Ամենայն Հայոց Տ.Տ. Գարեգին Բ. Կաթողիկոսը նախընթաց օր Մայր Աթոռ Սուրբ Էջմիածնի մէջ հիւրընկալեց Բջնիէն խումբ մը ուխտաւորներ։ Ընդհանրապէս դպրոցականներէ բաղկացեալ այս խումբը Նորին Սրբութեան կողմէ ընդունուեցաւ մայրավանքի «Գարեգին Ա.» կրթական կեդրոնի երդիքին տակ։
Ամենայն Հայոց Տ.Տ. Գարեգին Բ. Կաթողիկոսը երէկ Մայր Աթոռ Սուրբ Էջմիածնի մէջ ընդունեց Երուսաղէմի Հայոց Պատրիարքութեան Սրբոց Թարգմանչաց վարժարանի ուսուցիչները։ Խումբը գլխաւորեց Սրբոց Յակոբեանց միաբանութեան անդամ Տ. Նորայր Վրդ. Գազազեան, որ այս վարժարանի տեսուչն է։
Հայկական բարեգործական ընդհանուր միութեան Կեդրոնական վարչութեան նախագահը շաբաթավերջին այցելեց Մայր Աթոռ Սուրբ Էջմիածին:
Տ.Տ. Գարեգին Բ. Ամենայն Հայոց Վեհափառ Հայրապետն ու Պերճ Սեդրակեան անդրադարձան Հայաստանի ներքին քաղաքական վերջին իրադարձութիւններուն:
Մայր Աթոռ Սուրբ Էջմիածնի դիւանապետին մամլոյ ասուլիսը. «Մենք զերծ պէտք է մնանք քաղաքական գործընթացներու բառապաշարը եկեղեցական կեանք ներմուծելէ»:
Տ. Արշակ Եպիսկոպոս Խաչատրեան. «Մարդը, որ ատելութիւն կը սերմանէ, իրաւունք չունի խաչի անունով հանդէս գալ։ Խաչը չի կրնար պախարակումի, մեղադրանքի խորհրդանշան հանդիսանալ։ Ես վստահ եմ, թէ մեր հանրութիւնը ունի այն առողջ գիտակցութիւնը, որ եթէ մենք կ՚ուզենք բան մը փոխել, ապա այդ բանը կ՚ընենք նոյնինքն մենք»:
Ամենայն Հայոց Տ.Տ. Գարեգին Բ. Կաթողիկոսը երէկ Մայր Աթոռ Սուրբ Էջմիածնի մէջ հիւրընկալեց «Ֆուլլեր տնաշինական կեդրոն» բարեգործական կազմակերպութեան միջազգային կամաւորները։ Վեհափառ Հայրապետը բարձր գնահատեց հիւրերու աստուածահաճոյ առաքելութիւնը, որու շնորհիւ օգտակարութիւն կը ցուցաբերուի կարիքաւոր բազում ընտանիքներուն։
Մեծի Տանն Կիլիկիոյ Տ.Տ. Արամ Ա. Կաթողիկոսը երէկ Պիքֆայայի Ս. Աստուածածին վանքին մէջ հիւրընկալեց Ասորի Ուղղափառ եկեղեցւոյ Մար Աֆրամ Բ. Պատրիարքը։ Անթիլիասի աղբիւրները տեղեկացուցին, որ երկու հոգեւոր առաջնորդներուն հանդիպումը առիթ հանդիսացած է ընդհանուր ակնարկ մը սեւեռելու համար Միջին Արեւելքի ու յատկապէս Սուրիոյ ներկայ կացութեան վրայ։
Հայաստանեայց Առաքելական Եկեղեցւոյ կեանքէն ներս ծագում առած տհաճ իրադարձութիւններու շարքը դժբախտաբար կը զբաղեցնէ օրակարգը։ Ինչպէս ծանօթ է, Հայաստանի մէջ կարգ մը շրջանակներ կը ջանան թիրախաւորել Մայր Աթոռ Սուրբ Էջմիածինը եւ Ամենայն Հայոց Տ.Տ. Գարեգին Բ. Կաթողիկոսը անհասկնալիօրէն պահանջելով Վեհափառ Հայրապետի հրաժարականը։
Կրօնական ժողովի ատենապետը յայտարարութիւններ ըրաւ ԺԱՄԱՆԱԿ օրաթերթին՝ զօրակցութիւն յայտնելով Ամենայն Հայոց Վեհափառ Հայրապետին:
Տ. Սահակ Եպսկ. Մաշալեան. «Պահանջները վտանգաւոր են, որովհետեւ յաչս աշխարհին ու համաքրիստոնէական ընտանիքին լաւ տպաւորութիւն մը չեն ստեղծեր Հայաստանեայց Առաքելական Եկեղեցիին տեսակէտէ։ Այս խնդիրը չի մեծնար, եթէ Հայաստանի նոր կառավարութեան կողմէ նեցուկ մը չըլլայ»:
Երեւանի Ս. Գրիգոր Լուսաւորիչ Մայր եկեղեցւոյ մէջ Ամենայն Հայոց Տ.Տ. Գարեգին Բ. Կաթողիկոսը նախագահեց երէկուան կիրակնօրեայ արարողութիւններուն, որու ընթացքին կատարուեցաւ քահանայական ձեռնադրութիւն։ Պատարագիչն էր Հայաստանեայց Առաքելական Եկեղեցւոյ Ռումանիոյ Թեմի Առաջնորդ Տ. Տաթեւ Եպսկ. Յակոբեան, որ քահանայ ձեռնադրեց 12 սարկաւագներ։
Եւրոպայի եկեղեցիներու խորհուրդի (ԵԵԽ) գագաթաժողովը, որ վերջին օրերուն տեղի ունեցաւ Սերպիոյ Նովի Սատ քաղաքին մէջ, եզրափակուեցաւ հանդիսաւոր արարողութիւնով մը։ ԵԵԽ-ի գագաթաժողովի օրերուն տեղի ունեցաւ Կառավարման խորհուրդի անդամներու ընտրութիւն, որու արդիւնքով Հայաստանեայց Առաքելական Եկեղեցւոյ պատուիրակութենէն՝ Անգլիոյ հայոց թեմի առաջնորդ Տ. Յովակիմ Եպսկ. Մանուկեան ընտրուեցաւ այդ խորհուրդի անդամ։
