Արխիւ

Ամենայն Հայոց Տ.Տ. Գարեգին Բ. Կաթողիկոսը վերջերս Մայր Աթոռ Սուրբ Էջմիածնի մէջ հիւրընկալեց  «Ախլցխա» պարախումբի սաները։ Հարկ է նշել, որ այս համոյթը կը գործէ Հայաստանեայց Առաքելական Եկեղեցւոյ Վիրահայոց թեմի Ախալցիխէի հոգեւոր տեսչութեան հովանաւորութեան ներքեւ։

Ա­ԼԵՔՍ ՍՐԿ. ԳԱ­ԼԱՅ­ՃԵԱՆ

Շատերու համար ժամանակավրէպ եւ նոյնիսկ այլեւս անիրագործելի թուացող այս խորագիրը գլխաւոր բանալիներէն մին է, որուն միջոցաւ կրնաս խաղաղութիւն կոչուած գանձատան դուռը բանալ եւ անոր հարստութիւններով լիացնել ընդհանուր մարդկութիւնը։ Ներկայ դարը այնքան զարգացած է, որ մարդիկ կեանքի ամէն բնական երեւոյթ կնճռոտած են, բարդացուցած ու մոռացութեան տուած։ Անոնք իրենց փոխյարաբերութիւնը հիմնած են միայն շահի ու շահագործութեան վրայ։

ԱՐԱ ԳՕՉՈՒՆԵԱՆ

2018-2019 կրթական շրջանի վերամուտին զուգահեռ թրքահայ համայնքային կեանքէն ներս հակասական երեւոյթները իրարու կը յաջորդեն մեր վարժարաններու առկայ խնդիրներուն կապակցութեամբ։ Ամրան ամիսներէն սկսեալ համայնքէն ներս շրջանառութեան մէջ մտան «Թրքահայ վարժարաններու միութիւն» կոչուած նախաձեռնութեան վերաբերեալ լուրերը։

Նիժերիոյ մէջ վերջին օրերուն աւելի քան հարիւր հոգի զոհուած է հեղեղներու հետեւանքով։ Տեւական տեղատարափներէ յետոյ ափերէն դուրս եկած են երկրի երկու խոշորագոյն գետերը՝ Նիժերը եւ Պենուէն:

ՄԱՇ­ՏՈՑ ՔԱ­ՀԱ­ՆԱՅ ԳԱԼ­ՓԱՔ­ՃԵԱՆ

Տարինե՜ր առաջ, եթէ չեմ սխալիր, 1970-ական թուականներուն էր, դպրոցական ընկեր մը, իմ ամէն օր անցած ճամբուս վրայ, խանութ մը կ՚աշխատէր։ Ամէն անգամ որ առիթը ունենայի եւ ինքն ալ յարմար ըլլար, կը տեսնէի զինք եւ «հինէն-նորէն» կը խօսէինք, թէ՛ դպրոցական յուշերը կ՚արթնցնէինք եւ թէ՛ օրուան զանազան իրադարձութիւններու մասին կարճ, բայց շատ հաճելի խօսակցութիւններ կ՚ունենայինք։

Ամենայն Հայոց Տ.Տ. Գարեգին Բ. Կաթողիկոսը նախընթաց օր Մայր Աթոռ Սուրբ Էջմիածնի մէջ հիւրընկալեց World Vision միջազգային բարեգործական կազմակերպութեան Միջին Արեւելքի եւ Արեւելեան Եւրոպայի տարածքաշրջանային ֆորումի մասնակիցները։ Հանդիպումը տեղի ունեցաւ մայրավանքի «Գարեգին Ա.» կրթական կեդրոնի երդիքին տակ։

Նկարիչ Յարութ Յովսէփեան իր առաջին անհատական ցուցահանդէսին մէջ ներկայացուցած է բազմաոճ գործեր։ Այսպէս, երիտասարդ նկարիչ ՅովՅարի (Յարութ Յովսէփեան) «Դու...» խորագրով ցուցահանդէսին ընթացքին ներկայացուած ստեղծագործութիւնները աչքի կը զարնեն առեղծուածայնութեամբ եւ կ՚արտայայտեն նկարիչի ցանկութիւններն ու մտահոգութիւնները:

Շաբաթավերջին քաղաքիս մէջ տեղի ունեցած «Ահմէտ Ճէօմերթ» կռփամարտի միջազգային մրցաշարքը, որ այս տարի 32-րդ անգամ կազմակերպուեցաւ։ Աթագիւղի համանուն մարզահամալիրին մէջ կազմակերպուած մրցաշարքին մասնակցեցաւ 27 երկրէ 350 մարզիկ։ Քառօրեայ մրցաշարքի բացման ելոյթներով հանդէս եկան՝ Իսթանպուլի կուսակալ Վասիփ Շահին, Թուրքիոյ Կռփամարտի դաշնակցութեան նախագահ Էյիւպ Կէօզկէչ եւ Ահմէտ Ճէօմերթի որդին՝ Աթիլլա Ճէօմերթ։

Երէկ, Շիշլիի գերեզմանատան մէջ ոգեկոչուեցաւ մեր համայնքի իսկապէս սիրելի անդամուհիներէն լուսահոգի Նատիա Կիւլմէզկիլ, որու անթառամ յիշատակը բոլորը ցայսօր կը կրեն իրենց սրտին մէջ։ Նատիա Կիւլմէզկիլի անժամանակ մահը երկու տարի առաջ խոր ցաւ պատճառած էր մեր ամբողջ համայնքին եւ այդ վէրքը տակաւին չէ սպիացած։