Արխիւ

Հանրապետութեան նախագահ Ռեճեփ Թայյիպ Էրտողան յայտարարեց, որ Հարաւային Կովկասի մէջ նոր շրջան մը սկսած է։ Նախագահ Էրտողան եւ Արտաքին գործոց նախարար Մեւլիւտ Չավուշօղլու երէկ Անգարայի մէջ ելոյթներ ունենալով անդրադարձան տարածաշրջանային իրավիճակին եւ Թուրքիա-Հայաստան յարաբերութիւններու բնականոնացման գործընթացին։ Արտաքին գործոց նախարարութեան նախաձեռնութեամբ կազմակերպուած տարեկան դեսպանահաւաքի բացման փուլին թէ՛ Էրտողան եւ թէ Չավուշօղլու հանդէս եկան ծաւալուն ելոյթներով։

ՏԻԳՐԱՆ ԳԱԲՈՅԵԱՆ

Բնականաբար շատ դժուար գործ է արաբա-իսրայէլեան հակամարտութիւնը լիարժէքօրէն ներկայացնել մէկ յօդուածով կամ նոյնիսկ գիրքով։ Սա աշխարհը զբաղեցուցած եւ մեծ ներուժ խլած, միջազգային քաղաքականութեան ուշադրութեան առարկայ հակամարտութիւն մըն է: Այստեղ պարզապէս հակիրճ ու հպանցիկ պիտի փորձենք կարգ մը հետաքրքրական կէտերու անդրադառնալ այդ առընչութեամբ:

ԱՆՈՒՇ ԹՐՈՒԱՆՑ

«Փոթորիկ Կովկասի մէջ» գիրքը 2020-ի Լեռնային Ղարաբաղի պատերազմին մասին հայ, թուրք, ռուս եւ միջազգային փորձագէտներու յօդուածներու ժողովածոյ մըն է։ 2021-ին այս գիրքը հրատարակած է Մոսկուայի Ռազմավարութեան եւ թեքնոլոժիներու վերլուծութեան կեդրոնը՝ քաղաքագէտ Ռուսլան Փուխովի խմբագրումով։

Խոր ցաւով վերահասու եղանք, թէ երէկ երեկոյեան Սուրբ Փրկիչ Ազգային հիւանդանոցին մէջ իր մահկանացուն կնքած է մեր համայնքի երէց սերունդի վառ ներկայացուցիչներէն Նշան Եաղուպեան։ Ճարտարապետական ոլորտէ ներս ան կը համարուէր իսկական հեղինակութիւն մը։

ՇԱՀԱՆ  ԳԱՆՏԱՀԱՐԵԱՆ

Արցախի ռազմաքաղաքական իրադարձութիւններու ամբողջ առանցքը հանգուցուած է նոյեմբերի 9-ի հրադադարի համաձայնութեան 6-րդ կէտին շուրջ:
6-րդ կէտ. «Հայաստանի Հանրապետութիւնը Ատրպէյճանի Հանրապետութեան կը վերադարձնէ Քելպեճէրի շրջանը մինչեւ 2020 թուականի նոյեմբերի 15-ը, իսկ Լաչինի շրջանը՝ մինչեւ 2020 թուականի դեկտեմբերի 1-ը:

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան եւ  Ուղղափառ եկեղեցւոյ Տ.Տ. Պարթոլոմէոս Ա. Ծայրագոյն Պատրիարքը շաբաթավերջին եղբայրական հանդիպում մը ունեցան Գնալը կղզիին մէջ։ Հարկ է նշել, որ Պարթոլոմէոս Ա. Պատրիարք Գնալը կղզի փութացած էր նախագահելու համար յունաց Մեթամորֆոսիս (Այլակերպութիւն) վանքի տօնախմբութեան։

Պատրիարքական Աթոռը երէկ երեկոյեան հանդէս եկաւ ահազանգային յայտարարութիւնով մը։ Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեանի եւ Օրթագիւղի Ս. Աստուածածին եկեղեցւոյ թաղային խորհուրդի ատենապետ Իսքենտէր Շահինկէօզի միջեւ շաբաթավերջին տեղի ունեցած հանդիպման լոյսին տակ հրապարակուած է այս պաշտօնական յայտարարութիւնը, որ թարգման կը հանդիսանայ Պատրիարքարանի վերաբերմունքին։ Ստորեւ կը ներկայացնենք յայտարարութեան թրքերէն բնագիրը։

Սուրբ Փրկիչ Ազգային հիւանդանոցի հոգաբարձութեան ատենապետ Պետրոս Շիրինօղլու, որ կը գտնուի նաեւ ERVAB-ի գլուխը, այս առաւօտ հեռախօսազրոյցի ընթացքին մեզի յայտնեց, որ Օրթագիւղի թաղային խորհուրդին ըրածը մեր համայնքին դէմ ոտնախաղ մըն է։

Օրթագիւղի Ս. Աստուածածին եկեղեցւոյ թաղ. խորհուրդը ինքնագլուխ դիմում մը կատարած է ընտրութեան ձեռնարկելու համար՝ միայն 800 հոգի նախատեսելով որպէս քուէարկու։
Համայնքային շրջանակները այս զարտուղի քայլը կը նկատեն ակնյայտ ոտնձգութիւն մը մեր ժողովուրդին դէմ եւ տխուր խափանարարութիւն՝ ուղղեալ թրքահայ ազգային-եկեղեցական կեանքի ներդաշնակութեան, ինչ որ դուռ կը բանայ անհանգստացուցիչ կասկածներու։ Ամենապատիւ Սրբազան Պատրիարք Հայրը շաբաթավերջին ատենապետ Իսքենտէր Շահինկէօզի նկատառման յանձնեց արդար վերապահութիւնները եւ յորդորեց վերատեսութեան ենթարկել որդեգրուած ընթացքը։ ERVAB վճռական յայտարարութիւնով մը հանդէս եկաւ՝ զգուշացնելով, որ կրնայ իրաւապահ մարմիններուն դիմել այս անարդարութեան կապակցութեամբ։