Ամենայն Հայոց Տ.Տ. Գարեգին Բ. Կաթողիկոսի տնօրինութեամբ, երէկ, Տ. Մուշեղ Եպսկ. Պապայեան նշանակուեցաւ Մայր Աթոռ Սուրբ Էջմիածնի Վանական խորհուրդի ատենապետ եւ Մայր Տաճարի լուսարարապետ։ Նորին Սրբազնութիւնը մինչ այդ Մայր Աթոռ Սուրբ Էջմիածնի Վարչատնտեսական բաժնի տնօրէնն էր եւ ներկայ նշանակումով արդէն կ՚ազատուի այդ պարտականութիւններէն։
Մեծի Տանն Կիլիկիոյ Տ.Տ. Արամ Ա. Կաթողիկոսի տնօրինութեամբ՝ Անթիլիասի Դպրեվանքի տեսուչ նշանակուեցաւ Տ. Պարոյր Վրդ. Շէրնէզեան։
Նորանշանակ տեսուչը ձեռնադրուած եւ օծում ստացած է 2012 թուականին։
Լեռնային Ղարաբաղի նախագահ Արայիկ Յարութիւնեան հրաժեշտի պատգամ մը հրապարակեց՝ Տ. Պարգեւ Արք. Մարտիրոսեանի Արցախի թեմի առաջնորդի պաշտօնէն ազատման կապակցութեամբ։ Ան գրեց, որ Արցախի մէջ խոր ափսոսանքով ընկալուած է այս լուրը։
Ամենայն Հայոց Տ.Տ. Գարեգին Բ. Կաթողիկոսը երէկ Մայր Աթոռ Սուրբ Էջմիածնի մէջ հիւրընկալեց Երեւանի մօտ Սպիտակ Ռուսիոյ նորանշանակ դեսպան Ալեքսանտր Քոմիուքը։ Վեհափառ Հայրապետը նորանշանակ դեսպանին յղեց բարեմաղթութիւններ եւ ընդգծեց, որ Մայր Աթոռ Սուրբ Էջմիածնի եւ Սպիտակ Ռուսիոյ ղեկավարութեան, ինչպէս նաեւ դեսպանատան միջեւ ձեւաւորուած են ջերմ յարաբերութիւններ եւ արդիւնաւէտ համագործակցութիւն։
Ամենայն Հայոց Տ.Տ. Գարեգին Բ. Կաթողիկոսի հայրապետական տնօրինութիւններով երէկ կատարուեցան կարեւոր նշանակումներ։ Այսպէս, Վեհափառ Հայրապետի կարգադրութեամբ Տ. Պարգեւ Արք. Մարտիրոսեան ազատուեցաւ Արցախի թեմի առաջնորդի պաշտօնէն։
Ամենայն Հայոց Տ.Տ. Գարեգին Բ. Կաթողիկոսը երէկ Մայր Աթոռ Սուրբ Էջմիածնի մէջ հիւրընկալեց Երեւանի մօտ Ղազախիստանի դեսպան Թեմուր Ուրազաեւը, որ ներկայիս կ՚աւարտէ իր դիւանագիտական առաքելութիւնը։
Խոր ցաւով վերահասու եղանք, որ շաբաթավերջին վախճանած է Մեծի Տանն Կիլիկիոյ Կաթողիկոսութեան միաբանութեան երէց անդամներէն Տ. Մեղրիկ Եպսկ. Բարիքեան։ Անթիլիասի դիւանը շաբաթավերջին տեղեկացուց, որ Մեծի Տանն Կիլիկիոյ Տ.Տ. Արամ Ա. Կաթողիկոսը եւ ամբողջ միաբանութիւնը սրտի դառն կսկիծով կը գուժեն կորուստը երէց միաբանին։
Ամենայն Հայոց Տ.Տ. Գարեգին Բ. Կաթողիկոսի տնօրինութեամբ հաստատուած, Մայր Աթոռ Սուրբ Էջմիածնի կողմէ ձեռնարկուած «Աջակցինք Արցախին» ծրագրի շրջանակներէն ներս աշխատանքները կը շարունակուին։ Այս նախագծի համակարգող յանձնախումբը, որ կը գործէ ատենապետութեամբ Արեւմտեան Եւրոպայի Հայրապետական պատուիրակ Տ. Խաժակ Արք. Պարսամեանի, այս շրջանին արդէն ձեռնամուխ եղած է շարք մը մարդասիրական ձեռնարկներու իրականացման։
Ամենայն Հայոց Տ.Տ. Գարեգին Բ. Կաթողիկոսի օրհնութեամբ եւ Հայրապետական սրբատառ կոնդակով յունուարի 11-ին Հայաստանէ ներս, Արարատի մարզին մէջ հիմնուեցաւ Մասիացոտնի թեմը։
Ամենայն Հայոց Տ.Տ. Գարեգին Բ. Կաթողիկոսի տնօրինութեամբ, երէկ, Հայաստանի բոլոր եկեղեցիներուն մէջ, յետպատերազմեան իրավիճակի պայմաններուն ներքեւ, յաւարտ կիրակնօրեայ Ս. Պատարագի մասնաւոր աղօթք կատարուեցաւ՝ Արցախի ռազմական գործողութիւններու հետեւանքով գերեվարուածներու եւ անյայտ կորսուածներու համար։ Բոլորը աղօթք բարձրացուցին առ Աստուած գերիներու տունդարձին մաղթանքով։ Վեհափառ Հայրապետի բարձր նախագահութեամբ, Մայր Աթոռ Սուրբ Էջմիածնի միաբանութիւնը կիրակնօրեայ Ս. Պատարագի մասնակցեցաւ Ս. Գայիանէի վանքէն ներս։
