Երուսաղէմի Հին քաղաքի «Կովերու պարտէզ» ազգապատկան կալուածի աղմկարար գործարքի արձագանգները կը շարունակեն առաջնահերթութիւն ներկայացնել հայ իրականութեան օրակարգին վրայ։
Երէկ, Ամենայն Հայոց Տ.Տ. Գարեգին Բ. Կաթողիկոսի բարձր նախագահութեամբ, Մայր Աթոռ Սուրբ Էջմիածնի մէջ հոգեհանգստեան պաշտօն կատարուեցաւ՝ Արցախի 44-օրեայ պատերազմի հրադադարի առաջին տարելիցին առթիւ։ Ս. Գայիանէ վանքին մէջ կատարուեցաւ հոգեհանգստեան պաշտօնը, որու ընթացքին աղօթք բարձրացուեցաւ առ Աստուած՝ նահատակեալ քաջորդիներու հոգւոյն հանգստութեան համար։
Հայաստանեայց Առաքելական Եկեղեցւոյ Գերմանիոյ թեմէն ներս այս շրջանին օրակարգի վրայ կը գտնուի վերանորոգութեան կարեւոր ծրագիր մը։ Այսպէս, խօսքը կը վերաբերի Կէօթինկէնի Ս. Խաչ եկեղեցւոյ, որ ներկայիս վերանորոգութեան տակ առնուած է։
Հայաստանեայց Առաքելական Եկեղեցւոյ Հիւսիսային Ամերիկայի Արեւմտեան թեմը վերջերս լոյս ընծայեց Ս. Գրիգոր Նարեկացիի «Մատեան ողբերգութեան» անմահական երկի արեւմտահայերէնը։ Թեմակալ առաջնորդ Տ. Յովնան Արք. Տէրտէրեանի օրհնութեամբ ու նախաձեռնութեամբ, «Մատեան ողբերգութեան. ընտրանի» խորագրեալ գիրքը տպագրութեան պատրաստուած է Տ. Տաճատ Ծ. Վրդ. Եարտըմեանի կողմէ։
Հայաստանեայց Առաքելական Եկեղեցւոյ Հիւսիսային Ամերիկայի Արեւելեան թեմէն ներս 50-ամեակ:
Տ. Վիգէն Արք. Այգազեանի ի պատիւ մեծարանքի հանդիսութիւն՝ Չելթընհեմի Սուրբ Երրորդութիւն եկեղեցւոյ մէջ:
Երէկ, Ամենայն Հայոց Տ.Տ. Գարեգին Բ. Կաթողիկոսի բարձր նախագահութեամբ Մայր Աթոռ Սուրբ Էջմիածնի մէջ սկսաւ Գերագոյն հոգեւոր խորհուրդի (ԳՀԽ) ընդլայնուած կազմով նստաշրջանը։ Սկիզբին միաբերան արտասանուած «Հայր մեր»էն վերջ ժողովականները աղօթեցին Արցախի 44-օրեայ պատերազմին նահատակուած հայորդիներու եւ նորոգ հանգուցեալ Տ. Մաղաքիա Վրդ. Ամիրեանի հոգիներու հանգստութեան համար։
Երէկ, Մայր Աթոռ Սուրբ Էջմիածնի մէջ Տ.Տ. Գարեգին Բ. Կաթողիկոսի բարձր նախագահութեամբ կիրակնօրեայ Ս. Պատարագ մատուցուեցաւ՝ Ս. Գայիանէ վանքի պատմական կամարներուն ներքեւ։ Օրուայ պատարագիչն էր Մայր Աթոռ Սուրբ Էջմիածնի լուսարարապետ Տ. Մուշեղ Եպսկ. Պապայեան, որ խօսեցաւ նաեւ քարոզ մը։
Պատրիարքական Աթոռը լոյս ընծայած է «Յիշելով Մեսրոպ Բ. Պատրիարք Հայրը» յուշամատեանը՝ հրամանաւ եւ օրհնութեամբ Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեանի։ Գումգաբուի աղբիւրները երէկ հաղորդեցին, որ այս գիրքին համար կազմակերպուած է նաեւ շնորհանդէս մը, որ տեղի պիտի ունենայ յառաջիկայ հինգշաբթի երեկոյեան, Ֆէրիգիւղի մէջ։
Երուսաղէմի Հայոց Պատրիարքութեան ազգապատկան կալուածներու պարագային շրջանառութեան մէջ մտած վերջին մտահոգիչ լուրերու արձագանգները կը շարունակուին։ Խօսքը յատկապէս կը վերաբերի Հին քաղաքի՝ աւանդաբար «Կովերու պարտէզ» կոչուած տարածքին, որ վանքին կողմէ 99 տարուան ժամկէտով վարձու տրուած է՝ այնտեղ եօթնաստղանի պանդոկի մը կառուցման ծրագրի իրականացման հեռանկարով։
Մայր Աթոռ Սուրբ Էջմիածնի մէջ երէկ նշուեցաւ Ամենայն Հայոց Վեհափառ Հայրապետի գահակալութեան տարեդարձը։
Բոլորը ուրախութեամբ անդրադարձան այս 22 տարիներու ընթացքին արձանագրուած մեծաթիւ ձեռքբերումներուն՝ երախտագիտութեան պարտքով։
