Կիրակի 8, Յունիս 2025
Արխիւ
Երեքշաբթի, Դեկտեմբեր 12, 2023
ՍԱԳՕ ԱՐԵԱՆ
Միջազգային հանրային կարծիքին ուշադրութիւնը թէեւ Կազզէի վրայ կեդրոնացած է, սակայն, Սուրիոյ մարտահրաւէրներն ալ յաղթահարուած չեն՝ որքան որ ալ ամէն օր սրտաճմլիկ դրուագներ չթողարկուին լրատուամիջոցներուն կողմէ։ Սուրիոյ առկայ իրավիճակը կ՚ուղղորդուի երկրի հայ համայնքի ծանր կացութիւնով։
Երեքշաբթի, Դեկտեմբեր 12, 2023
ՎԱՐԱՆԴ ՔՈՐԹՄՈՍԵԱՆ
Հարցում. Խելք վաստակիլն ու իմաստութիւն պահելը օգուտ կու տա՞ն մարդուն:
Պատասխան. Անշուշտ կու տան: Առակագիրը կը գրէ. «Խելք վաստակողը իր հոգին կը սիրէ, իմաստութիւն պահողը բարիք պիտի գտնէ» (Առ 19.8):
Երկուշաբթի, Դեկտեմբեր 11, 2023
Հայաստանի Անվտանգութեան խորհուրդի քարտուղար Արմէն Գրիգորեան յայտարարեց, որ Ատրպէյճանի հետ առկայ խնդիրները լուծելու ամենամեծ հնարաւորութիւնը խաղաղութեան պայմանագրի ստորագրումն է։
Երկուշաբթի, Դեկտեմբեր 11, 2023
Հայաստանի Հանրապետութեան նախագահ Վահագն Խաչատուրեան շաբաթավերջին աշխատանքային այցելութիւն մը տուաւ Պուէնոս Այրէս, ուր մասնակցեցաւ Արժանթինի նորընտիր նախագահ Խաւիէր Միլէյի երդման արարողութեան։
Երկուշաբթի, Դեկտեմբեր 11, 2023
Արտաքին գործոց նախարար Հաքան Ֆիտան յայտնեց, որ Թուրքիա կ՚աջակցի Հայաստան-Ատրպէյճան յարաբերութիւններու կարգաւորման։ «Անատոլու» գործակալութեան հաղորդումներով, Հաքան Ֆիտան Ուաշինկթընի մէջ Ամերիկայի Միացեալ Նահանգներու պետական քարտուղար Էնթընի Պլինքընի հետ ունեցած վերջին զրոյցին ընթացքին քննարկեց Երեւան-Պաքու յարաբերութիւններու կարգաւորման գործընթացն ու խաղաղութեան բանակցութիւնները։
Երկուշաբթի, Դեկտեմբեր 11, 2023
ՊԻԱՆՔԱ ՍԱՐԸԱՍԼԱՆ
Որպէս ընկերային էակ՝ մարդիկ կը ծնին խումբերով եւ կը շարունակեն իրենց կեանքը՝ որպէս որոշ խումբերու անդամներ: Հետեւաբար, ընկերային յարաբերութիւններու մէջ ընդունուած ըլլալը եւ խումբերուն մասնակցիլը հիմնական շարժառիթն ու կարիքն է, որ կը դիտարկուի բոլոր մշակոյթներու մէջ:
Երկուշաբթի, Դեկտեմբեր 11, 2023
ՍԱԳՕ ԱՐԵԱՆ
«Երեւան պէտք է աշխատի անվտանգային համագործակցութիւնը խորացնել Թեհրանի եւ Թիֆլիզի հետ, որովհետեւ առանց անոնց որեւէ ձեւով չի կրնար դուրս գալ առկայ թնճուկէն»:
«Ատրպէյճանի պահանջներու ետին կանգնած են՝ Թուրքիան, Ռուսաստանը, նաեւ Իսրայէլը։ Հայաստան պէտք է ներգրաւէ այնպիսի ուժեր, որոնք կարողութիւն ունին խաղին մէջ իրեն աջակցելու»:
«Խաղաղութեան խաչմերուկ» կամ ընդհանրապէս խաղաղութեան պայմանագիր։ Այստեղ հիմնական հարցն է, որ երեւան ներկայ ժամանակաշրջանը պէտք է օգտագործէ՝ հնարաւորինս արագ անվտանգութեան երաշխիքները բարձրացնելու համար»:
Երկուշաբթի, Դեկտեմբեր 11, 2023
ՄԱՇՏՈՑ ՔԱՀԱՆԱՅ ԳԱԼՓԱՔՃԵԱՆ
Խոնարհութիւնը քրիստոսաւանդ առաքինութիւն է։
Արդարեւ, խոնարհութիւնը բոլոր առաքինութիւններէն առաջ է, իսկ փառասիրութիւնը, մեծամտութիւնը՝ բոլոր ուխտերուն առաջինը։ Առաքինութեան՝ բոլոր բարի գործերուն գլուխը սէ՛րն է:
Երկուշաբթի, Դեկտեմբեր 11, 2023
ՀՐԱՅՐ ՏԱՂԼԵԱՆ
Անկասկած, ամուսնալուծութեան մեծագոյն պատճառներէն մին զոյգերու իրարու հանդէպ ի գործ դրած դաւաճանութիւնն է, սակայն դաւաճանութենէն շատ աւելի առաջնահերթ ու կարեւոր խնդիր մը գոյութիւն ունի, որովհետեւ դաւաճանութիւնը պատճառն է այլ հիմնական հարցերու, որոնք զոյգերը կ՚առաջնորդէ նման յոռի որոշումներու:
Երկուշաբթի, Դեկտեմբեր 11, 2023
Պէյօղլուի ընտանիքը Ամանորի ընդառաջ Էսաեան վարժարանին ի նպաստ կազմակերպուած քէրմէսով մը հիւրընկալեց համայնքային շրջանակները։ Շաբաթավերջին բացուեցաւ քէրմէսը, որ իր աւարտին կը հասնի այսօր։
Երկուշաբթի, Դեկտեմբեր 11, 2023
Կեդրոնականի ընտանիքը երէկ մեծ խանդավառութեամբ համակուած էր աւանդական բաժակի օրուան առթիւ։ Շրջանաւարտից տարեկան հաւաքը տեղի ունեցաւ դպրոցին մէջ։
Երկուշաբթի, Դեկտեմբեր 11, 2023
Եւրոպայի նորաստեղծ հայկական հաւաքականութիւնները համախմբելու եւ եկեղեցական կառոյցներու ձեւաչափերը այդ իրականութեան համապատասխանեցնելու ուղղութեամբ աշխատանքները կը շարունակուին ամբողջ թափով։ Պելժիոյ մէջ վերջին տարիներուն Կերարտսպերկեն քաղաքէն ներս արդէն հետզհետէ կ՚աշխուժանայ հայկական ծուխը։
Երկուշաբթի, Դեկտեմբեր 11, 2023
Երէկ, Նարլըգաբուի Ս. Յովհաննէս եկեղեցւոյ մէջ, Տ. Արամ Արքեպիսկոպոս Աթէշեան հանդիսապետեց տարեկան անուան տօնախմբութեան։ Օրուան Ս. Պատարագը մատոյց Տ. Գասպար Աբեղայ Կարապետեան։
Երկուշաբթի, Դեկտեմբեր 11, 2023
Գալֆաեան տան հիմնադրութեան 157-րդ տարեդարձը շաբաթավերջին մեծ ոգեւորութեամբ նշուեցաւ մեր համայնքէն ներս։ Տարեդարձին զուգահեռ՝ երէկ տեղի ունեցաւ նաեւ հաստատութեան ի նպաստ տարեկան աւանդական սիրոյ սեղանը։
Երկուշաբթի, Դեկտեմբեր 11, 2023
Թրքահայ վաքըֆներու միութիւնը (ԹՎՄ-ERVAB) այսօր կը գումարէ ներկայ տարուան վերջին ժողովը։ Նիստին կը մասնակցի նաեւ Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան։
Երկուշաբթի, Դեկտեմբեր 11, 2023
Էյուպի վերանորոգեալ Ս. Աստուածածին եկեղեցւոյ մէջ շաբաթավերջին մատուցուեցաւ անդրանիկ Ս. Պատարագ, որ համախմբեց քաղաքիս զանազան շրջաններէն հաւատացեալներ։ Բարեկարգեալ եկեղեցւոյ մէջ Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան մատոյց անդրանիկ հանդիսաւոր Ս. Պատարագը՝ առընթերակայութեամբ Տ. Գասպար Աբեղայ Կարապետեանի եւ Տ. Մելքոն Քհնյ. Փընարճեանի։
Շաբաթ, Դեկտեմբեր 9, 2023
ՄԱԿ-ի կլիմայի գագաթաժողովը աւարտին հասնելու վրայ է։ COP28-ի աշխատանքները յառաջիկայ շաբթուան սկիզբին պիտի եզրափակուին։ Մինչ այդ, Տուպայի մէջ կազմակերպուած այս կարեւոր հաւաքոյթին առթիւ օրերէ ի վեր դարձեալ ահազանգ կը հնչէ՝ երկրագունդի հրատապ օրակարգին կապակցութեամբ։
Շաբաթ, Դեկտեմբեր 9, 2023
Հանրապետութեան նախագահ Ռեճեփ Թայյիպ Էրտողան յայտարարեց, որ Ֆրանսա կը վնասէ Հայաստանին։
Դէպի Աթէնք կատարած պաշտօնական այցելութենէ վերադարձի ճանապարհին, զանգուածային լրատուութեան միջոցներու ներկայացուցիչներուն հետ զրուցելու ժամանակ, Էրտողան անդրադարձաւ նաեւ Հարաւային Կովկասի իրադրութեան։
Շաբաթ, Դեկտեմբեր 9, 2023
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ ընդունեց Եշիլգիւղի Ս. Ստեփանոս եկեղեցւոյ թաղային խորհուրդի անդամները՝ գլխաւորութեամբ ատենապետ Հապիպ Էօզֆուրունճուի։ Ներկայ էր նաեւ Տ. Նաթան Քհնյ. Արապեան։
Շաբաթ, Դեկտեմբեր 9, 2023
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ Գումգաբուի մէջ հիւրընկալեց նախկին երեսփոխան, իրաւաբան Սելինա Տողանը։
