսաւոր արարողութիւնը ցուցահանդէսին, որ բաց պիտի մնայ մինչեւ 2018 թուականի Յունուարի 17-ը։

Տ. Արամ Արքեպիսկոպոս Աթէշեան երէկ անմիջապէս լուսաբանութիւն մը հրապարակեց Տ. Սահակ Եպիսկոպոս Մաշալեանի վերջին յայտարարութիւններուն շուրջ:
Նորին սրբազնութիւնը կը հերքէ պնդումները, ըստ որոնց ինք խուսափած է ընտրութեան ձեռնարկելէ ու կը շեշտէ, որ վերջին իրադարձութիւնները կ՚արդարացնեն զինքը: