Լրահոս

Պէյրութի մէջ տեղի ունեցաւ «Լիբանանահայ խմբերգային արուեստը (1920-2020)» մենագրութեան շնորհանդէսը։ Որպէս Հայկազեան համալսարանի հրատարակութիւն լոյս տեսած է այս գիրքը, որու հեղինակն է Ռուպինա Արթինեան։

Թուրքիոյ Հանրապետութեան հռչակման դարադարձին ձօնուած յոբելենական տօնակատարութիւններուն արձագանգները կը շարունակուին։ Շաբաթավերջին այնքան փայլուն հանդիսութիւններ տեղի ունեցան, որ բովանդակ երկիրը տակաւին կը մնայ անոնց ազդեցութեան տակ։ 100-ամեակի տօնակատարութիւններու հրճըւանքէն բաժին վիճակեցաւ նաեւ թրքահայ համայնքային շրջանակներուն։

Վարչապետ Նիկոլ Փաշինեան յայտարարեց, որ Ատրպէյճանի հետ խաղաղութեան պայմանագրի ստորագրումն ու Թուրքիոյ հետ յարաբերութիւններու կարգաւորումը մաս կը կազմեն Հայաստանի կառավարութեան ծրագիրներուն։

Թուրքիա աշխուժութիւն կ՚ակնկալէ Եւրոմիութեան հետ երկխօսութեան եւ համագործակցութեան գծով:
Հաքան Ֆիտան եւրոպացի դեսպաններու հետ հանդիպման ընթացքին շեշտեց նաեւ ահաբեկչութեան դէմ պայքարը:

«Stratfor» հեղինակաւոր վերլուծական կեդրոնը վերջերս գնահատական մը հրապարակեց՝ Ատրպէյճանի Հայաստան ներխուժելու հաւանականութեան շուրջ։ «Ազատութիւն» ռատիօկայանի հաղորդումներով, առաւել հաւանական նկատուած են փոքրածաւալ ներխուժումները։

Վիլնիուսի համալսարանէն ներս հաստատուեցաւ «Կարապետ Պապայեան» հայագիտական ուսումնասիրութիւններու կրթական հիմնադրամը։ Երէկ համալսարանի վերատեսուչն ու հիմնադրամի հիմնադիրը կնքեցին համապատասխան համաձայնագիրը։

ԱՐԱՄ ԱԲՐԱՀԱՄԵԱՆ

Վարչապետ Փաշինեան երէկ յայտարարեց, որ պատրաստ է Ատրպէյճանի հետ խաղաղութեան եւ յարաբերութիւններու հաստատման պայմանագիր ստորագրել երեք սկզբունքներու հիման վրայ.
1- Տարածքային ամբողջականութեան փոխադարձ ճանաչում,
2- Տարածաշրջանային հաղորդակցութիւններու բացում,
3- Սահմանազատում 1991 թուականի Ալմա Աթայի հռչակագրի հիման վրայ։

Հանրապետութեան հիմնադրութեան 100-ամեակին առթիւ կազմակերպուած յոբելենական փայլուն տօնակատարութիւնները շաբաթավերջին ստեղծեցին աննախընթաց մթնոլորտ:
«Թուրքիոյ դարու» մեկնարկ՝ պատմական հրճուանքով:
Նախագահ Ռեճեփ Թայյիպ Էրտողան եւ պետական աւագանին այցելեցին Աթաթիւրքի յուշադամբանը: Նաւատորմի Վոսփորի զօրահանդէսը առիթ դարձաւ բացառիկ խանդավառութեան:

«Արաս» հրատարակչութիւնը, որ կը նշէ իր հիմնադրութեան 30-ամեակը, այս տարի Իսթանպուլի գիրքի տօնավաճառին մասնակցութիւն կը բերէ արդէն այս յոբելենական շրջանին։

Հանրապետութեան հիմնադրութեան 100-ամեակը բովանդակ երկրին մէջ կը նշուի համատարած խանդավառութեամբ: Ամբողջ Թուրքիան համակուած՝ դարադարձի բարձր տրամադրութեամբ եւ ազգային անխախտ միասնականութեան ու համախմբման վերանորոգ գիտակցութեամբ:
Յոբելեանը կը բնորոշուի յաղթական ընթացքով ու տօնական աննախընթաց ոգեւորութեամբ՝ մինչ մայրաքաղաք Անգարայի եւ բոլոր քաղաքներուն մէջ այս շաբաթավերջին տեղի կ՚ունենան փայլուն հանդիսութիւններ:
Նախագահ Ռեճեփ Թայյիպ Էրտողան Պեշթեփէի համալիրէն 29 Հոկտեմբերի առթիւ հրապարակած պատմական պատգամով թարգման հանդիսացաւ բոլորի հասարակաց զգացումներուն: