Իտալական ֆութպոլի երկու խումբեր՝ «Ա. Սէ. Միլան» եւ «Ինթեր Միլան», ներկայացուցին իրենց միացեալ մարզադաշտին նախագիծը, որ կ՚արժէ 1.2 միլիառ եւրօ: Այս նոր մարզադաշտը, որ պիտի ըլլայ «Սան Սիրօ» մարզադաշտին մօտ, կրնայ հիւրընկալել 60 հազար հանդիսատես:
Այս առաւօտ հաճոյքն ունեցանք խմբագրատանս մէջ հիւրընկալելու սփիւռքահայ յայտնի ազգային գործիչ ու մեր համակրելի բարեկամ Երուանդ Զօրեանը, որ այս շաբաթավերջին իր մասնագիտական աշխատանքին վերաբերեալ համաժողովի մը մէջ դասախօսելու նպատակով կը գտնուի քաղաքիս մէջ։ Երուանդ Զօրեան Հայկական բարեգործական ընդհանուր միութեան (ՀԲԸՄ) Կեդրոնական վարչութեան ժրաջան անդամներէն մին է։
Ռուսաստանի կողմէ արտադրուած «Ս-400» հակաօդային պաշտպանութեան հրթիռային համակարգերը երէկ սկսան հասնիլ Թուրքիա։ Այս հրթիռային համակարգերուն յանձնումը շատ լայն արձագանգ ստեղծեց ամբողջ աշխարհի մէջ։
Երեւանի «Ոսկէ ծիրան» 16-րդ միջազգային փառատօնը այս շաբաթավերջին կը հասնի իր աւարտին:
Հայաստանի Հանրապետութեան նախագահ Արմէն Սարգսեան ընդունելութիւնով մը պատուեց արուեստագէտները:
Պաթումի 16-րդ միջազգային համաժողովը՝ ձօնուած Եւրոմիութեան Արեւելեան գործընկերութեան 10-ամեայ յոբելեանին եւ ձեռքբերումներու ամփոփման:
Հայաստանի արտաքին գործոց նախարար Զօհրապ Մնացականեան ծանր մեղադրանքներ հասցէագրեց Թուրքիոյ՝ շրջափակման քաղաքականութեան բերումով:
Մեծի Տանն Կիլիկիոյ Տ.Տ. Արամ Ա. Կաթողիկոսը վերջերս այցելած է Հիւսիսային Կիպրոսի Թուրք Հանրապետութիւն։ Անթիլիասի աղբիւրներու հաղորդումներով, այս այցելութիւնը տեղի ունեցած է յունիսի 28-ին։ Ըստ երեւոյթին, Մեծի Տանն Կիլիկիոյ Կաթողիկոսութեան աղբիւրները բաւական ուշ կը հրապարակեն այս ուղեւորութեան մասին։
Անգարայի եւ Մոսկուայի իշխանութիւններուն միջեւ շփումները անընդհատ կը շարունակուին Սուրիոյ տագնապին կապակցութեամբ։ «Անատոլու» գործակալութեան հաղորդումներով, վերջին օրերուն մայրաքաղաքի մէջ բարձր մակարդակի վրայ հանդիպումներ ունեցաւ Սուրիոյ հարցով Ռուսաստանի նախագահ Վլատիմիր Փութինի յատուկ ներկայացուցիչ Ալեքսանտր Լաւրենտիեւ, որուն կ՚ընկերանար Ռուսաստանի արտաքին գործոց փոխ-նախարար Սերկէյ Վերշինին։
Արմէն Սարգսեան. «Պէտք է կարողանանք մեր առաւելութիւնները օգտագործել յաջողութեան հասնելու համար»:
ՀԲԸՄ ամառնային ծրագրերուն մասնակից սփիւռքահայ երիտասարդները հիւրընկալուեցան նախագահական ապարանքէն ներս:
Ամերիկայի Միացեալ Նահանգներու եւ Իրանի միջեւ առկայ լարուածութիւնը կը շարունակէ անհանգստութիւն պատճառել միջազգային ընտանիքին՝ մտահոգիչ բազում դրսեւորումներով։ Ճիպրալթարի նեղուցին մէջ վերջերս Իրանի նաւթատար նաւ մը բռնագրաւուած էր Անգլիոյ նաւատորմին կողմէ։
Երէկ, երեկոյեան ժամերուն Սուրիոյ Գամիշլի քաղաքի հայաշատ թաղամասէն ներս տեղի ունեցաւ հզօր պայթում մը։ «Գանձասար» շաբաթաթերթի հաղորդումներու հիման վրայ «tert.am» կայքէջը տեղեկացուց, որ ականներով բեռնաւորուած ինքնաշարժ մը պայթեցուած է՝ Ուղղափառ համայնքի Ս. Աստուածածին եկեղեցւոյ դիմաց։
