Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան շաբաթավերջին Ալթըմէրմէրի Ս. Յակոբ եկեղեցւոյ մէջ նախագահեց տարեկան անուան տօնախմբութեան։ Ս. Պատարագը մատոյց Տ. Ներսէս Քհնյ. Այվազեան։ Ամեն. Ս. Պատրիարք Հայրը տուաւ օրուան պատգամը։
Մինչ շաբաթավերջին Ս. Յակոբ Մծբնայ Հայրապետի յիշատակի տօնը կատարուեցաւ, երէկ, Պէյօղլուի Ս. Երրորդութիւն եկեղեցւոյ մէջ տեղի ունեցաւ իր մասունքներու աջով բարեխօսութեան աղօթք՝ մասնակցութեամբ Լուսաւորիչ դպրաց դաս-երգչախումբի մանկապատենական կազմի անդամներուն։
Թաքսիմի Ս. Յովհան Ոսկեբերան հայ կաթողիկէ եկեղեցւոյ մէջ երէկ կատարուեցաւ Ս. Յակոբ Մծբնայ Հայրապետի յիշատակութեան տօնակատարութիւնը։ Կաթողիկէ հայոց արքեպիսկոպոսարանի պատրիարքական կառավարիչ Հ. Վարդան Ծայրագոյն Վարդապետ Գազանճեան նախագահեց արարողութիւններուն, որոնց մասնակցեցաւ նաեւ Տ. Յարութիւն Վրդ. Տամատեան։
Երէկ, Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան նախագահեց Պիւյիւքտէրէի Ս. Հռիփսիմեանց եկեղեցւոյ օծման ու պաշտամունքի վերաբացման արարողութեան, որով ստեղծուեցաւ հոգեւոր հրճուանքի մթնոլորտ։
Իսրայէլի ներքին գործոց նախարարութեան եւ կրօնից նախարարութեան նախաձեռնութեամբ, երէկ, Երուսաղէմի «Ռամատա» պանդոկին մէջ տեղի ունեցաւ կարեւոր հաւաքոյթ մը։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ Գումգաբուի մէջ հիւրընկալեց Երուսաղէմի Սրբոց Յակոբեանց միաբանութեան անդամներէն Տ. Արտակ Աբեղայ Տիւշէնեանը, որ պոլսահայ մըն է։
Տ.Տ. Գարեգին Բ. Ամենայն Հայոց Կաթողիկոսի նախագահութեամբ, երէկ, Մայր Աթոռ Սուրբ Էջմիածնի մէջ տեղի ունեցաւ մեծարանքի արարողութիւն մը։ Այսպէս, Հայրապետական սրբատառ կոնդակով վարդապետական լանջախաչ շնորհուեցաւ չորս քահանայ հայրերու, որոնք երկար տարիներէ ի վեր հետեւողական ու նուիրեալ աշխատանք կը տանին Ամենայն Հայոց Կաթողիկոսութեան համակարգէն ներս։
Տ.Տ. Գարեգին Բ. Ամենայն Հայոց Կաթողիկոսը երէկ Մայր Աթոռ Սուրբ Էջմիածնի մէջ ընդունեց Միջազգային քրէական ատեանի նախկին դատախազ Լուիս Մորենօ Օքամփոն, որ վերջին շրջանին ներգրաւուած է՝ Արցախի գերեվարուած ու Պաքուի մէջ ի պահ դրուած ղեկավարներու ազատ արձակման ուղղեալ պայքարին։
Հայաստանեայց Առաքելական Սուրբ Եկեղեցւոյ Շիրակի թեմէն ներս շաբաթավերջին տեղի ունեցաւ շատ յատկանշական իրադարձութիւն մը, որ հոգեւոր հրճուանքի առիթ հանդիսացաւ։ Տ.Տ. Գարեգին Բ. Ամենայն Հայոց Կաթողիկոսի հանդիսապետութեամբ վերաօծուեցաւ ու պաշտամունքի վերաբացուեցաւ Կիւմրիի Սուրբ Ամենափրկիչ եկեղեցին, որ քաղաքի ամենայատկանշական կառոյցներէն մին է։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ ընդունեց Ալթըմէրմէրի Գլխադիր Ս. Յակոբ եկեղեցւոյ տիկնանց խնամակալութեան ատենապետուհի Սիլվա Ալաչամն ու գործակիցները։ Ներկայ էր նաեւ Տ. Գասպար Աբեղայ Կարապետեան։
