Երկուշաբթի 14, Յուլիս 2025
Արխիւ
Երկուշաբթի, Ապրիլ 20, 2020
Հայաստանի վարչապետ Նիկոլ Փաշինեան շաբաթավերջին Երեւանի մէջ հանդիպում մը ունեցաւ Արցախի նորընտիր նախագահ Արայիկ Յարութիւնեանի հետ։ Պաշտօնական աղբիւրներու հաղորդումներով, Նիկոլ Փաշինեան անգամ մը եւս Արայիկ Յարութիւնեանը շնորհաւորեց նախագահական ընտրութիւններու մէջ արձանագրած յաջողութեան համար եւ մաղթեց ձեռքբերումներ՝ պատասխանատու պաշտօնին մէջ։
Երկուշաբթի, Ապրիլ 20, 2020
Երեւան պատասխանեց Լեռնային Ղարաբաղի ընտրութիւններու մասին Պաքուի ժխտական արձագանգին:
«Ատրպէյճան կը փորձէ Արցախի մէջ մարդու իրաւանց դէմ իր արշաւին մասնակից դարձնել միջազգային հանրութիւնը»:
Երկուշաբթի, Ապրիլ 20, 2020
«Թուրքիոյ մէջ համաշխարհային մակարդակով առողջապահական ծառայութիւններ կը մատուցուին»:
Էրտողան եւ Թրամփ հեռաձայնով խորհրդակցեցան քորոնաժահրի համաճարակի ընդհանուր ընթացքին կապակցութեամբ:
Երկուշաբթի, Ապրիլ 20, 2020
Մայր Աթոռ Սուրբ Էջմիածինը անխափան ջանքեր կը գործադրէ քորոնաժահրի համաճարակի մթնոլորտին մէջ իր նպաստը բերելու համար Հայաստանի ժողովուրդի կարիքներու դիմագրաւման համար։
Երկուշաբթի, Ապրիլ 20, 2020
Մայր Աթոռ Սուրբ Էջմիածնի եւ Հայաստանի իշխանութիւններուն միջեւ ծագած բանավէճի արձագանգները կը շարունակուին։ Քորոնաժահրի համաճարակով պայմանաւորուած մթնոլորտին մէջ համայն մարդկութիւնը, ներառեալ հայաշխարհը կը դիմագրաւեն լուրջ մարտահրաւէր մը եւ այս իրավիճակին մէջ ցաւ կը յառաջացնէ ստեղծուած կացութիւնը։ Թէեւ ներկայիս օրակարգը ունի բոլորովին տարբեր առաջնահերթութիւններ, սակայն հայ իրականութեան մէջ ուշադրութենէ չի սպրդիր Ամենայն Հայոց Վեհափառ Հայրապետին դէմ սանձազերծուած տխուր արշաւը։
Երկուշաբթի, Ապրիլ 20, 2020
ՅԱՐՈՒԹԻՒՆ ԱԲԵՂԱՅ ՏԱՄԱՏԵԱՆ
Աթոռանիստ բառական իմաստով կը նշանակէ՝ Եկեղեցի, ուր հաստատուած է իշխանութեան մը աթոռը։ Պոլսական հասկացողութեամբ՝ աթոռանիստ կը նշանակէ, Գումգաբուի Ս. Աստուածածին եկեղեցին, ուր հաստատուած է՝ Պոլսոյ Պատրիարքական Աթոռոյ իշխանութիւնը։
Երկուշաբթի, Ապրիլ 20, 2020
Ս. ՄԱՀՍԷՐԷՃԵԱՆ
Պսակաձեւ ժահրին դէմ պայքարող ամերիկեան խմբակին պետը՝ Տաքթըր Ֆաուչի, հաստատեց իրականութիւն մը, որ ամերիկացիք ու աշխարհը շաբաթներէ ի վեր գիտէին. «Եթէ վարակին դէմ աւելի կանուխ շարժէինք, այսքան զոհ չէինք տար…»:
Երկուշաբթի, Ապրիլ 20, 2020
ՇԱՔԷ ՄԱՐԳԱՐԵԱՆ
Իրապէս հպարտանալու իրաւունք ունինք հայերս... Չնայած յաճախ ինքնաքննադատօրէն կ՚ըսենք, թէ շատ կը պարծենանք, կամ իւրաքանչիւր տաղանդաւոր անձի ետին հայու արիւն կամ հայութեան հետ կապ մը կը փնտռենք, սակայն իրողութիւնն այն է, որ՝ այո՛, հազարաւոր տաղանդաւոր անհատներ զտարիւն կամ կիսով չափ հայ եղած են (եւ տակաւին որքան անյայտ մնացած են):
Երկուշաբթի, Ապրիլ 20, 2020
ՊԻԱՆՔԱ ՍԱՐԸԱՍԼԱՆ
Քորոնաժահրի համաճարակը կը շարունակէ զբաղեցնել ամբողջ աշխարհի օրակարգը։ Զանգուածային լրատուութեան միջոցները ողողուած են քորոնաժահրի մասին լուրերով՝ առողջապահական, տնտեսական վերլուծութիւններով։
Երկուշաբթի, Ապրիլ 20, 2020
ՄԱՇՏՈՑ ՔԱՀԱՆԱՅ ԳԱԼՓԱՔՃԵԱՆ
«Բժիշկը՝ աշխարհի վրայ Աստուծոյ ձե՛ռքն է», կ՚ըսէ առածը։ Ինչպէս բոլոր առածները, այս խօսքն ալ ճշմարտութիւնը կը ցոլացնէ, որ կ՚արտայայտուի ժողովրդական-հասարակաց իմաստութեան միջոցով։
Շաբաթ, Ապրիլ 18, 2020
Երէկ, Հայաստանի Ազգային ժողովէն ներս տեղի ունեցաւ քուէարկութիւն՝ երկրի Կեդրոնական դրամատան նոր նախագահի ընտրութեան համար։ «Արմէնփրէս»ի հաղորդումներով, քուէարկութեան մասնակից երեսփոխաններու քուէներու ջախջախիչ մեծամասնութեամբ Հայաստանի Կեդրոնական դրամատան նախագահ ընտրուեցաւ Մարթին Գալստեան։
Շաբաթ, Ապրիլ 18, 2020
Ազգային պաշտպանութեան նախարար Հուլուսի Աքար երէկ տեղեկացուց, որ Թուրքիոյ մէջ արտադրուած է հարիւր տոկոսով տեղական արհեստական շնչառութեան սարք։ «Անատոլու» գործակալութեան հաղորդումներով, արտադրութիւնը կատարուած է Մեքենաքիմիական արդիւնաբերութեան հաստատութեան (MKEK) կողմէ։
Շաբաթ, Ապրիլ 18, 2020
Moody՚s անդրադարձաւ Հայաստանի կառավարութեան կողմէ առնուած քայլերուն՝ համաճարակի պայմաններով:
Երկրի տնտեսութիւնն ու դրամատուները կը դիմագրաւեն բացասական ազդեցութիւններ, մինչ իշխանութիւնները կը ջանան ապահովել իրենց մշակած ծրագրերու արդիւնաւէտ գործադրութիւնը: Վարկատուներուն կ՚առաջարկուին նոր ժամկէտներ:
Շաբաթ, Ապրիլ 18, 2020
Քորոնաժահրի համաճարակի դէմ պայքարի ծիրին մէջ այս շաբաթավերջին փողոց դուրս գալու արգելք հաստատուած է Թուրքիոյ բոլոր մեծ քաղաքներուն մէջ՝ ներառեալ Իսթանպուլը։ Այս իրավիճակին մէջ ԺԱՄԱՆԱԿ օրաթերթը անխափան կը շարունակէ իր գործունէութիւնը։
Շաբաթ, Ապրիլ 18, 2020
ԳՐԻԳՈՐ Ա. ՔՀՆՅ. ՏԱՄԱՏԵԱՆ
Քրիստոս յարեաւ ի մեռելոց,
Զատկական Ճրագալոյցի Սուրբ Պատարագի ժամերէն սկսեալ զիրար կ՚ողջունենք Սուրբ Յարութեան աւետիսով։ Ծանօթ է բոլորիս, թէ այս տարի Քրիստոսի Սուրբ Յարութեան տաղաւարը ստիպուեցանք տօնել մեր ընտանեկան յարկերէն ներս, ֆիզիքապէս հեռու՝ մեր տաճարներէն, մնալով անհաղորդ՝ Փրկչի Սուրբ Մարմնոյն եւ Արեան հետ։ Սակայն գոհութիւն Աստուծոյ գիտութեան ընձեռած միջոցներով գոնէ կրցինք բարոյապէս փոխադրուիլ Տիրոջ Ս. Սեղանին առջեւ, հետեւելով մատուցուած Սուրբ Պատարագին։
Շաբաթ, Ապրիլ 18, 2020
ԱՐՇԱԿ ՊԱՒՈՒԿԵԱՆ
Թերեւս ոմանք հարց տան, թէ Մարքսի այս տողերը ի՞նչ առընչութիւն ունին քորոնաժահրին հետ: Յստակացնեմ միտքս եւ խօսիմ օրինակներով:
Պատմութեան վաղ օրերէն ի վեր աշխարհն ու մարդկութիւնը ապրած են շարք մը փուլեր, որոնք կը նկատուին սարսափելի, հետեւաբար՝ ահ ու դողի մատնած են աշխարհը:
Շաբաթ, Ապրիլ 18, 2020
Համաշխարհայնացումը (globalization) մեր դարու նոր երեւոյթն է, որ իրար մօտեցուցած է ցամաքամասներն ու ժողովուրդները: Համաշխարհայնացումը բարիք մը նկատուած է մարդկութեան, իրարմէ կախեալ դարձնելով ժողովուրդները:
Շաբաթ, Ապրիլ 18, 2020
ՍԱԳՕ ԱՐԵԱՆ
Շատ հաւանաբար, քորոնան լոկ սկիզբ մըն է. սկիզբ մը՝ ո՛չ միայն փորձութիւններու տեսակէտէն, այլեւ՝ ամբողջ մարդութեան առջեւ դրուած հիմնահարցերը լաւապէս քննելու, նաեւ այդ խնդիրներու լուծումը ժամ առաջ ապահովելու մասին մտածելու առումով։
Շաբաթ, Ապրիլ 18, 2020
ՎԱՐԱՆԴ ՔՈՐԹՄՈՍԵԱՆ
Տէր Յիսուս Քրիստոսի յարութեան մասին դարերու ընթացքին շա՜տ շատեր խօսած ու գրած են: Ներքեւ ներկայացուածը այդ գրութիւններէն հատուած մըն է, որ կը պատկանի 9-րդ դարուն ապրած ու գործած Թէոփիլոս անունով եկեղեցականի մը:
Շաբաթ, Ապրիլ 18, 2020
ՄԱՇՏՈՑ ՔԱՀԱՆԱՅ ԳԱԼՓԱՔՃԵԱՆ
Ինչպէս որ Տէր Յիսուս Քրիստոս, բժի՛շկ մեր հոգիներուն եւ մեր մարմիններուն, անդամալոյծին մեղքերը ներեց եւ մարմինի առողջութիւնը վերադարձուց, Ան ուզեց նաեւ որ Իր Եկեղեցին Սուրբ Հոգիին զօրութեամբ՝ բուժումի եւ փրկութեան Իր գործը՝ առաքելութիւնը շարունակէ իր անդամներուն մօտ։ Այս նպատակը կը հետապնդեն բուժումի երկու սուրբ խորհուրդները՝ Ապաշխարութեան խորհուրդը եւ հիւանդներու Օծումը։
