Լրահոս

Երեւանի «Սուրմալու» մեծածախ առեւտուրի կեդրոնէն ներս տեղի ունեցած եւ բազմաթիւ զոհեր խլած սարսափելի պայթումին զուգահեռ՝ պատկան մարմիններու ձեռնարկած հարցաքննութիւնը կը շարունակուի։

Ատրպէյճան եւ Ղազախիստան ստորագրեցին՝ ռազմավարական յարաբերութիւններու ամրապնդման մասին հռչակագիր մը։ Պաքուի մէջ նախընթաց օր տեղի ունեցաւ Ատրպէյճանի նախագահ Իլհամ Ալիեւի եւ Ղազախիստանի նախագահ Քասըմ Ճէօմերթ Թոքաեւի հանդիպումը։

Ամերիկայի Միացեալ Նահանգներու պետական քարտուղար Էնթընի Պլինքըն Կովկասի բանակցութիւններու գծով աւագ խորհրդական նշանակեց Ֆիլիփ Ռիքերը, որ ամերիկեան դիւանագիտութեան փորձառու դէմքերէն մին է։

Հայաստանի Արտաքին գործոց նախարար Արարատ Միրզոյեան երէկ հեռախօսազրոյց մը ունեցաւ Ֆրանսայի նորանշանակ Արտաքին գործոց նախարար Քաթրին Քոլոննայի հետ։ Զրոյցի սկիզբին Արարատ Միրզոյեան պաշտօնակցին ցաւակցութիւն յայտնեց Քորսիքայի մէջ վերջին օրերուն ծագած փոթորիկին հետեւանքով զոհուածներուն համար։

«Մատենա» առաջնորդութեան ու մասնագիտական զարգացման միջազգային դպրոցի եւ Երեւանի Արամ Խաչատուրեանի տուն-թանգարանին միջեւ ստորագրուեցաւ յուշագիր մը։ Այսպէսով յայտարարուեցաւ կրթամշակութային նոր ծրագրի մը սկիզբը։

Հայաստանի մէջ գեղարուեստասէրները միջոցէ մը ի վեր ուշադրութեամբ կը հետեւին մասնագիտական շրջանակներու կողմէ ձեռնարկուած աշխատանքին, որու նպատակն է «Փառք աշխատանքին» քանդակի վերանորոգումը։

Լոս Անճելըսի Պոլսահայ միութեան մէջ վերջերս ոգեկոչուեցաւ յայտնի պատմաբան փրոֆ. Վահագն Տատրեան, որ կենդանութեան շրջանին լայն աշխատանք տարած էր հայկական հարցի ծալքերուն վրայ։

Ըստ Չավուշօղլուի, կասկած չկայ Թուրքիոյ եւ Ատրպէյճանի ձգտումներու անկեղծութեան ուղղութեամբ:
«Եթէ Հայաստան կ՚ուզէ խաղաղութիւն եւ համագործակցութիւն, ապա պէտք է յարմարի իր իսկ ստորագրած համաձայնագիրներուն»:

Հայաստանի եւ Ատրպէյճանի միջեւ սահմանազատման եւ սահմանային անվտանգութեան հարցերու յանձնաժողովներուն հանդիպումը նախատեսուած է մինչեւ ամսավերջ, Մոսկուայի մէջ։ Հայաստանի փոխ-վարչապետ Մհեր Գրիգորեանի գրասենեակէն երէկ հաղորդուեցաւ, որ այս պահուն որոշուած չէ ձեւաւորուած հարցերու առանձին օրակարգը։

«Թուրքիա-Իսրայէլ յարաբերութիւններուն գծով առնուած քայլերը կը նպաստեն նաեւ Պաղեստինի հարցին»:
Հանրապետութեան նախագահ Էրտողան Պեշթեփէի համալիրէն ներս բարձր մակարդակի վրայ հիւրընկալեց Մահմուտ Ապպասը: