Լրահոս

Ամերիկայի Միացեալ Նահանգներու պետական քարտուղարի փոխ-տեղակալը Հայաստան կ՚այցելէ:
Արարատ Միրզոյեան եւ Էրիքա Օլսոն քննարկեցին տարածաշրջանային անվտանգութեան ու կայունութեան հարցեր:

Հայաստանի Պաշտպանութեան նախարար Արշակ Կարապետեան երէկ ընդունեց Վրաստանի Պաշտպանութեան նախարար Ճուանշէր Պուրչուլածէի կողմէ գլխաւորուած պատուիրակութիւնը, որ պաշտօնական այցելութիւն մը տուաւ Երեւան։ Դիմաւորման արարողութենէն վերջ երկու նախարարները ունեցան առանձնազրոյց մը, որուն յաջորդեց ընդլայնուած կազմով պատուիրակութիւններու բանակցութիւնները։

Ռուսաստանի Արտաքին գործոց նախարար Սերկէյ Լաւրով երէկ հեռախօսազրոյց մը ունեցաւ Ատրպէյճանի Արտաքին գործոց նախարար Ճէյհուն Պայրամովի հետ։ Ռուս նախարարը օր մը առաջ ալ հեռաձայնով զրուցած էր Հայաստանի Արտաքին գործոց նախարար Արարատ Միրզոյեանի հետ։

Հայաստանի վարչապետ Նիկոլ Փաշինեանի որոշումով թաղման պաշտօնական յանձնաժողով ստեղծուեցաւ նորոգ հանգուցեալ պետական գործիչ եւ գրող Վանօ Սիրադեղեանի մահուան կապակցութեամբ։ Յանձնաժողովը կը գլխաւորէ վարչապետի աշխատակազմի ղեկավար Արայիկ Յարութիւնեան։

Տագնապներու պատճառով, աշխարհի վրայ ներքին տեղահանուած անձերու թիւը հասած է 48 միլիոնի, ինչ որ մրցանիշային ցուցանիշ է, կը հաղորդէ ներքին տեղահանուած անձերու հարցերու ՄԱԿ-ի յատուկ զեկուցող Սեսիլիա Հիմենես Տամարի:

Հայաստանի Հանրապետութեան նախագահ Արմէն Սարգսեան մասնակցեցաւ՝ ՄԱԿ-ի Կլիմայի փոփոխութեան մասին շրջանակային պայմանագրի (COP26) ստորագրադիր երկիրներու 26-րդ համաժողովին, որ տեղի ունեցաւ Կլասքովի մէջ, Անգլիա։ Միեւնոյն ժամանակ, ան մասնակցութիւն բերաւ զուգահեռաբար կազմակերպուած Համաշխարհային առաջնորդներու գագաթաժողովին։

Հայաստանի Արտաքին գործոց նախարար Արարատ Միրզոյեան երէկ հեռախօսազրոյց մը ունեցաւ Ռուսաստանի Արտաքին գործոց նախարար Սերկէյ Լաւրովի հետ։ Բացի երկկողմանի բնոյթով նիւթերէ, անոնք անդրադարձան բազմակողմանի համագործակցութեան, միջազգային եւ տարածաշրջանային օրակարգի վերաբերեալ հարցերու։

Պէյրութի «Ազդակ» օրաթերթի գլխաւոր խմբագիր Շահան Գանտահարեան պարգեւատրուեցաւ Հայաստանի Գիտութիւններու ազգային ակադեմիային կողմէ։ «Արմէնփրէս»ի հաղորդումներով, համապատասխան պատուոյ գիրը Շահան Գանտահարեանին յանձնուեցաւ կառոյցի նախագահութեան անդամ Եուրի Սուվարեանի կողմէ, որ ակադեմիայի Հայագիտութեան եւ հասարակական գիտութիւններու բաժանմունքի ակադեմիկոս-քարտուղարն է։

Ամերիկայի Միացեալ Նահանգներու պետական քարտուղարի Եւրոպայի եւ Եւրոասիոյ գործերով նորանշանակ փոխ-տեղակալ Էրիքա Օլսոն կը պատրաստուի այցելել Հարաւային Կովկաս։ Տարածաշրջանային ուղեւորութեան ծիրէն ներս ան շփումներ պիտի ունենայ Հայաստանի, Ատրպէյճանի եւ Վրաստանի մէջ։

Ուրախութեամբ իմացայ, թէ ԺԱՄԱՆԱԿ օրաթերթը արդէն թեւակոխած է իր հիմնադրութեան 114 տարին։ Այս երկար տարիներու ընթացքին՝ ԺԱՄԱՆԱԿ հանդիսացաւ հայ ժողովուրդի ձայնը՝ եթէ մէկ կողմէ պոլսահայութեան-թրքահայութեան՝ բայց նոյնքան նաեւ հայրենի եւ սփիւռքահայ իրականութիւններէն ներս։ ԺԱՄԱՆԱԿ այս երկար տարիներու ընթացքին կերտեց Աւանդ՝ ուր կրցաւ հայուն ազգային-մշակութային եւ լեզուական ժառանգի մէկ լաւ խօսնակը եւ պահապանը ըլլալ։