Լրահոս

«Մոսկուա պատրաստ է օգտագործել իր ամբողջ ազդեցութիւնը՝ Լեռնային Ղարաբաղի հիմնախնդրի կարգաւորման համար»:
Հայաստանի Նախագահ Սերժ Սարգսեան երէկ Պերլինէ վերադարձին ուշ երեկոյեան տեսակցեցաւ Ռուսաստանի Վարչապետ Տիմիթրի Մետվետեւի հետ:

 Ար­ցա­խի ճա­կա­տին վրայ կը շա­րու­նա­կուի փխրուն ի­րա­վի­ճա­կը։ Կրա­կի դադ­րեց­ման վե­րա­բե­րեալ պայ­մա­նա­ւո­րուա­ծու­թիւ­նը կը խախ­տուի Ատր­պէյ­ճա­նի կող­մէ։ Ար­ցա­խի Պաշտ­պա­նու­թեան բա­նա­կի աղ­բիւր­նե­րը ե­րէկ տե­ղե­կա­ցու­ցին, թէ վար ա­ռած են Ատրպէյ­ճա­նի հա­րուա­ծա­յին ա­նօ­դա­չու թռչող սարք մը՝ հեր­թա­կան ան­գամ։

Մար­տի­նի Նու­սայ­պին գա­ւա­ռա­կէն ե­րէկ հա­սած լու­րե­րը խոր ցաւ ստեղ­ծե­ցին բո­վան­դակ Թուր­քիոյ մէջ։ Ե­րէ­կուան գոր­ծո­ղու­թիւն­նե­րուն ըն­թաց­քին նա­հա­տա­կուե­ցան անվ­տան­գու­թեան հինգ պաշ­տօ­նեա­ներ։

Հայց. Ա­ռա­քե­լա­կան Ե­կե­ղեց­ւոյ Ա­մե­րի­կա­յի Հա­յոց Ա­րե­ւե­լեան Թե­մի Ա­ռաջ­նորդ Տ. Խա­ժակ Արք. Պար­սա­մեան, Ուր­բաթ, Ապ­րի­լի 1-ի ա­ռա­ւօ­տուն, Ա­ռաջ­նոր­դա­րա­նի դահ­լի­ճին մէջ բա­րի գա­լուստ մաղ­թեց Հա­յաս­տա­նի Հան­րա­պե­տու­թեան Սփիւռ­քի նա­խա­րա­ր Հ­րա­նոյշ Յա­կո­բեա­նին, ո­րուն կ­­՚ըն­կե­րա­նար Հա­յաս­տա­նի Հան­րա­պե­տու­թեան ՄԱԿ-ի մօտ մնա­յուն եւ լիա­զօր դես­պան Զօհ­րապ Մնա­ցա­կա­նեա­ն:

Կրակի դադրեցման պայմանաւորուածութիւնով հանդերձ, Արցախի ճակատին վրայ Ատրպէյճանի բանակին կողմէ սադրանքները կը շարունակուին։
Նախագահ Սերժ Սարգսեան հեռախօսազրոյցներ ունեցաւ Հասան Ռուհանիի եւ Նուրսուլթան Նազարպայեւի հետ։ Տիմիթրի Մետվետեւ կ՚այցելէ Երեւան։ Մինսքեան խմբակի համանախագահները Լեռնային Ղարաբաղի հակամարտութեան տարածքաշրջանին մէջ։ Սէրկէյ Լաւրովն ալ պիտի այցելէ Հայաստան։

Հա­յաս­տա­նի Նա­խա­գահ Սերժ Սարգ­սեան ե­րէկ պաշ­տօ­նա­կան այ­ցե­լու­թիւն մը տուաւ Պեր­լին, ուր ա­մե­նա­բարձր մա­կար­դա­կի վրայ հիւ­րըն­կա­լուե­ցաւ Գեր­մա­նիոյ ղե­կա­վա­րու­թեան կող­մէ։ Հարկ է նշել, որ ներ­կա­յիս Գեր­մա­նիա ԵԱՀԿ-ի շրջա­նա­յին նա­խա­գահ եր­կիրն է։ Ար­ցա­խի ճա­կա­տին վրայ բռնկած բա­խում­նե­րու մթնո­լոր­տին մէջ Սերժ Սարգ­սեան հան­դի­պում մը ու­նե­ցաւ Գեր­մա­նիոյ Վար­չա­պետ Ան­կե­լա Մեր­քէ­լի հետ։

Նա­զար Հան­չէր կը տե­ղե­կաց­նէ.-

Հա­յաս­տա­նի բռնցքա­մար­տի ազ­գա­յին հա­ւա­քա­կա­նը այ­սօր ժա­մա­նեց Թուր­քիա։ Տասն­հինգ մար­զիկ­նե­րէ բաղ­կա­ցեալ պա­տուի­րա­կու­թիւ­նը Ե­րե­ւան-Իս­թան­պուլ ու­ղիղ թռիչ­քով հա­սաւ քա­ղաքս եւ դար­ձեալ օ­դա­յին ճա­նա­պար­հով ու­ղե­ւո­րուե­ցաւ Սամ­սուն, ուր կը մաս­նակ­ցի մրցա­շար­քի մը։ Խում­բը կը գլխա­ւո­րէ Հա­յաս­տա­նի բռնցքա­մար­տի դաշ­նակ­ցու­թեան նա­խա­գահ Դե­րե­նիկ Գաբ­րիէ­լեան։

Սու­րիոյ ներ­քին պա­տե­րազ­մի մթնո­լոր­տին մէջ ծանր բա­խում­նե­րը կը շա­րու­նա­կուին։ Կը հա­ղոր­դուի, որ Դա­մաս­կո­սի ա­րուար­ձան­նե­րէն մէ­կուն մէջ ե­րէկ զո­հուած է հայ զի­նուոր մը։ Բե­րիոյ թե­մի «Գան­ձա­սար» պար­բե­րա­կա­նի կող­մէ կա­տա­րուած հա­ղոր­դում­նե­րուն հի­ման վրայ «Ար­մէնփ­րէս» գոր­ծա­կա­լու­թիւ­նը տե­ղե­կա­ցուց, թէ զո­հուած զի­նուո­րը հա­լէ­պա­հայ Րաֆ­ֆի Գա­զէ­զեանն է, որ Սու­րիոյ կա­ռա­վա­րա­կան բա­նա­կին մէջ կը ծա­ռա­յէր։

Արցախի ճակատին վրայ երկկողմանի համաձայնութեամբ երէկ կէսօրուան ժամերուն որոշուեցաւ կրակը դադրեցնել առաջնագծին, ներկայ յարաբերական կայունութեան մթնոլորտին մէջ Ատրպէյճանի զօրքերը ատեն­-ատեն կը շարունակեն կրակել, բայց ոչ նոյն թափով, իսկ գիշերը հանգիստ էր:
Վլատիմիր Փութին հեռախօսազրոյցներ ունեցաւ Սերժ Սարգսեանի եւ Իլհամ Ալիեւի հետ: Ֆրանք Վալթէր Շթայնմայէր ողջունեց շփման գծին ապահովուած լիցքաթափումը:

Ար­ցա­խի ճա­կա­տի վեր­ջին բա­խում­նե­րուն հե­տե­ւան­քով նա­հա­տա­կուած հայ զի­նուոր­նե­րուն յու­ղար­կա­ւո­րու­թիւն­նե­րը տե­ղի կ՚ու­նե­նան յու­զում­նա­խառն մթնո­լոր­տի մը մէջ։ Ինչ­պէս Ար­ցա­խի զա­նա­զան քա­ղաք­նե­րու, այն­պէս ալ Ե­րե­ւա­նի մէջ տե­ղի կ՚ու­նե­նան յու­ղար­կա­ւո­րու­թիւն­նե­րը եւ սգա­հան­դէս­նե­րը։