Երէկ, Երեւան ունեցաւ նոր քաղաքապետ մը. ի դէմս Հրաչեայ Սարգսեանի։ Քաղաքապետութեան խորհուրդը երէկ առաւօտ արտահերթ նիստ մը գումարեց՝ օրակարգի վրայ ունենալով այժմ արդէն նախկին քաղաքապետ Հայկ Մարութեանի դէմ անվստահութիւն յայտնելու նիւթը։
Հայաստանի Հանրապետութեան նախագահ Արմէն Սարգսեան եւ վարչապետ Նիկոլ Փաշինեան երէկ հանդիպում մը ունեցան Երեւանի մէջ։ Պաշտօնական աղբիւրներու հաղորդումներով, զրոյցի ընթացքին անոնք քննարկեցին երկրի առջեւ ծառացած արտաքին ու ներքին մարտահրաւէրներն ու անոնց յաղթահարման եզրերը։
Հայաստանի Արտաքին գործոց նախարար Արարատ Միրզոյեան եւ Ռուսաստանի Արտաքին գործոց նախարար Սերկէյ Լաւրով երէկ ունեցան հեռախօսազրոյց մը։ Պաշտօնական աղբիւրներու հաղորդումներով, նախարարները քննարկեցին անցեալ նոյեմբերի 26-ին Սոչիի մէջ տեղի ունեցած եռակողմանի գագաթաժողովին ժամանակ ձեռք բերուած պայմանաւորուածութիւններու կատարման վերաբերեալ հարցերու լայն շրջանակ մը։
Իրանի Արտաքին գործոց նախարար Ամիր Ապտուլլահիան երէկ շփումներ ունեցաւ Պաքուի մէջ, ուր ընդունուեցաւ Ատրպէյճանի Արտաքին գործոց նախարար Ճէյհուն Պայրամովի կողմէ։ Համատեղ մամլոյ ասուլիսի ընթացքին Ապտուլլահիան յայտնեց, որ տարածաշրջանի երկիրները կրնան լուծել իրենց խնդիրները, դուրսի միջամտութեան կարիք չկայ։
Ամենայն հայոց բանաստեղծ Յովհաննէս Թումանեանի կողակցին՝ Օլկա Թումանեանի ծննդեան 150-ամեակին առթիւ երէկ Երեւանի մէջ տեղի ունեցաւ շահեկան ձեռնարկ մը, որ համախմբեց մշակութասէրները։ Յովհաննէս Թումանեանի տուն-թանգարանի երդիքին տակ տեղի ունեցաւ Օլկա Թումանեանի յիշատակին ձօնուած ցուցահանդէս մը, որու շրջանակին մէջ ներկայացուած են բացառիկ նմոյշներ։
Ֆէրիգիւղի Վարդանանց երգչախումբը մեր համայնքի մշակութային կեանքի մղիչ ուժերէն է։ Աւելի՛ն, անոր ապահոված կենսունակութիւնը սահմանափակուած չի մնար միայն երաժշտութեամբ կամ մշակոյթով, այլ իր հետ կը բերէ բազում առաւելութիւններ։
Ռուսաստանի փոխ-վարչապետ Ալեքսէյ Օվերչուք այսօր շփումներ կ՚ունենայ Երեւանի մէջ։ Այս առաւօտ ան ընդունուեցաւ Հայաստանի վարչապետ Նիկոլ Փաշինեանի կողմէ։
Ռուսաստանի նախագահ Վլատիմիր Փութին եւ Ֆրանսայի նախագահ Էմմանիւէլ Մաքրոն երէկ ունեցան հեռախօսազրոյց մը, որու ընթացքին գոհունակութիւն յայտնեցին Հարաւային Կովկասէ ներս իրավիճակի կայունացման կապակցութեամբ։
Լիզպոնի «Գալուստ Կիւլպէնկեան» հիմնարկի Հայկական բաժանմունքը հաղորդեց, որ 125 հազար եւրօ յատկացուցած է Լիբանանի 16 հայկական վարժարաններուն համար։ Այս քայլը կը յաջորդէ ներկայ տարեսկիզբին այդ նոյն դպրոցներուն համար տրամադրուած 650 գրասալիկներուն եւ 50 համակարգիչներուն՝ նոյնպէս նուիրատուութեան ձեւաչափին մէջ։
«Արեւելք» կայքէջին վրայ կը կարդանք.-
Արմատներով լիբանանահայ տքթ. Ռաֆֆի Պետիկեանի նախաձեռնութեամբ վերջերս հիմնադրուած է կրթաթոշակ մը։ Երկար տարիներէ ի վեր Գերմանիա հաստատուած տքթ. Ռաֆֆի Պետիկեան այնտեղ գործունէութիւն կը ծաւալէ նաեւ ազգային-հասարակական կեանքէն ներս։
