Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան արագ ապաքինում մաղթեց Ուղղափառաց Տ.Տ. Պարթոլոմէոս Ա. Տիեզերական Պատրիարքին, որ դէպի Միացեալ Նահանգներ ուղեւորութեան ընթացքին անհանգստանալով հիւանդանոց փոխադրուած էր Ուաշինկթընի մէջ։ Նորին Սրբութիւնը արդէն հիւանդանոցէն դուրս եկած է եւ կը շարունակէ իր հովուապետական այցելութիւնը։
Մեծի Տանն Կիլիկիոյ Տ.Տ. Արամ Ա. Կաթողիկոսը վերջին օրերուն Անթիլիասի մէջ հիւրընկալեց Լիբանանի մօտ ՄԱԿ-ի մշտական ներկայացուցիչ Ճուանայ Որոնեկայը։ Կիլիկեան Աթոռի աղբիւրները հաղորդեցին, որ Ճուանայ Որոնեկայ հանդիպման ընթացքին անդրադարձաւ ՄԱԿ-ի՝ Լիբանանի վերաբերեալ առկայ մտահոգութիւններուն ու առաջադրանքներուն։
Ամենայն Հայոց Վեհափառ Հայրապետին եւ Սրբազան Քահանայապետին կողմէ շնորհաւորականներ:
Կաթողիկէ հայոց նորընտիր պատրիարքը Պէյրութի մէջ երէկ պաշտօնական արարողութիւնով կոչուեցաւ առաքելութեան:
Ֆէնէրի Յունաց Պատրիարքարանի համալիրէն ներս երէկ յատկանշական օր մը ապրուեցաւ։ Այսպէս, հանդիսաւոր ձեւով նշուեցաւ Ուղղափառաց Տ.Տ. Պարթոլոմէոս Ա. Տիեզերական Պատրիարքի գահակալութեան 30-ամեակը։
Ամենայն Հայոց Տ.Տ. Գարեգին Բ. Կաթողիկոսը երէկ Մայր Աթոռ Սուրբ Էջմիածնի մէջ հիւրընկալեց «Հայաստանը եւ տարածքաշրջանը. դասեր, արժեւորումներ, հեռանկարներ» խորագրեալ միջազգային գիտաժողովի մասնակիցները։ Երեւանի մէջ կազմակերպուած այս միջազգային գիտաժողովը տեղի ունեցած էր Հայաստանի Գիտութիւններու ազգային ակադեմիայի երդիքին տակ։
Մեծի Տանն Կիլիկիոյ Տ.Տ. Արամ Ա. Կաթողիկոսը նախընթաց օր Անթիլիասի մէջ մէկտեղուեցաւ խումբ մը կրթական մշակներու հետ։ Նորին Սրբութիւնը հիւրընկալեց Կաթողիկոսարանի «Խաչեր Գալուստեան» մանկավարժական կեդրոնի 16 վկայեալները, որոնց մեծամասնութիւնը կը դասաւանդէ լիբանանահայ վարժարաններէ ներս։
Հայց. Առաքելական Եկեղեցւոյ Հիւսիսային Ամերիկայի Արեւմտեան թեմի առաջնորդ Տ. Յովնան Արք. Տէրտէրեան վերջերս հովուական այցելութիւն մը տուաւ Սան Ֆրանսիսքօ, ուր Ս. Յովհաննէս եկեղեցւոյ մէջ մատոյց Ս. Պատարագ։ Տեղւոյն հոգեւոր հովիւը, ծխական խորհուրդը եւ յարակից մարմիններու անդամները ջերմ մթնոլորտի մը մէջ դիմաւորեցին Նորին Սրբազնութիւնը, որու մատուցած Ս. Պատարագի ընթացքին առընթերակայ էր Տ. Մեսրոպ Քհնյ. Աշ։
Հայ ժողովուրդի պատմութիւնը հարուստ է մշակութային արժէքներով։ Սուրբ Սահակ եւ Սուրբ Մեսրոպի ու իրենց անմիջական աշակերտներու ներդրումով բացուեցաւ Հայ գրականութեան Ոսկեդարը։ Հայերէնով արտադրուած երկերու ընդմէջէն անմահացաւ այս կարեւոր շարժումը։
Հայոց, ռուսաց եւ ատրպէյճանցիներու հոգեւոր առաջնորդներու Մոսկուայի հանդիպման արձագանգները:
Ն.Ս.Օ.Տ.Տ. Գարեգին Բ. «Կայունութեան եւ խաղաղութեան հաստատման առումով կարգաւորումը այլընտրանք չունի»:
Տ.Տ. Գարեգին Բ. Ամենայն Հայոց Վեհափառ Հայրապետն ու Ատրպէյճանի շէյխիւլիսլամ Ալլահշիւքիւր Փաշազատէ՝ Ռուս Ուղղափառ Եկեղեցւոյ Տ.Տ. Քիրիլ Ա. Պատրիարքի միջնորդութեամբ երէկ եռակողմանի հանդիպում մը ունեցան Մոսկուայի մէջ, Սուրբ Դանիէլ մայրավանիք համալիրէն ներս:
1988 թուականէն ի վեր, տարածքաշրջանի հոգեւոր առաջնորդներուն միջեւ այս ձեւաչափով իրականացաւ արդէն 17-րդ տեսակցութիւնը. «Աստուծմէ կոչուած ենք սէր եւ ողորմութիւն քարոզելու, նոյնիսկ երբ սա կը թուի դժուար իրականանալի։ Մենք կոչուած ենք համատեղ միանշական պատասխան մը տալ կրօնը եւ պատերազմը իրարու կապելու փորձերուն»:
