Ամենայն Հայոց Տ.Տ. Գարեգին Բ. Կաթողիկոսը երէկ Վատիկանի մէջ հանդիպում մը ունեցաւ Հռոմէական Կաթոլիկ Եկեղեցւոյ Քահանայապետ Ֆրանսիսքոս Ա. Սրբազան Պապին հետ։ Հարկ է նշել, որ Վեհափառ Հայրապետը շաբաթավերջին մեկնած էր Իտալիա, ուր Վատիկանի մէջ շարք մը հանդիպումներ պիտի ունենար, աւելի վերջ ալ Միլանօ անցնելով պիտի տեսակցէր իտալահայ համայնքի ներկայացուցիչներուն հետ։
Ամենայն Հայոց Տ.Տ. Գարեգին Բ. Կաթողիկոսը երէկ Մայր Աթոռ Սուրբ Էջմիածնի մէջ հիւրընկալեց Լեռնային Ղարաբաղի Ազգային ժողովի նախագահ Արթուր Թովմասեանը, որու կողմէ գլխաւորուած պատուիրակութիւնը այս օրերուն պաշտօնական այցելութիւն մը կու տայ Երեւան։
Տ. Խաժակ Արք. Պարսամեանի եւ դեսպան Տիգրան Բալայեանի հովանաւորութեամբ:
Մաաստրիխտի ձեռնարկի աւարտին հայ եւ կաթոլիկ հոգեւորականներ աղօթեցին միասնաբար:
Ն.Ս.Օ.Տ.Տ. Գարեգին Բ. «Մենք համոզուած ենք, թէ «Հայոց Եկեղեցւոյ պատմութիւն» առարկան՝ որպէս առանձին դասանիւթ պէտք է դասաւանդուի»:
«Պէտք է ճանչնանք մեր եկեղեցին, պէտք է գնահատենք անոր առաքելութիւնը, որպէսզի մեր զաւակները ջերմանան ու լեցուին հաւատքով իրենց մանկութենէն»:
Ամենայն Հայոց Տ.Տ. Գարեգին Բ. Կաթողիկոսը երէկ Մայր Աթոռ Սուրբ Էջմիածնի մէջ հիւրընկալեց Հայաստանի Հանրապետութեան Աւագ դատախազ Արթուր Դաւթեանի, Բարձրագոյն դատական խորհուրդի նախագահ Ռուբէն Վարդազարեանի եւ Փաստաբաններու պալատի նախագահ Արա Զօհրապեանի կողմէ գլխաւորուած պատուիրակութիւնը։ Վեհարանի մէջ տեղի ունեցաւ հանդիպումը, որու ընթացքին հիւրերը կարեւորեցին Հայ Առաքելական Եկեղեցւոյ դերակատարութիւնը։
Ամենայն Հայոց Վեհափառ Հայրապետը հիւրընկալեց Հայաստանի կրթութեան, գիտութեան, մշակոյթի եւ մարմնամարզի նախարարը:
Մայր Աթոռ Սուրբ Էջմիածնի քննարկումներուն ժամանակ օրակարգի վրայ եկան կրթական ոլորտի բարեփոխումներու նախաձեռնութեան վերաբերեալ մտահոգութիւնները:
Ամենայն Հայոց Տ.Տ. Գարեգին Բ. Կաթողիկոսը երէկ Մայր Աթոռ Սուրբ Էջմիածնի մէջ հիւրընկալեց, ազգային բարերար, Հայաստանի Հանրապետութեան Ազգային հերոս Էտուարտօ Էօրնէքեանը։ Այս վերջինը միեւնոյն ժամանակ Մայր Աթոռ Սուրբ Էջմիածնի բարերարներէն է։
Հայաստանեայց Առաքելական Եկեղեցին երէկ աւանդական շուքով նշեց տարուայ հինգ տաղաւարներէն վերջինը՝ Խաչվերացի տօնը։ Մայր Աթոռ Սուրբ Էջմիածնի մէջ այս առթիւ տեղի ունեցան մեծահանդէս արարողութիւններ։
Պէյրութի նաւահանգիստի ահաւոր պայթումէն քառասուն օր անց ոգեկոչման յուզումնալի արարողութիւն:
Տ. Նաւասարդ Արք. Կճոյեան նախագահեց Երեւանի Սուրբ Սարգիս առաջնորդանիստ եկեղեցւոյ մէջ տեղի ունեցած կարգին:
«Ազգային արժէքներու պաշտպանութիւն» նախաձեռնութեան խումբը երէկ այցելեց Մայր Աթոռ Սուրբ Էջմիածին՝ ծանօթացնելով իր օրէնքի նախագիծը:
Ն.Ս.Օ.Տ.Տ. Գարեգին Բ. «Հայոց ինքնութիւնը դարերով կերտած արժէքները եւ նախնիներէ աւանդուած ժառանգութիւնը գրաւականն են ազգի յարատեւութեան»:
