Ամենայն Հայոց Տ.Տ. Գարեգին Բ. Կաթողիկոսի բարձր նախագահութեամբ, Մայր Աթոռ Սուրբ Էջմիածնի մէջ երէկ տեղի ունեցաւ Բժիշկներու օրհնութեան կարգ։ Սուրբ Գայիանէի վանքի երդիքին տակ, Վեհափառ Հայրապետի հանդիսապետութեամբ օրհնուեցան բժիշկներ եւ բուժաշխատողներ։
Աթոռոյս Պատկառելի Կրօնական ժողովը 27 մայիս 2020, չորեքշաբթի, յետմիջօրէին գումարուեցաւ Պատրիարքարանի մէջ, նախագահութեամբ Ամենապատիւ Պատրիարք Սրբազան Հօր։
Ծանօթ է, թէ քորոնայի համավարակի պատճառաւ նկատի ունենալով առողջապահական շրջանակներու թելադրութիւնները՝ ժողովի որոշմամբ մեր եկեղեցիները փակուած էին հաւաքական պաշտամունքի՝ 16 մարտ 2020 թուականէն ի վեր։
Պոլսոյ Պատրիարքական Աթոռը շաբաթավերջին նշեց իր հիմնադրութեան 559-րդ տարեդարձը։ Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեանի նախագահութեամբ, Գումգաբուի Ս. Աստուածածին Աթոռանիստ Մայր եկեղեցւոյ մէջ, այս առթիւ շաբաթավերջին գոհաբանական աղօթք մը կատարուեցաւ եւ ժամերգութեան ընթացքին մեր հոգեւոր հայրերու մաղթանքը եղաւ Պատրիարքական Աթոռի անսասանութիւնն ու անոր գահակալի արեւշատութիւնը։
Ցաւալի դէպք մը պատահած է 23 մայիս 2020, շաբաթ՝ այս անգամ Գուզկունճուքի Ս. Գրիգոր Լուսաւորիչ եկեղեցւոյ փողոցի դրան առջեւ։ Երբ արդէն փողոց ելլելու արգելք կար շաբաթավերջին, անծանօթ անձ մը եկեղեցւոյ արտաքին դրան վրայ բարձրանալով կոտրած է այդտեղ գտնուող մետաղեայ խաչը, գետին նետած ու ապա՝ հեռացած վայրէն։
Քորոնաժահրի համաճարակի դէմ պայքարի մթնոլորտին մէջ Մայր Աթոռ Սուրբ Էջմիածինը կը շարունակէ ստանալ նուիրատուութիւններ՝ Ամենայն Հայոց Տ.Տ. Գարեգին Բ. Կաթողիկոսի կոչին ընդառաջ։ Այդ նուիրատուութիւնները կը յատկացուին համաճարակի հետեւանքներու յաղթահարման ի նպաստ Հայաստանեայց Առաքելական Եկեղեցւոյ կողմէ ձեռնարկուած ընկերային, առողջապահական եւ կրթական ծրագրերու իրականացման համար։
Հայաստանեայց Առաքելական Եկեղեցւոյ Արեւմտեան Եւրոպայի Հայրապետական պատուիրակութեան հոգեւոր իշխանութեան սահմաններէն ներս ծառայութեան կոչուած եկեղեցականները նախընթաց օր առցանց խորհրդակցութիւն մը ունեցան։ Հոգեւորականաց այս ժողովի ընթացքին քննարկման նիւթ դարձաւ, թէ Հայաստանեայց Առաքելական Եկեղեցին ինչպէ՞ս կրնայ շարունակել իր առաքելութիւնը քորոնաժահրի համաճարակի ներկայ ժամանակաշրջանին։
Հայաստանեայց Առաքելական Եկեղեցին երէկ նշեց Տէր Յիսուս Քրիստոսի Համբարձման տօնը։ Աւանդաբար, Համբարձման տօնին առթիւ կը յիշատակուի նաեւ 1441 թուականին Ամենայն Հայոց Հայրապետութեան Աթոռի Սիս քաղաքէն Սուրբ Էջմիածին փոխադրման պատմական օրը։
ՅԱԿՈԲ ԳԱՍԱՐՃԵԱՆ
Հայաստանեայց Առաքելական Սուրբ Եկեղեցին իր ակունքներուն մէջն իսկ կղերապետական հաստատութիւն չէ եղած:
Քորոնաժահրի համաճարակի դէմ պայքարի մթնոլորտին մէջ Մայր Աթոռ Ս. Էջմիածինը նոր քայլեր կ՚առնէ:
Հայաստանի Առողջապահութեան նախարարութեան յանձնուեցան 2 հազար բժշկական պաշտպանիչ արտահագուստներ:
Ռամկավար ազատական կուսակցութեան (ՌԱԿ) Գերագոյն խորհուրդը շաբաթավերջին հանդէս եկաւ յայտարարութիւնով մը, որով տեղեկացուց, թէ կը շարունակէ մնալ Մայր Աթոռ Սուրբ Էջմիածնի կողքին։ Ինչպէս ծանօթ է, վերջին շրջանին Հայաստանի իշխանութիւններուն եւ Մայր Աթոռ Սուրբ Էջմիածնի միջեւ յառաջացած են շարք մը ցաւալի լարուածութիւններ, որոնք խոր մտահոգութիւն կ՚ընկալուին ամբողջ սփիւռքին կողմէ։
