Լրահոս

Միջնորդները համատեղ յայտարարութիւն մը հրապարակեցին՝ Լեռնային Ղարաբաղի հակամարտութեան տարածքաշրջան այցելելէ վերջ:
ԵԱՀԿ-ի Մինսքեան խմբակի համանախագահները երէկ Երեւանի մէջ հիւրընկալուեցան Հայաստանի բայձրագոյն ղեկավարութեան կողմէ:

Ար­տա­քին գոր­ծոց նա­խա­րար Մեւ­լիւտ Չա­վու­շօղ­լու ե­րէկ յայ­տա­րա­րու­թիւն­նե­րով հան­դէս ե­կաւ Ի­րա­քէ ներս Մու­սու­լի գոր­ծո­ղու­թիւն­նե­րուն ա­ռըն­չու­թեամբ ու շեշ­տեց, որ ե­թէ Թուր­քիոյ դէմ սպառ­նա­լիք մը յա­ռա­ջա­նայ, ա­պա եր­կի­րը իր բո­լոր հնա­րա­ւո­րու­թիւն­նե­րը շարժ­ման պի­տի ան­ցը­նէ, նե­րա­ռեալ ցա­մա­քա­յին գոր­ծո­ղու­թեան մը վար­կա­ծը։ Ան որ­պէս օ­րի­նակ ցոյց տուաւ Սու­րիոյ մէջ Թուր­քիոյ կող­մէ «Ի­րաք-Շա­մի իս­լա­մա­կան պե­տու­թիւն» (Ի­ՇԻՊ) ա­հա­բեկ­չա­կան խմբա­ւոր­ման դէմ առ­նուած քայ­լե­րը։

Ռու­սաս­տա­նի կա­զի ըն­կե­րու­թեան «Կազփ­րոմ»ի վար­չու­թեան նա­խա­գահ Ա­լեք­սէյ Միլ­լեր ե­րէկ շփում­ներ ու­նե­ցաւ Ե­րե­ւա­նի մէջ, ուր հիւ­րըն­կալ­ուե­ցաւ ա­մե­նա­բարձր մա­կար­դա­կի վրայ։ Օ­րուան տե­ւո­ղու­թեան ան ըն­դու­նուե­ցաւ Հա­յաս­տա­նի Նա­խա­գահ Սերժ Սարգ­սեա­նի եւ Վար­չա­պետ Կա­րէն Կա­րա­պե­տեա­նի կող­մէ։

Մալ­թա­յի Ինք­նիշ­խան Մար­տա­կան Ուխ­տի Ար­քա­յազն ու Մեծ Վար­պետ Ֆրա Մե­թիու Ֆես­թինկ ա­ւար­տեց դէ­պի Ե­րե­ւան պաշ­տօ­նա­կան այ­ցե­լու­թիւ­նը՝ Հա­յաս­տա­նի Հան­րա­պե­տու­թեան նա­խա­գահ Սերժ Սարգսեա­նի հրա­ւէ­րին ըն­դա­ռաջ։

Ուք­րայ­նոյ Մե­լի­թո­փոլ քա­ղա­քին մէջ ծա­գած հրաձ­գու­թեան մը հե­տե­ւան­քով զո­հուե­ցան հայ մը եւ վրա­ցի մը։ «Ար­մէնփ­րէս»ի հա­ղոր­դում­նե­րով, զո­հե­րու ա­նուն­ներն են՝ Սար­գիս Պաղ­տա­սա­րեան եւ Զու­րապ Օ­նա­նի­զի։

Ազ­գա­յին մեծ ժո­ղո­վը ե­րէկ ըն­դու­նեց ո­րո­շում մը, ո­րու հի­ման վրայ Յու­լի­սի 15-ը հռչա­կուե­ցաւ պաշ­տօ­նա­կան ար­ձա­կուրդ։ Խորհր­դա­րա­նէն ներս ե­րէկ հա­ւա­նու­թեան ար­ժա­նա­ցած նա­խագ­ծով՝ 15 Յու­լի­սը յետ այ­սու պի­տի նշուի որ­պէս ժո­ղովր­դա­վա­րու­թեան եւ ազ­գա­յին միաս­նա­կա­նու­թեան օր։

Ար­դա­րա­դա­տու­թեան նա­խա­րար Պե­-քիր Պոզ­տաղ ներ­կա­յիս կ՚այ­ցե­լէ Ա­մե­րի­կա­յի Միա­ցեալ Նա­հանգ­ներ։ Այս ու­ղե­ւո­րու­թեան հիմ-­նա­կան նպա­տակն է ՖԵ­ԹԷՕ-ի պա­րագ­լուխ Ֆե­թհուլ­լահ Կիւ­լէ­նի ԱՄՆ-ի կող­մէ Թուր­քիոյ ար­տա­յանձն­ման ա­պա­հո­վուի­լը։ Ծա­նօթ է, որ 15 Յու­լի­սի զի­նեալ յե­ղաշրջ­ման ձա­խող փոր­ձէն վերջ յաչս Ո­ւա­շինկ­թը­նի Ան­գա­րա ա­հա­զանգ կը հնչեց­նէ եւ յա­մա­ռօ­րէն կը պա­հան­ջէ Ֆեթ­հուլ­լահ Կիւ­լէ­նի ար­տա­յանձ­նու­մը։

Տիար­պա­քը­րի գլխա­ւոր քա­ղա­քա­պետ Կիւլ­թան Քը­շա­նաք առ­նուե­ցաւ հսկո­ղու­թեան տակ՝ ա­հա­բեկ­չու­թեան հար­ցաքն­նու­թեան շրջագ­ծով։ Նոյն­պէս ձեր­բա­կա­լուե­ցաւ նաեւ հա­մա­քա­ղա­քա­պետ Ֆը­րաթ Ան­լը։

Ուր­բաթ, Հոկ­տեմ­բե­րի 28-ին, Կլեն­տէյ­լի մէջ, Գա­լի­ֆոր­նիա, տե­ղի պի­տի ու­նե­նայ Զե­փիւռ Ճե­րա­հեա­նի անդ­րա­նիկ ան­հա­տա­կան ցու­ցա­հան­դէ­սին բա­ցու­մը, Հայ­կա­կան ա­րուեստ­նե­րու ցու­ցաս­րա­հին մէջ։ Զե­փիւռ Ճե­րա­հեա­նի սոյն ցու­ցա­հան­դէ­սը նուի­րուած է գաղ­թա­կա­նա­կան տագ­նա­պին, գաղթականներու ոդիսա­կանին, յատ­կա­պէս՝ Սու­րիոյ տագ­նա­պի լոյ­սին տակ։

Անգարա լուրջ մարտահրաւէր մը կը դիմագրաւէ Մուսուլի ազատագրման մասնակցութեան հարցին շուրջ:
Ռուսաստան լրաքաղութիւն կ՚ապահովէ թրքական կողմին՝ «Եփրատի վահան» գործողութեան համար: