Հայաստանի ներքին քաղաքական առկայ լարուած մթնոլորտին մէջ, Ամենայն Հայոց Տ.Տ. Գարեգին Բ. Կաթողիկոսը այս առաւօտ փութաց՝ հացադուլ յայտարարած գործիչներու այցելութեան։ Երեւանի Հանրապետութեան հրապարակին վրայ, կառավարութեան շէնքի դիմացը հացադուլ յայտարարած քաղաքացիները Նորին Սրբութեան հայրական վերաբերմունքին առարկայ դարձան։
Հայաստանեայց Առաքելական Սուրբ Եկեղեցին շաբաթավերջին նշեց Հայոց Առաջին լուսաւորիչներ Ս. Թադէոս եւ Ս. Բարթողիմէոս առաքեալներու յիշատակի տօնը։ Մայր Աթոռ Սուրբ Էջմիածնի մէջ այս առթիւ Ս. Պատարագ մատուցուեցաւ Ս. Յովհաննէս Մկրտիչ եւ Ս. Վարդան մատուռ-մկրտարանին մէջ։
Հայաստանեայց Առաքելական Սուրբ Եկեղեցին վաղը պիտի տօնախմբէ հայոց առաջին լուսաւորիչներուն՝ Ս. Թադէոս եւ Ս. Բարթողիմէոս առաքեալներու տօնը։ 2015-ին, Ամենայն Հայոց Տ.Տ. Գարեգին Բ. Կաթողիկոսի սրբատառ կոնդակով այս տօնը հռչակուած էր Աստուածամուխ Ս. Գեղարդի ուխտի օր։
Լեռնային Ղարաբաղի լայնածաւալ պատերազմին վերջ տուած հրադադարի համաձայնութիւնը դաշտի վրայ կը գործադրուի փուլ առ փուլ։ Երէկ, Քարվաճառի շրջանը վերջնականօրէն անցաւ Ատրպէյճանի վերահսկողութեան տակ։
Երէկ, Ամենայն Հայոց Տ.Տ. Գարեգին Բ. Կաթողիկոսի բարձր նախագահութեամբ, Վանաձորի Ս. Գրիգոր Նարեկացի Առաջնորդանիստ եկեղեցւոյ մէջ տեղի ունեցաւ նորոգ հանգուցեալ թեմակալ առաջնորդ Տ. Սեպուհ Արք. Չուլճեանի յուղարկաւորութեան արարողութիւնը։
Ամենայն Հայոց Տ.Տ. Գարեգին Բ. Կաթողիկոսի հայրապետական տնօրինութեամբ՝ Մայր Աթոռ Սուրբ Էջմիածնի մէջ հաստատուեցաւ Արցախի հոգեւոր-մշակութային ժառանգութեան հարցերով գրասենեակ մը։
Հայաստանի մէջ այսօր կը յուղարկաւորուի Գուգարաց թեմի առաջնորդ՝ նորոգ վախճանեալ Տ. Սեպուհ Արք. Չուլճեան։ Եկեղեցական շրջանակներէ ներս վերջին օրերուն ցաւ յառաջացուցած էր իր անժամանակ կորուստը։ Նորին սրբազնութիւնը զոհ գացած է քորոնաժահրի համաճարակին։
Մայր Աթոռ Սուրբ Էջմիածնի մէջ երէկ տեղի ունեցաւ խորհրդաւոր արարողութիւն մը։ Այսպէս, Սուրբ Տրդատի բաց խորանին առջեւ յիշատակի արարողութիւն մը տեղի ունեցաւ՝ Արցախի պատերազմին նահատակուած հերոսներու ի յարգանս։
Ամենայն Հայոց Տ.Տ. Գարեգին Բ. Կաթողիկոսը երէկ այցելեց Մայր Աթոռ Սուրբ Էջմիածնի կառոյցներէն ներս ապաստան գտած ընտանիքներուն, որոնք Արցախի վերջին պատերազմին հետեւանքով պարտաւորուած են գաղթելու։ Նորին Սրբութիւնը Էջմիածին քաղաքէն ներս տեղահանեալ ընտանիքները իր հայրական հոգածութեան առարկայ դարձուց։
Հայաստանի մէջ այս կիրակին հռչակուած է՝ Արցախի պատերազմի ժամանակ հայրենիքի պաշտպանութեան համար նահատակուած հերոսներու յիշատակութեան օր։ Հայաստանի Հանրապետութեան նախագահ Արմէն Սարգսեան եւ Ամենայն Հայոց Տ.Տ. Գարեգին Բ. Կաթողիկոսը օրեր առաջ հանդէս եկած էին համապատասխան կոչով մը։
