Եկեղեցական

Հայաստանի Ազգային Ժողովէն խումբ մը պատգամաւորներ Սուրբ Էջմիածնի մէջ:
Ամենայն Հայոց Վեհափառ Հայրապետը ընդգծեց երեսփոխաններու առաքելութեան կարեւորութիւնը:

Ամենայն Հայոց Տ.Տ. Գարեգին Բ. Կաթողիկոսը Մեծ պահքի առթիւ պատգամ մը ուղղեց՝ աշխարհացրիւ իր հօտին։ Ստորեւ կը ներկայացնենք Վեհափառ Հայրապետին պատգամը։
                                                              *
Սիրելի բարեպաշտ ժողովուրդ,
Մուտք կը գործենք Մեծ պահքի շրջան, որ աղօթքի, խոկման ու ներհայեցողութեան առանձնակի ժամանակամիջոց է։ Այս օրերուն մեր ներաշխարհը կը պայծառանայ ու կը զօրանայ սուրբգրային ընթերցումներով, հոգեշահ պատգամներով, զորս կը փոխանցեն Մեծ պահքի կիրակիներու խորհուրդները։ 

Ամենայն Հայոց Տ.Տ. Գարեգին Բ. Կաթողիկոսը երէկ Մայր Աթոռ Սուրբ Էջմիածնի մէջ հիւրընկալեց Մոլտովայի խորհրդարանի նախագահ Զինաիտա Կրեչանին, որ պաշտօնական այցելութիւն մը տուաւ Երեւան՝ Հայաստանի Ազգային ժողովի նախագահ Արարատ Միրզոյեանի հրաւէրին ընդառաջ։ Դէպի Մայր Աթոռ Սուրբ Էջմիածին հիւր պատուիրակութեան ուղեկցեցաւ Հայաստանի Ազգային ժողովի փոխ-նախագահ Լենա Նազարեան։

Բարձր հովանաւորութեամբ Ամենայն Հայոց Տ.Տ. Գարեգին Բ. Վեհափառ Հայրապետի:
Հայաստանի Աշտարակ քաղաքի Սուրբ Մարիանէ եկեղեցին վերաբացուեցաւ պաշտամունքի:

Ամենայն Հայոց Տ.Տ. Գարեգին Բ. Կաթողիկոսը երէկ Մայր Աթոռ Սուրբ Էջմիածնի մէջ հիւրընկալեց Հայաստանի մէջ ապաստան գտած սուրիահայ ընտանիքներու երեխաները։ Վեհափառ Հայրապետին ներկայացած խումբին ուղեկցեցաւ «Սուրիահայերու հիմնախնդիրները համակարգող կեդրոն» հասարակական կազմակերպութեան տնօրէն Ճորճ Բարսեղեան։

Հայաստանեայց Առաքելական Եկեղեցին մեծ շուքով նշեց Սրբոց Վարդանանց յիշատակութեան տօնը:
Ամենայն Հայոց Տ.Տ. Գարեգին Բ. Կաթողիկոսի անուանակոչութեան առթիւ անսասանութեան աղօթք Մայր Աթոռի մէջ:

Մայր Աթոռ Սուրբ Էջմիածնի հրատարակչութեան բաժինը լոյս ընծայեց «Հայ-Աղուանական եկեղեցական յարաբերութիւնները 2-8-րդ դարերուն» խորագրեալ ուսումնասիրութիւնը՝ որու հեղինակն է պատմաբան Փրոֆ. Հենրիկ Սվազեան։ Այս աշխատութեան մէջ կը պարզաբանուին քրիստոնէութեան Աղուանք ներթափանցումը, ընդունուիլը, ինչպէս նաեւ պատմական Մեծ Հայքի ու Աղուանքի միջեւ փոխյարաբերութիւնները։

Ամեն. Ս. Պատրիարք Հայրը երէկուան խորհրդակցութեան ընթացքին համայնքային վարիչներուն բացատրութիւններ տուաւ իր մօտալուտ ուղեւորութեան մասին՝ դէպի Մայր Աթոռ Սուրբ Էջմիածին։ Ան յայտնեց, որ որպէս պատրիարք՝ առաջին այցելութիւնը պիտի իրականացնէ դէպի Հայաստանեայց Առաքելական Եկեղեցւոյ ընդհանրական կեդրոնը՝ Մայր Աթոռ Սուրբ Էջմիածին։ 28 փետրուարին Նորին Ամենապատուութիւնը պիտի ուղեւորուի դէպի Հայաստան։

Հայաստանեայց Առաքելական Եկեղեցին երէկ մեծ խանդավառութեամբ նշեց Սրբոց Ղեւոնդեանց Քահանայից տօնը։ Ամենայն Հայոց Տ.Տ. Գարեգին Բ. Կաթողիկոսը նախագահեց Մայր Աթոռ Սուրբ Էջմիածնի արարողութիւններուն։

Հռոմի մէջ այս օրերուն տեղի կ՚ունենայ երիտասարդ հոգեւորականներու հաւաք մը, որ կազմակերպուած է Արեւելեան Ուղղափառ եւ Կաթոլիկ եկեղեցիներու պաշտօնական երկխօսութեան շրջանակներէն ներս։ Ամենայն Հայոց Տ.Տ. Գարեգին Բ. Կաթողիկոսի օրհնութեամբ, այս հաւաքին կը մասնակցին Հայաստանեայց Առաքելական Եկեղեցիէն ներկայացուցիչներ։