Ամենայն Հայոց Տ.Տ. Գարեգին Բ. Կաթողիկոսը երէկ Մայր Աթոռ Սուրբ Էջմիածնի մէջ հիւրընկալեց Վատիկանի պետական քարտուղարի ընդհանուր հարցերով փոխանորդ Արքեպիսկոպոս Էտկար Փենիա Փարայի կողմէ գլխաւորուած պատուիրակութիւնը։ Երեւանի մէջ նախընթաց օր պաշտօնապէս բացուեցաւ Սուրբ Աթոռի դիւանագիտական ներկայացուցչութեան շէնքը։
Ամենայն Հայոց Տ.Տ. Գարեգին Բ. Կաթողիկոսը նախընթաց օր Մայր Աթոռ Սուրբ Էջմիածնի մէջ ընդունեց՝ հոկտեմբերի 10-ին, Երեւանի Ս. Գրիգոր Լուսաւորիչ Մայր եկեղեցւոյ մէջ ձեռնադրուած 25 նոր սարկաւագները։ Վեհարանի մէջ տեղի ունեցած հանդիպման ներկայ էին Մայր Աթոռ Սուրբ Էջմիածնի լուսարարապետ Տ. Մուշեղ Եպսկ. Պապայեան եւ Գէորգեան հոգեւոր ճեմարանի տեսուչ Տ. Շահէ Ծ. Վրդ. Անանեան։
Երէկ, Պէյրութի մէջ, Լիբանանի նախագահ Միշէլ Աուն ընդունեց կաթողիկէ հայոց նորընտիր Տ. Ռաֆայէլ-Պետրոս ԻԱ. Կաթողիկոս-պատրիարքը։ Հանդիպման ընթացքին ան շեշտեց, որ Լիբանանի հայ կաթոլիկները պատրաստ են միշտ ծառայելու իրենց երկրին։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան արագ ապաքինում մաղթեց Ուղղափառաց Տ.Տ. Պարթոլոմէոս Ա. Տիեզերական Պատրիարքին, որ դէպի Միացեալ Նահանգներ ուղեւորութեան ընթացքին անհանգստանալով հիւանդանոց փոխադրուած էր Ուաշինկթընի մէջ։ Նորին Սրբութիւնը արդէն հիւանդանոցէն դուրս եկած է եւ կը շարունակէ իր հովուապետական այցելութիւնը։
Մեծի Տանն Կիլիկիոյ Տ.Տ. Արամ Ա. Կաթողիկոսը վերջին օրերուն Անթիլիասի մէջ հիւրընկալեց Լիբանանի մօտ ՄԱԿ-ի մշտական ներկայացուցիչ Ճուանայ Որոնեկայը։ Կիլիկեան Աթոռի աղբիւրները հաղորդեցին, որ Ճուանայ Որոնեկայ հանդիպման ընթացքին անդրադարձաւ ՄԱԿ-ի՝ Լիբանանի վերաբերեալ առկայ մտահոգութիւններուն ու առաջադրանքներուն։
Ամենայն Հայոց Վեհափառ Հայրապետին եւ Սրբազան Քահանայապետին կողմէ շնորհաւորականներ:
Կաթողիկէ հայոց նորընտիր պատրիարքը Պէյրութի մէջ երէկ պաշտօնական արարողութիւնով կոչուեցաւ առաքելութեան:
Ֆէնէրի Յունաց Պատրիարքարանի համալիրէն ներս երէկ յատկանշական օր մը ապրուեցաւ։ Այսպէս, հանդիսաւոր ձեւով նշուեցաւ Ուղղափառաց Տ.Տ. Պարթոլոմէոս Ա. Տիեզերական Պատրիարքի գահակալութեան 30-ամեակը։
Ամենայն Հայոց Տ.Տ. Գարեգին Բ. Կաթողիկոսը երէկ Մայր Աթոռ Սուրբ Էջմիածնի մէջ հիւրընկալեց «Հայաստանը եւ տարածքաշրջանը. դասեր, արժեւորումներ, հեռանկարներ» խորագրեալ միջազգային գիտաժողովի մասնակիցները։ Երեւանի մէջ կազմակերպուած այս միջազգային գիտաժողովը տեղի ունեցած էր Հայաստանի Գիտութիւններու ազգային ակադեմիայի երդիքին տակ։
Մեծի Տանն Կիլիկիոյ Տ.Տ. Արամ Ա. Կաթողիկոսը նախընթաց օր Անթիլիասի մէջ մէկտեղուեցաւ խումբ մը կրթական մշակներու հետ։ Նորին Սրբութիւնը հիւրընկալեց Կաթողիկոսարանի «Խաչեր Գալուստեան» մանկավարժական կեդրոնի 16 վկայեալները, որոնց մեծամասնութիւնը կը դասաւանդէ լիբանանահայ վարժարաններէ ներս։
Հայց. Առաքելական Եկեղեցւոյ Հիւսիսային Ամերիկայի Արեւմտեան թեմի առաջնորդ Տ. Յովնան Արք. Տէրտէրեան վերջերս հովուական այցելութիւն մը տուաւ Սան Ֆրանսիսքօ, ուր Ս. Յովհաննէս եկեղեցւոյ մէջ մատոյց Ս. Պատարագ։ Տեղւոյն հոգեւոր հովիւը, ծխական խորհուրդը եւ յարակից մարմիններու անդամները ջերմ մթնոլորտի մը մէջ դիմաւորեցին Նորին Սրբազնութիւնը, որու մատուցած Ս. Պատարագի ընթացքին առընթերակայ էր Տ. Մեսրոպ Քհնյ. Աշ։
