Արխիւ

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեանի նախագահութեամբ, երէկ, Մեծ պահքի շրջանի Միջինքը նշուեցաւ Ս. Աստուածածին Աթոռանիստ Մայր եկեղեցւոյ մէջ։ Նոյն առթիւ կատարուեցաւ խաղաղական ժամերգութիւն:

Ա. Ա.

Հայաստան-Թուրքիա դիւանագիտական յարաբերութիւններու հաստատման հոլովոյթը, որ ընթացք առաւ երկու տարի առաջ, տակաւին կը դիմագրաւէ երկու կարեւոր արգելք։ Արցախի ճակատագիրը եւ հայոց ցեղասպանութեան ճանաչման եւ հայութեան արդար իրաւունքներու ձեռքբերման եւ հատուցման թղթածրարը, որ միջազգային գետնի վրայ կը հետապնդուի հայկական սփիւռքի կազմակերպութիւններու, մարմիններու, հայ դատի գրասենեակներուն եւ յանձնախումբերու կողմէ։

ՇԱՀԱՆ ԳԱՆՏԱՀԱՐԵԱՆ

Չինաստանի միջնորդութեամբ կայացած Իրան-Սէուտական Արաբիա դիւանագիտական յարաբերութիւններու հաստատման որոշումը նոր շրջափուլի մեկնարկ կը նկատուի Միջին Արեւելքի մէջ: Եմէնի պատերազմի աւարտը կամ դադրեցումը, խորքին մէջ, այս համաձայնութեան ցուցանիշն էր:

Տ.Տ. Գարեգին Բ. Ամենայն Հայոց Կաթողիկոսը երէկ Մայր Աթոռ Սուրբ Էջմիածնի մէջ ընդունեց Երեւանի մօտ Վրաստանի նորանշանակ դեսպան Կիորկի Շարվաշիծէն։ Զրոյցի ընթացքին Վեհափառ Հայրապետը նորանշանակ դեսպանին մաղթեց արդիւնաւէտ առաքելութիւն՝ ի նպաստ հայ եւ վրաց ժողովուրդներու դարաւոր բարեկամութեան առաւել զօրացման։

ՎԱՐԱՆԴ ՔՈՐԹՄՈՍԵԱՆ

Մեծ Պահքի 24-րդ օրն է:
Ժողովուրդը այս օրը կոչած է Միջինք կամ Միջնոց պահոց:
Եկեղեցական-ծիսական առումով այս օրը մասնաւոր կամ յատուկ տարբերութիւն մը չունի Մեծ պահքի միւս օրերէն: 

ԱՐԵՒԻԿ ՊԱՊԱՅԵԱՆ

Ինչպէ՞ս սկսաւ ամէն բան.
Իմ անունը հայ է, մականունը՝ «եան»:
Մականունը կամ ազգանունը՝ անձի մը տոհմական անուանումն է: Զայն կը տրուի ծնելէ կամ ամուսնանալէ ետք եւ կը փոխանցուի ժառանգաբար:

ՄԱՇՏՈՑ ՔԱՀԱՆԱՅ ԳԱԼՓԱՔՃԵԱՆ

Ամենամեծ հաճոյքներէս մին է յաճախ թղթատել երէցկնոջս Աննիկ Գալփաքճեանի ճոխ գրադարանին գիրքերը եւ թղթածրարներու մէջ գտնուող զանազան գրութիւնները։ Ասիկա առիթ մըն է թէ՛ մտապէս զարգանալու, քանի որ մարդ միշտ եւ շարունակ պահանջքը ունի մտապէս զարգանալու, սորվելու եւ ինքզինք գերազանցելու, եւ թէ «ապրել»ու մեր սուրբ միութիւնը։

ՇԱՀԱՆ ԳԱՆՏԱՀԱՐԵԱՆ

Իրան-Սէուտական Արաբիա դիւանագիտական յարաբերութիւններ վերահաստատելու որոշումը նոր գործընթացներու միտումներ կը նախանշէ: Նախ անմիջապէս պէտք է անդրադառնալ, որ համաձայնագիրը ստորագրուած է Փեքինի մէջ, ինչ որ Չինաստանի միջնորդութեան մասին կը խօսի:

Երեւան Լաչինի միջանցքի փակման կապակցութեամբ կ՚ակնկալէ Մոսկուայի կողմէ հասցէական արձագանգ:
Փաշինեան հեռախօսազրոյցի ընթացքին հերթական անգամ Փութինի նկատառման յանձնեց Արցախի մարդասիրական տագնապը: