Թայլանտի Նախոմ-Պատոմ քաղաքին մէջ, Յուլիսի 6-15 թուականներուն միջեւ կայացած 2016-2017 ուսումնական տարուան «տարրաբանութիւն» նիւթի դպրոցականներու միջազգային մրցոյթին Հայաստանի խումբը մասնակցած է յաջողութեամբ՝ շահելով երկու պրոնզէ մետայլ եւ մէկ գովասանագիր:
Այսօր աշխարհի մէջ շուրջ 760 միլիոն մարդ կ՚ապրի աղքատութեան մէջ՝ ունենալով օրական 1.9 տոլարի եկամուտ: Այդ մասին ըսուած է ՄԱԿ-ի գլխաւոր քարտուղարի նոր զեկոյցին մէջ:
Միջնորդներու ջանքերով Հայաստանի եւ Ատրպէյճանի նախագահները հաւանական է, որ նոր տեսակցութիւն մը ունենան յառաջիկայ աշնան:
Սերժ Սարգսեան. «Մասնաւոր ակնկալութիւններ չունինք այդպիսի հանդիպումներէն, բայց այդուհանդերձ մենք դէմ չենք որեւէ հանդիպման ու պատրաստ ենք մշտապէս»:
Ֆրանսայի մեծագոյն քաղաքներէն Լիոնի քաղաքապետ ընտրուեցաւ հայազգի 68-ամեայ Ժորժ Քեփենեքեան։ Այս որոշումը առնուեցաւ Լիոնի քաղաքապետարանի քաղաքային խորհուրդին կողմէ։
Հայաստանի Կրթութեան եւ գիտութեան նախարար Լեւոն Մկրտչեան երէկ ընդունեց սփիւռքահայ մշակներ:
Դաստիարակչական փորձագիտութիւններու միջոցաւ մինչեւ Հոկտեմբեր պիտի ստեղծուի առցնց բաց հարթակ մը:
Ազգային մեծ ժողովի որոշումով Թուրքիոյ մէջ արտակարգ վիճակի դրութիւնը երէկ երկարաձգուեցաւ եւս երեք ամիսով։ Կառավարութեան համապատասխան որոշմնագիրը արժանացաւ խորհրդարանի հաւանութեան եւ այսպէսով երկրին մէջ արտակարգ դրութիւնը չորրորդ անգամ երկարաձգուեցաւ։
Երեւանի մէջ Գունազարդ տօնը այս տարի կայացաւ Յուլիս 16-ին Հանրապետութեան հրապարակին վրայ։ Երեւանեան «Գունազարդ վազք»ին մասնակցեցաւ շուրջ 2000 հոգի: Ընդլայնուած էր մասնակիցներու աշխարհագրութիւնը․ այս տարի առաջին անգամ ըլլալով վազքին մասնակցեցան Չինաստանէն, Միացեալ Նահանգներէն եւ այլ երկիրներէ յաւակնորդներ։
Թուրքիոյ մէջ Յուլիսի 15-ը այլեւս վերահաստատուած է՝ որպէս ժողովրդավարութեան գրաւական:
Հանրապետութեան նախագահ Րէճէպ Թայյիպ Էրտողան ծովածաւալ բազմութեան մը խօսք ուղղեց Իսթանպուլի մէջ:
Երեւանի «Ոսկէ ծիրան» տասնչորրորդ միջազգային շարժանկարի փառատօնը հասաւ իր աւարտին:
Զանազան անուանակարգերու մրցանակները շնորհուեցան՝ հեղինակաւոր դատակազմերու որոշման հիման վրայ:
