Մայր Աթոռ Սուրբ Էջմիածնի աղբիւրները վաղուան Ս. Պատարագի ընդառաջ ժողովուրդը աղօթքի հրաւիրեցին՝ Արցախի գոյամարտի հետեւանքով գերեվարուածներու, կորսուածներու եւ անոնց տունդարձին համար։ Մինչ յետպատերազմեան ծանր իրավիճակին մէջ այս խնդիրը հրատապ բնոյթ կը ներկայացնէ, վաղը, Հայաստանի բոլոր եկեղեցիներուն մէջ Ս. Պատարագի աւարտին այս ուղղութեամբ մասնաւոր աղօթք պիտի կատարուի։
Ամենայն Հայոց Տ.Տ. Գարեգին Բ. Կաթողիկոսը երէկ Ս. Ծնունդի մեռելոցին առթիւ այցելեց «Եռաբլուր» զինուորական պանթէոն՝ սրբազաններու եւ բարձրաստիճան եկեղեցականներու ուղեկցութեամբ։ Նահատակաց պանթէոնի համալիրէն ներս Վեհափառ Հայրապետի հանդիսապետութեամբ տեղի ունեցաւ հոգեհանգստեան պաշտօն։
Իսրայէլի մօտ Ռուսաստանի դեսպան Անաթոլի Վիքթորով վերջերս այցելեց Երուսաղէմի Հայոց Պատրիարքարան։ Տարեմուտի շրջանին ան Սրբոց Յակոբեանց վանքէն ներս հիւրընկալուեցաւ Երուսաղէմի Հայոց Պատրիարք Ամեն. Տ. Նուրհան Ս. Արքեպիսկոպոս Մանուկեանի կողմէ։
Մեծի Տանն Կիլիկիոյ Տ.Տ. Արամ Ա. Կաթողիկոսը Սուրբ Ծննդեան առթիւ հրապարակեց պատգամ մը։ Ստորեւ կը հրատարակենք Կիլիկեան Աթոռի գահակալի Սուրբ Ծննդեան պատգամը։
Հայաստանեայց Առաքելական Եկեղեցին երէկ աւանդական շուքով նշեց Տէր Յիսուս Քրիստոսի հրաշափառ Սուրբ Ծննդեան եւ Աստուածայայտնութեան տօնը:
Տ.Տ. Գարեգին Բ. Ամենայն Հայոց Վեհափառ Հայրապետը տաղաւարի առթիւ պատարագեց Երեւանի Ս. Գրիգոր Լուսաւորիչ Մայր տաճարին մէջ, ուր տուաւ նաեւ իր պատգամը:
Սուրբ Ծննդեան եւ Աստուածայայտնութեան տօնին առթիւ Ամենայն Հայոց Տ.Տ. Գարեգին Բ. Կաթողիկոսը երէկուան տաղաւարի Հայրապետական Ս. Պատարագի ընթացքին տուաւ իր պատգամը, որ ուղղած էր համայն աշխարհի հայութեան։ Ստորեւ արեւմտահայերէնի վերածելով կը ներկայացնենք Վեհափառ Հայրապետին պատգամը։
Քրիստոսի Ծնունդը մարդկութեան հոգևոր էութեանը մէջ բացայայտուած գերագոյն ճշմարտութիւնն է՝ Աստուածայայտութիւնը։ Մինչ Քրիստոսի հրաշալի Ծնունդը մարդկութիւնը չկարողացաւ իր բանականութեամբ ինքզինք բարձրացնել այն մակարդակին, որով պիտի կարողանար ըմբռնել այն, որ մարդն ստեղծուած էր Աստուծոյ պատկերին համաձայն եւ իր մէջ կը կրէր աստուածային սիրոյ ու իմաստութեան ճառագայթումը։
Մայր Աթոռ Սուրբ Էջմիածնի մէջ տարեմուտի առթիւ Սուրբ Պատարագ եւ Հայրապետական մաղթանք:
Ամենայն Հայոց Տ.Տ. Գարեգին Բ. Կաթողիկոսը այցելեց «Եռաբլուր» զինուորական պանթէոն՝ սրբազաններու ուղեկցութեամբ:
Մեծի Տանն Կիլիկիոյ Տ.Տ. Արամ Ա. Կաթողիկոսը 2021 թուականի տարեմուտին առթիւ հրապարակեց պատգամ մը։ Ստորեւ կը հրատարակենք Կիլիկեան Աթոռի գահակալի Ամանորի պատգամը։
Ամենայն Հայոց Տ.Տ. Գարեգին Բ. Կաթողիկոսը 2021 թուականի սկիզբին առթիւ պատգամ մը փոխանցեց իր աշխարհացրիւ հօտին։ Ստորեւ կը ներկայացնենք Վեհափառ Հայրապետի Ամանորի պատգամը։
