Անջատողական ահաբեկչական ՓՔՔ կազմակերպութիւնը երէկ տմարդի յարձակում մը իրականացուց Տիարպաքըրի Պաղլար գաւառակին մէջ։ Ժամը շուրջ 17.00-ին, ճանապարհին վրայ զետեղուած ռումբի մը հետեւանքով յարձակման ենթարկուեցաւ զրահապատ մինիպիւս մը, որ կը փոխադրէր ոստիկաններ։
Պելժիոյ դատական իշխանութիւնները որոշեցին Սալահ Ապտիւսսելամը արտայանձնել Ֆրանսայի։ Ինչպէս ծանօթ է, Ապտիւսսելամ 13 Նոյեմբեր 2015-ին Փարիզի մէջ պատահած ահաւոր ահաբեկչական յարձակումներու գլխաւոր հեղինակներէն մին էր։
Երեւանի մէջ այս առաւօտ տեղի ունեցաւ Հայաստան-Հնդկաստան միջկառավարական յանձնաժողովին եօթներորդ նիստը։
Ճաբոնի մայրաքաղաքը՝ Թոքիոյի մէջ իրականացած է հայկական մշակոյթի շաբաթ, որուն ընթացքին տեղի ունեցած են բազմաբնոյթ ձեռնարկներ՝ հայ եւ ճաբոնցի արուեստագէտներու մասնակցութեամբ:
«Թուրքիա հակուած է մտածել, որ ԱՄՆ իր թիկունքին է ու կը հասկնայ զինքը» ըսաւ Հանրապետութեան նախագահը Ուաշինկթընի մէջ: Էրտողանի խօսքերով, երկու երկիրներու միջեւ փոխադարձ շահերու հիման վրայ ձեւաւորուած դաշնակցային յարաբերութիւնը այլընտրանք չունի:
Մասաչուսէցի շփումներուն գծով Սարգսեան խօսեցաւ Անգարա-Երեւան յարաբերութիւններուն շուրջ:
«Մենք խիստ շահագրգռուած ենք Թուրքիոյ խաղաղ ու ժողովրդավարական զարգացմամբ», ըսաւ Հայաստանի նախագահը:
Սուրիացի փախստականներու խնդիրներուն ձօնուած բարձր մակարդակով միջազգային հանդիպում մը:
Ըստ Նալպանտեանի, նման մեծ մարդասիրական ճգնաժամերու յաղթահարման համար անհրաժեշտ է համախմբում:
Ֆրանսահայ կազմակերպութիւններու համակարգման խորհուրդի (CCAF) համանախագահներէն Մուրատ Փափազեան յայտարարեց, որ Հայաստանի կառավարութեան մէջ Հայ յեղափոխական դաշնակցութեան գտնուիլը կը նշանակէ Սփիւռքի մէկ մասին ներկայութիւնը։ Երեւանի մէջ սարքած մամլոյ ասուլիսին ընթացքին Մուրատ Փափազեան նշեց, թէ լաւ երեւոյթ մըն է՝ համահայկական բնոյթով այդ կուսակցութեան կառավարութեան մէջ ներգրաւուած ըլլալը։
Սուրիոյ մէջ այս օրերուն կը պատրաստուին Ազգային ժողովի ընտրութիւններուն, եւ օրէնսդիր մարմնին մէջ ներկայացուցիչ ունենալու գործընթացէն անմասն չէ նաեւ հայկական համայնքը: Խորհրդարանական ընտրութիւններու քարոզարշաւը մեկնարկած է մէկ օր առաջ, իսկ ընտրութիւնները պիտի կայանան Ապրիլ 13-ին:
Ֆրանսական We Demain ամսագիրը աշխարհի ամենանորարար դպրոցներու տասնեակի վարկանիշ կազմած է: Առաջին տեղը Հայաստանի «Թումօ» ստեղծարար արուեսագիտութիւններու կեդրոնն է:
