Արխիւ

Վրաստանի քաղաքական թետարաբեմի առանցքային դէմքերէն Պիծինա Իվանիշվիլի յայտարարեց, որ երկրի տարածքային ամբողջականութեան խաղաղ ճանապարհով վերականգնման հնարաւորութիւնը կրնայ յառաջանալ որեւէ պահ։

Հայաստանի Հանրապետութեան նախագահ Վահագն Խաչատուրեան այս օրերուն աշխատանքային այցելութիւն մը կու տայ Աշխապատ, ուր երէկ դիմաւորուեցաւ Թիւրքմենիստանի փոխ-վարչապետ Մեհմետհան Չաքի եւ Պերտի Մուրատի կողմէ։

Հայաստանի Հանրապետութեան նախագահ Վահագն Խաչատուրեան, որ Համպուրկի կայունութեան համաժողովին մասնակցեցաւ, երէկ, Պերլինի մէջ ընդունուեցաւ Գերմանիոյ նախագահ Ֆրանք-Վալթեր Շթայնմայէրի կողմէ։ Պաշտօնական աղբիւրներու հաղորդումներով, երկու նախագահները զրոյցի ընթացքին անդրադարձան նաեւ Թուրքիա-Հայաստան յարաբերութիւններու բնականոնացման գործընթացին։

ԺԱՄԱՆԱԿ-ի գլխաւոր խմբագիր Արա Գօչունեան կը տեղեկացնէ Նիւ Եորքէն.-

Հայ իրականութեան մեծագոյն բարենպատակ հաստատութիւնը այս շաբաթավերջին վերստին կը պայմանաւորէ հայութեան օրակարգը՝ իր ձգողականութեամբ եւ ազդեցութեամբ: Նիւ Եորքի մէջ կը գումարուի 93-րդ ընդհանուր ժողովը, որ յարակից ձեռնարկներով հանդերձ նախատեսուած է Տ.Տ. Գարեգին Բ. Ամենայն Հայոց Վեհափառ Հայրապետի օրհնութեամբ եւ բարձր հովանաւորութեամբ: Աշխատանքային ծրագիրը կ՚ընդգրկէ նաեւ «ԱՊՐԻ Արմենիա» վերլուծական կազմակերպութեան ֆորումը:
ՀԲԸՄ-ի անցումային հանգրուանը: Համազգային վստահութեան առանցք:
Աշխարհատարած հեղինակաւոր կազմակերպութեան շրջադարձին անվերապահ երախտագիտութեամբ կը մեծարուի Պերճ եւ Վերա Սեդրակեան ամոլը՝ շուրջ յիսուն տարիներու յանձնառու ղեկավարութեան համար: Մեծարանքի ընթրիքը տեղի կ՚ունենայ Մենհեթթընի «Մենտըրին Օրիէնթըլ» պանդոկի սրահներէն ներս: Արդէն 118-ամեայ կառոյցի կեդրոնական վարչութեան գլուխը կ՚անցնի Սեմ Սիմոնեան՝ որպէս 8-րդ նախագահ, որ օղակը կը հանդիսանայ՝ Պօղոս Նուպար փաշայով սկիզբ առած եւ երջանկայիշատակ Ալեք Մանուկեանով շարունակուած առասպելական անուններու ոսկէ շղթային. փաղանգ, որու բոլոր անդամները հայոց ազգային-եկեղեցական կեանքի մղիչ ուժերը եղած են իրենց գործած ժամանակաշրջաններուն:

ԱՆՈՒՇ ԹՐՈՒԱՆՑ

Թարգմանչաց տօնը հայոց տօնացոյցի այն տօներէն է, որ յաճախ խոհերու տեղիք կու տայ: Այս տօնը կը հմայէ, կը ներշնչէ եւ ինքնավստահութեամբ կը լեցնէ մեր հոգիները:
Առհասարակ, թարգմանութեան պատմութիւնը քաղաքակրթութեան պատմութիւն է: Հինգերորդ դարու հայ թարգմանիչներուն կատարած աշխատանքը փարոսի պէս լուսաւորած է հայ մշակոյթի, պատմութեան, մեր ինքնութեան ճանապարհը:

ՄԱՇՏՈՑ ՔԱՀԱՆԱՅ ԳԱԼՓԱՔՃԵԱՆ

Սուրբ Օգոստինոս Աւրելիոս կ՚ըսէ, թէ՝ Աստուած օրէքին տախտակներուն վրայ դրոշմեց ի՛նչ որ մարդիկ չէին կրնար կարդալ իրենց սրտերուն մէջ։
«Բարոյական օրէնք»ը՝ աստուածային Իմաստութեան գործն է։ Սուրբգրային իմաստով կարելի է սահմանել զայն իբրեւ հայրական ուսուցում, Աստուծոյ դաստիարակութիւն։

ՄՈՒՀԱՄՄԱՏ ԱԼ-ՄԱՂՈՒԹ
Արաբերէնէ թարգմանեց՝
ՎԱՐԱՆԴ ՔՈՐԹՄՈՍԵԱՆ

Մարդկային, բարոյական եւ հանածոյ ամբողջ կարողութիւններով, որով առատ է արաբական երկիրը, նաեւ բոլոր այն հսկայական գումարները, որոնք կ՚անցնին պատասխանատուներուն ձեռքը, ինչպէս նաեւ աշխատաւորներու, վարպետներու, մասնագէտներու եւ խորհրդականներու, ինչպէս նաեւ ուսումնասիրութիւններ, հաշուարկներ, համալսարաններ, քոլէճներ եւ փորձագիտական դպրոցներ, տակաւին մարդիկ, ծրագրաւորումներ, գիտական յանձնախումբեր, փորձառական դասընթացքներ, ամերիկացի, ռուս, եւրոպացի, չինացի, քորէացի մասնագէտներ, եւ ճառերու եւ համաձայնութիւններու հանդէսներ, փորձերու փոխանակում, այս բոլորով հանդերձ ոչ ոք մինչեւ հիմա յաջողեցաւ ներկայացնել՝

ՀՐԱՅՐ ՏԱՂԼԵԱՆ

Ի՜նչ տարօրինակ է հայը, որ նոյնիսկ դժոխքի կրակներուն մէջ կը գերազանցէ իր տառապանքը եւ մոռնալով իր վէրքերը կը շարունակէ իր ինքնութեան փնտռտուքը: Անշուշտ, այս մէկը առաւելաբար կը վերաբերի Միջին Արեւելքի մէջ ապրող մեր հայորդիներուն, որոնք հակառակ դժուարին եւ նոյնիսկ դժոխային պայմաններու մէջ կեանքի գնով կը փորձեն պահել դպրոց, մամուլ, ակումբ ու միութիւններ:

Երէկ, հաճոյքն ունեցանք խմբագրատանս մէջ ընդունելու Թրքահայ ուսուցչաց հիմնարկին կողմէ՝ Մարի Նալճըն եւ Մարիամ Տրամէրեանը։ Հաճելի զրոյցի ընթացքին անոնք մեզի յանձնեցին հիմնարկին կողմէ վերջերս տպագրուած հայերէնի եւ թուաբանութեան նոր դասագիրքերը։