Վաղը՝ հոգելոյս Տ. Սեպուհ Արք. Չուլճեան պիտի ոգեկոչուի իր ծննդեան տարեդարձին առթիւ։ Հաւատացեալ ժողովուրդը կը շարունակէ սրտին մէջ կրել սէրը հոգելոյս սրբազանին նկատմամբ, որ անժամանակ բաժնուեցաւ կեանքէն։
Ամենայն Հայոց Տ.Տ. Գարեգին Բ. Կաթողիկոսը եւ Հայաստանի Հանրապետութեան նախագահ Արմէն Սարգսեան շաբաթավերջին հանդիպում մը ունեցան Մայր Աթոռ Սուրբ Էջմիածնի մէջ։
Մեծի Տանն Կիլիկիոյ Կաթողիկոսութեան Ազգային կեդրոնական վարչութեան Կրօնական ժողովը վերջերս առցանց նիստ մը գումարեց՝ Տ.Տ. Արամ Ա. Կաթողիկոսի նախագահութեամբ։ Հեռավար ժողովներուն ատենապետեցին Տ. Օշական Արք. Չոլոյեան եւ Տ. Նարեկ Արք. Ալեմէզեան։
Ամենայն Հայոց Տ.Տ. Գարեգին Բ. Կաթողիկոսի հայրապետական տնօրինութեամբ Մայր Աթոռ Սուրբ Էջմիածնի կարգ մը միաբաններ կոչուեցան նոր պաշտօններու։
Վեհափառ Հայրապետի նշանակումով՝ Տ. Մխիթար Աբեղայ Գրիգորեան արժամապէս ծառայութեան կոչուեցաւ Արցախի թեմէն ներս՝ որպէս Դադիվանքի վանահայր։
Հայց. Առաքելական եւ Հռոմէական Կաթոլիկ քոյր եկեղեցիներու պատմական յարաբերութիւնները նոր բովանդակութիւն կը ստանան՝ գործակցութեան արդի օրակարգով:
Արեւմտեան Եւրոպայի հայրապետական պատուիրակ Տ. Խաժակ Արք. Պարսամեան Վատիկանի մէջ հիւրընկալուեցաւ Սուրբ Աթոռի պետական քարտուղար կարտինալ Փիէթրօ Փարոլինի կողմէ:
Երէկ, Մեծ պահոց Միջինքին առթիւ, Մեծի Տանն Կիլիկիոյ Կաթողիկոսութեան Ս. Գրիգոր Լուսաւորիչ Մայր տաճարին մէջ, Անթիլիաս, տեղի ունեցաւ ժամերգութեան մասնաւոր արարողութիւն։ Հոգեպարար այս արարողութեան նախագահեց Տ.Տ. Արամ Ա. Մեծի Տանն Կիլիկիոյ Կաթողիկոսը, իր շուրջ ունենալով եպիսկոպոսներ եւ միաբանութեան անդամներ։
ԽԱԺԱԿ ԱՐՔ. ՊԱՐՍԱՄԵԱՆ*
Ֆրանսիսքոս Ա. Կաթոլիկ Եկեղեցւոյ Քահանայապետի հրամանով՝ 2 փետրուար 2021 թուականին Սուրբ Գրիգոր Նարեկացին ընդգրկուեցաւ Լատինական Եկեղեցւոյ ծիսական օրացոյցին մէջ։ Յետ այսու ամէն տարի 27 փետրուարին Կաթոլիկ Եկեղեցին պիտի յիշատակէ Հայ Եկեղեցւոյ այս մեծանուն վարդապետը։
Ամենայն Հայոց Տ.Տ. Գարեգին Բ. Կաթողիկոսը Մայր Աթոռ Սուրբ Էջմիածնի մէջ հիւրընկալեց Երեւանի «Նագգաշեան մանուկներու տուն» երեխաներու աջակցութեան կեդրոնի մանկավարժներն ու շրջանաւարտները։ Հարկ է նշել, որ այս կեդրոնը կը գործէ Մայր Աթոռ Սուրբ Էջմիածնի հովանաւորութեան ներքեւ։
ԳՐԻԳՈՐ Ա. ՔՀՆՅ. ՏԱՄԱՏԵԱՆ
Ինչպէս ամէն տարի, այս տարի եւս կը յիշենք Տիրոջ Այգիին երեք երախտաշատ սպասաւորները, յանձինս Շնորհք, Գարեգին Բ. եւ Մեսրոպ Բ. երանաշնորհ պատրիարքներու։ Երեք հոգեւոր սպասաւորներ ու առաջնորդող դէմքեր, որոնք իրենց ծառայութեան արդիւնքը որպէս կնիք դրոշմած են մեր համայնքի տարեգրութեանց պատկան էջերուն վրայ։
«Հայ Եկեղեցւոյ պատմութիւն» առարկայի յաջողագոյնները հիւրընկալուեցան Մայր Աթոռ Ս. Էջմիածնի մէջ:
Ողիմպիականներու յաղթականները ջերմ ընդունելութեան արժանացան Ամենայն Հայոց Վեհափառ Հայրապետին կողմէ:
