Արխիւ

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան շաբաթավերջին հերթական անգամ մէկտեղուեցաւ մեր նոր սերունդի ներկայացուցիչներուն հետ։ Այսպէս, Ամեն. Ս. Պատրիարք Հայրը մասնակցեցաւ Շիշլի մարզակումբի վարչութեան նախաձեռնութեամբ կազմակերպուած պասքեթպոլի ձմրան դասընթացին։

ԳՐԻԳՈՐ Ա. ՔՀՆՅ. ՏԱՄԱՏԵԱՆ

Գնալը կղզիի Ս. Գրիգոր Լուսաւորիչ եկեղեցւոյ Ներսէսեան դպրաց դասու տարեդարձի սիրոյ սեղանն էր։ Կը նախագահէր երանաշնորհ Մեսրոպ Պատրիարք Հայրը իր կողքին ունենալով երիտասարդ աբեղայ մը՝ յանձին եկեղեցւոյ հոգեւոր հովիւ Թաթուլ Աբեղային։

ՍԱԳՕ ԱՐԵԱՆ

Նորութիւն մը ըսած պիտի չըլլամ, եթէ շեշտեմ այն միտքը, որ այսօրուան նիւթին ընդհանուր վերնագիրն է։ Այսինքն Ամերիկայի Միացեալ Նահանգներու համար այսօրուան գերխնդիրը Իրանի միջուկային ծրագրի իրականացման «վախ»ը չէ, ոչ ալ ուրանիումի չափաքանակի ամէնօրեայ աճը, որ ըստ արեւմուտքին, բայց մասնաւորապէս՝ ԱՄՆ-ին, Իրանը պիտի մօտեցնէ կորիզային զէնք ունենալու։

ՇԱՀԱՆ ԳԱՆՏԱՀԱՐԵԱՆ

Գորիս-Կապան ճանապարհահատուածին վրայ ատրպէյճանական անցակէտեր եւ մաքսակէտեր հաստատելու որոշումի հաղորդումը պաշտօնապէս կը նախանշէ արդէն նոր գործընթացի մը արագացման միտումները: Ըստ էութեան, սահմանազատումը գործնապէս կատարման ընթացքի մէջ է:

Ամերիկայի Միացեալ Նահանգներէ ներս գործող Հայագիտական ուսմանց ընկերակցութիւնը պարգեւատրած է փրոֆ. Սեդա Տատոյեանը։ Այս ընկերակցութիւնը, որու նախագահն է փրոֆ. Պետրոս Տէր-Մաթոսեան, հայկական սփիւռքի առաջնային ու համատարած գիտական ցանցերէն մին է։

Հայաստանի Արտաքին գործոց նախարար Արարատ Միրզոյեան այսօր երկօրեայ աշխատանքային այցելութիւն մը կու տայ Պրիւքսել։ Պաշտօնական աղբիւրներու հաղորդումներով, ան կը մասնակցի Եւրոմիութեան Արեւելեան գործընկերութեան անդամ երկիրներու արտաքին գործոց նախարարներու հանդիպման։

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան շաբաթավերջին շատ յատկանշական այցելութիւն մը կատարեց՝ արժեւորելով ոչ-իսլամ փոքրամասնութիւններու Հանրապետական շրջանի ամենակարեւոր ձեռքբերումներէն մին։ Այսպէս, Ամեն. Ս. Պատրիարք Հայրը այցելեց Ասորւոց նորակառոյց եկեղեցւոյ շինարարութիւնը, որ բաւական յառաջացած է։

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան նախընթաց օր ընդունեց «Մարալ» երգի-պարի համոյթի ներկայացուցիչները՝ գլխաւորութեամբ գեղարուեստական ղեկավար Կարպիս Չափքանի եւ վարչութեան ատենապետուհի Վարդուհի Մսըրլեանի։

Մեներգչուհի Սիպիլ այս շրջանին դարձեալ զանգուածային լրատուութեան միջոցներու ուշադրութեան կեդրոնին է։ Կը տեղեկանանք, որ վաղը երեկոյեան ժամերուն ալ հանդէս պիտի գայ «Artı» առցանց հեռուստակայանէն։ Ժամը՝ 20.00-ին պիտի սփռուի իր հետ կատարուած հարցազրոյց մը, զոր վարած է Լեւենտ Իւզիւմճիւ։